xoves, 20 de agosto de 2009

III Concentración de embarcacions tradicionais en Ares

O Pasado sábado 15, tivo lugar a III Concentración de embarcacions tradicionais organizada polo C.N.Recreativo de Ares. Fíxose unha regata costeira de 2 h e media , e na que participaron 11 barcos. A clasificación foi:

1.- Abur C.M. de Redes
2.- Soundtress C.M. de Redes
3.- Teresa C.N.R. de Ares
4.- Cocodrilo
5.- Masmadera C.M. de Redes
6.- Alivanta C.N.R. de Ares
7.- Okeechove C.M. de Redes
8.- Gaviota C.N.R. de Ares
9. Matamo
10.- Mariñán II C.M. de Redes
11.- Reina de África C.N.R. de Ares

Lamentablemente Os Patexeiros non puidemos asistir, polo que pedimos disculpas oficialmente. A saturación de regatas e eventos nestas datas, fai que non se poda asistir a todas.

En calquiera caso, esperemos que o ano que ven puidamos participar.

Por outra banda, este sábado dia 22, celebraremos a derradeira regata de verán da Copa "Patexeiros", na que coma sabedes os de Ares seguen en cabeza. a quen lle apeteza, agardámosvos as catro da tarde na rampa da escola de vela (C.N.Recreatico) ou as 5 na auga, na liña de saída.

Con motivo do peche de tempada, o C. Recreativo organiza unha pequena sardiñada o rematarmos a proba, así que o que queira asistir debe avisar e pagar 5 €.

A vindeira semana, colgaremos a clasificación da copa, onde hai que sumar os puntos da derradeira regata nosa e os 3 puntos fixos os que participaron na concentración de Ares.

Ainda así, non remata aquí, xa que faltaría "A Parrocheira" de Ferrol", para sumar outros 3 puntos.

Bos ventos a todos/as

martes, 11 de agosto de 2009

Vamos a mais: Gran éxito da terceira regata en Sada


A pesar do tempo, a pesar das dificultades dos ventos de NNE de 12 a 15 nós, o pasado sábado celebramos a terceira das catro regatas de vela tradicional en Sada da Copa Patexeiros.
Ainda que o Líder, Pepe o do "O Sorio" do C.N de Ares segue a estar na primeira posición, desta fraqueou un pouquiño. Coma sempre, podedes ver a clasificación aquí:
Xa sabedes que canbiando as pestañas de abaixo vedes as clasificacions de todas as regatas e a Xeral

Os amigos de Redes chegaron coma as invasions vikingas, nun feixe de barcos dispostos a arrasar. E así o fixeron. O vencedor indiscutible destas duas mangas foi Paco, co "Abur", pero o Trebón e o "Masmadera" andivéronlle ahí detrás.


Os patexeiros volvimos a quedar un pouco atrás debido a dificultades técnucas. Por decilo así. Resulta que na buceta entraba auga pola borda nada mais sair, e xa non puido tomar a saída para non comprometer a seguridade. Pera a dorna "Boaventura", si o fixo, polo menos na primeira manga, onde rematou o percorrido perfectamente, facendo un estupendo papel.

Outro que tamen tivo algún problema na primeira manga, foi o "Alivanta", pero logo recuperou e tomou ben a saída, e fixo unha segunda manga moi boa.

Este sábado, haberá regata no C.N de Ares, así que todo o que participe, por favor que o diga para lle sumar os puntos.

Despois desta concentración de Ares, queda a derradeira regata dos Patexeiros en Sada e a Parrocheira en Ferrol.

mércores, 5 de agosto de 2009

Seguimos coa Copa "Patexeiros"

Os afeccionados a vela tradicional, as orquestas e os curas, temos algo en común: No verán , non paramos nin un fin de Semana. Xa sabemos que non é doado compaxinar isto coas nosas vidas familiares, pero polo menos intentámolo. As dúas vertentes.

Este pasado dia 1 de Agosto, un sábado no que quedou unha tarde preciosa, en contrapronóstico, nos fumos á concentración da Coruña. Coma todos os anos, o cócktail non faia: Gaiteiros, Churrasco e vela tradicional. E non nos choveu. Fixemos un bó espectáculo navegando coas nosas velas latinas, de relinga, cangrexa, polo paseo marítimo. Coma sempre, os turistas e transeuntes, andaban un pouco despistados, penso que lles chamou máis a atención os barcos eses que viñan da volta en solitario o mundo.

A verdade e que por un momento, fumos unha maqueta do festival de Brest: a vela tradicional, o barco de guerra francés, o castelo de fondo, os curiosos en terra e mar, e os barcos ultramodernos de non sei que c. de race que nos quitaban a atención.... : Un Brestiño.

Por un momento, case tivemos (tamén coma en Brest) un susto, e case temos un conflicto internacional. Un Barco francés, viña a sotavento, e iamos colisionar. O Jaime, que andaba na caña, xa nos dixo: "Que maniobre el, que va a motor e nós a vela. Certo era. Pero non maniobraba. O Jaime entón non sei que farfullou dos franceses (e non lles chamou franceses) , e suguia no rumbo. O outro barco tamén. Ata que miramos ¿por qué non maniobra? ...NON HABIA PATRON !!. Só había un tipo na proa atando non sei qué aparello. Ahí nos dimos conta que debería ser da nonseique race en solitario.

Coma en Brest, tivemos que dicir "que chove", o mexaren por nós, pero iso foi mellor que rematar na comandancia.

Na Copa Patexeiros, a seguinte cita será a nosa terceira regata, coma sempre en Sada, en colabouración co C.N Recreativo. Xa podedes ver a folla de clasificación actualizada coas últimas regatas e concentracions. O líder seque a ser Pepe o de o "O Sorio", de Ares. Na folla excell, podedes ver as clasificacions de todos os eventos e regatas do golfo ártabro, e os puntos dos involucrados. Se falta alguén por poñer, por favor decideo, pode que haxa errores.

http://sites.google.com/site/descargasxerais/Home/regatas-e-outros-eventos

Así que para os que os deixen na casa, xa sabedes, tedes unha estupenda regata o vindeiro sábado 8, as 16 h na rampa ou as 17 h na liña de saída no mar.

E quero facer unha reflexión en alto, agora: ¿QUÉ C. HABERAN CONTADO NA CASA ESES FREAKIES DA NONSEIQUE RACE EN SOLITARIO PARA QUE LLES DEIXARAN EMBARCAR?
Ainda nos queda moito por aprender dos franceses.
A miña foto
Asociacion cultural en defensa da conservación do patrimonio marítimo, o litoral e a cultura mariñeira. Contacta con nós no CORREO: patexeiros@hotmail.com ou ben no noso FORO: http://patexeiros.foroactivo.com