martes, 20 de outubro de 2009

A Copa "Balbina"

Pois si, xa fixemos a nosa asamblea , e un dos acordos a que se cheguo, foi o cambio do nome da copa. Moito mellor, a verdade. Gracias novamente a Nacho, desta vez pola idea. A COPA "BALBINA" de navegación tradicional, leva camiño de se converter tan famosa e codiciada coma a Copa América. Penso que non pararemos ate que eses frekies da vela, que pasan todo o dia entrenendo e con toda esa tecnoloxía decidadan pasar dese mundo e mercar unha dorna....Algún dia lles será mais interesante.

Tamén acordamos que o dia de actividades queda fixado para o sábado. Alí estaremos as 11 da mañán, alí no galpón do C.N.Recreativo, para ir facendo cousiñas e arranxos os dias que chova, e os dias de bo tempo , a navegar. En principio tamén puxemos horario de tarde, as 15 h, por se alguén non pode vir polas mañans. Isto non significa que hai que ir todos os sábados, pero intentaremos estar polo menos algún de nós por alá.

E outra cousa importante da que xa vos informamos e que vamos facer unha festa da entrega da Copa, que será o primeiro sábado de bo tempo que haxa a partir de finais de Novembro. Haberá Magosto, Caldo (como non, o combustible noso) empanada, viño..... Xa vos informamos de que hai que pagar 5 € para mercar a cunca (podédela ver na nosa sección de cousas para levar) e logo hai barra libre de caldo con ela. (Oferta válida ate fin de existencias). E como a trasdición di que a Copa, vaia onde vaia, ten que ir por mar, ese dia teremos concentración de embarcacions tradicionais en Sada, e acompañaremos á copa, que se vai para Ares.

Pero antes de todo iso (esperemos) temos o traslado da Balbina a Lorbé, onde como mínimo a imos afeitar. Se a crise económica se agrava, podemos comer dos mexilons que ten na obra viva durente varios meses, así que haberá que adecentala. Pero queremos facer do traslado tamén unha xornada festiva, por iso invitamos a quen nos quera acompañar por mar de Sada a Lorbé e logo voltaremos pola ruta de sendeirismo PR - G 96, pola Costa Doce. Ainda non temos datas, porque depende tamén do tempo. Pero ide tendo que conta que un xoves calquera, cando se den as condicions, avisaremos.

venres, 9 de outubro de 2009

Xa rematou a Copa Patexeiros 2009

Parabens a Pepe, do "O Sorio" de Ares, polo triunfo acadado nesta primeira edición da Copa Patexeiros. A verdade e que non só gañou varias mangas das probas, senón que ahi estivo con boas ou malas condicios meteorolóxicas, acudindo as citas das regatas unha tras outra. Iso e, Pepe, esa e a filosofía que queriamos premiar, non so chegar de primeiro. Manter vivas as embarcacions e non apodrecendo nun museo (nin moito menos na ria).

Idemamos este trofeo para presentar como un reto, a ver quen llo quitaría a Sada, a ver en que ano será....
Pois mirade: no primeiro xa. O mito durou menos ca unha miga de pan nun banco de muxos do porto. E que non nos deu tempo nin a aprender a velear.

Pero estamos encantados coa participación de todos /as, e do interese que espertou. Ahí tedes a clasificación final, e ainda que pode que haxa algún erro nas puntuacións doutras concentracions, velahí podedes ver a cantidade de xente que pasou por Sada neste verán embarcada en maderira.

http://sites.google.com/site/descargasxerais/Home/regatas-e-outros-eventos

Recentemente, acordamos facer da entrega da Copa, unha nova tradición, e que alá onde se vaia a Copa, terá que ir por mar. Ollo os dorneiros olimpicos das rias baixas.. coidado con vir aqui a gañarnos, que logo hai que ir en dorna para alá....e a Dorna e moita Dorna, pero o mar e mais mar.
Así que faremos festa, si, pero a Copiña haina que levar no barco a Ares, onde descansará neste inverno, e no vindeiro verán, o compromiso e devolvela a Sada na primeira regata, onde se volverá a poñer en xogo.

Así que....parece que cheira a festa en Sada ¿non si?

E a ver se vamos aprendendo a navegar....(iso vai por nós mesmos).

E tamén lanzo unha pregunta a ver que opinan os lectores: Por exemplo, se un tripulante dunha asociación fora a participar a outra, e resulta, se fose o caso hipotético que se afundiran, pero literalmente, afundir un 9 metros, ¿dámoslle os 3 puntiños igual?. Porque unha cousa e quedar de último na regata (que foi como empezamos) , pero rematar a tempada afundíndo un barco alleo...

En fin, coma sigamos así vannos chamar "os Paqueteiros"

Xa informaremos sobre o evento cando teñamos mais detalles, pero en principio pensamos facer unha especie de romería no final de Novembro ou principios de Nadal.
A miña foto
Asociacion cultural en defensa da conservación do patrimonio marítimo, o litoral e a cultura mariñeira. Contacta con nós no CORREO: patexeiros@hotmail.com ou ben no noso FORO: http://patexeiros.foroactivo.com