domingo, 27 de marzo de 2011

Segunda Sesión das Xornadas de Posta en Valor do Patrimonio Cultural Marítimo


Se o primeiro día lles tocou ó C.N. Punta Bufadoiro facer de anfitrións na presentación das Xornadas, nesta ocasión tocóunos ós Patexeiros.

E como AINDA NON TEMOS LOCAL, e haino que decir ben alto, a ver se as entidades ás que llo solicitamos en reiteradas ocasións se dan por aludidas, levamos a cabo estas Xornadas na Carpintaría Lorbé que nos cedeu Pepe ó longo da mañán, e a bordo do barco Ría de Ferrol que amablemente nos trouxeron os amigos do Clube do Mar de Ferrol.

Entre os asistentes atopábanse, como organizadores e colaboradores, o tenente de Alcalde de Oleiros, o xerente do GAC2, representantes de Caixal Proxectos, o presidente do C.N. Punta Bufadoiro, representantes do Clube do Mar de Ferrol e representantes dos Patexeiros.

Nesta ocasión xuntáronse algo máis de 20 persoas para escoitar de boca de Pepe e David, que é unha carpintaría de ribeira, como son as madeiras, como nace un barco, que hai que facer se queremos construir un, e varias cousas máis.

Os asistentes, como vedes nas fotos, representaban ós dous sexos e a distintas idades, co que demostra que o interese polo Patrimonio Cultural Marítimo non é só cousa de catro tolos que navegamos en barcos de madeira e nos empeñamos en conservalos.

Un dos momentos con máis seguemento foi cando Pepe nos explicou cómo se empezaba a construir un barco, partindo dun medio casco e se sacaban as líneas, ou a traveso das plantillas.


Tras o descanso oubo que cambiar un pouquiño o programa debido a que os amigos da TVG visitáronnos para facer varias conexións en directo para o programa A Revista fin de semán.

Aproveitamos para visitar o trincado Ria de Ferrol, que os AMIGOS do Clube do Mar de Ferrol nos trouxeron dende a cidade departamental para darlle un apoio máis a estas Xornadas.

A bordo, o amigo Cesar, expricóunos a todos os presentes e a todos os telespectadores da TVG como rescataran o Ria de Ferrol, con que medios o fixeran (con moita imaxinación, moitos amigos, moita vontade e poucos cartos e axudas institucionais).

Todos tivemos a ocasión de visitalo por dentro. Algúns/as quedaron abraiados/as do espacioso que era e da cantidade de camas que tiña.

E como colofón a esta segunda sesión das Xornadas, os amigos de Ferrol invitáronos a varios dos asistentes (non podía ser a todos polo límite de prazas que hai que cumplir) a unha pequena singladura polo mar de Lorbé ata a bocana, onde poidemos ver a manobra de largar as velas, e incluso algunha asistente tivo ocasión de levar a caña, sempre baixo a supervisión do patrón.

Logo rematóuse coa, sempre presente nestes eventos, sesión de mollar a palleta a base de cervexas do país.

Esperámosvos o vindeiro sábado día 2 de novo no Peirao de Lorbé.

Tedes máis fotos no noso álbum
by Palmeirán

domingo, 13 de marzo de 2011

Primeira sesión das Xornadas de Posta en Valor do Patrimonio Cultural Marítimo

Cunha puntualidade casi inglesa celebróuse na Casa Labarta de Mera a primeira sesión das Xornadas de Posta en Valor do Patrimonio Cultural Marítimo no Golfo Ártabro.



Máis de 30 persoas acudiron á Xornada, organizada polo GAC do Golfo Ártabro en colabouración co C.N. Punta Bufadoiro de Mera e a A.C.M. Os Patexeiros. O salón de actos da Casa Labarta rexistraba casi un cheo total.






No acto de apertura estiveron presentes o Tenente de Alcalde do Concello de Oleiros, o Xerente do Grupo de Acción Costeira do Golfo Ártabro, o presidente do C.N. Punta Bufadoiro, e o presidente dos Patexeiros.

Tras unha breve introducción do Tenente de Alcalde agradecendo a organización destas xornadas ó GAC e ás Asociacións colabouradoras, douse paso á presentación das Asociacións.




Miguel, en nome dos Patexeiros, fixo unha presentación moi amena da nosa Asociación, inicios, fins que persegue, actividades que desenrola, flota, e pechando, como non cunha reivindicación dun espazo para o Patrimonio Marítimo, para as embarcacións tradicionais tanto en terra para reparalas, como no mar que é ónde deben estar, e non en galpóns nin en fincas.




Logo presentou ó C.N.Punta Bufadoiro o seu presidente. Explicou como naceran, os socios que tiñan e as ideas que teñen en mente. Tamén nos dixo porqué pensaran en facerse cunhas embarcacións tradicionais, e como se decidiron polas bucetas, e ónde as atoparon.








Posteriormente o xerente do GAC 2, Federico López, resumeu brévemente a función dos GAC.








Logo disto, visualizamos un documental moi interesante sobre as embarcacións tradicionais de Galicia.
Chegou o tempo do descanso, donde Ana, a nosa Patexeira reposteira oficial nos agasallou cun riquísimo chocolate, cedido desinteresadamente pola empresa CHOCOLATE EXPRESS, e cuns bizcochos de fabricación artesán, e as suas típicas pastas con forma de dornas con vela de relinga e de botes con vela latina. Estas pastas xa as teredes visto e probadas na maioría dos eventos que organizamos Os Patexeiros.


Aproveitamos para visionar a numerosa colección de fotografías antiguas de Mera e arredores que aportaron os anfitrións C.N.Punta Bufadoiro, así como un bote polbeiro (pulpeiro, para que non se nos enfade Bedoya), unhas nasas , unha antigua vela de algodón, e un aparello de comunicación en caso de socorro, que forma parte do patrimonio
desta "nova" Asociación.




Continuou a sesión coa intervención de Bernardo Maiz. Que non fai falla presentación deste home, grande historiador, cun amplio currículum en varios campos, e mellor persoa, que nunca fallou a unha chamada dos Patexeiros para deleitarnos cos seus coñecementos sobre o mundo das embarcacións tradicionais, sempre que llo requerimos. Grazas Bernardo.







Bernardo, fixo unha longa pero amena explicación do Patrimonio Marítimo do Golfo Ártabro, comentou brevemente o documental que visionáramos anteriormente, e fixo unha chamada de atención sobre a conservación do Patrimonio, e do entorno natural.

Tras a intervención de Bernardo, chegou a hora das preguntas, e tivo lugar un pequeno debate, e sobre todo chamadas de axuda para que o Patrimonio non desapareza.

O "Gran" Bedoya nos contestou a varias preguntas sobre o trincado Ria de Ferrol, e chamou a atención sobre o perigo de desaparición de areas navegables no entorno da Graña, así como do dique de marea da Cabana, na Graña, un dos máis antigos do Estado, por mor das obras do ferrocarril de comunicación co porto exterior de Ferrol.



Sobre as dúas da tarde dóuse por pechada esta primeira sesión das Xornadas.

O vindeiro sábado 26 (o 19 é festivo) será o peirao de Lorbé o entorno elexido para o desenrrolo da segunda sesión.

by Palmeirán

martes, 8 de marzo de 2011

Xornadas de posta en valor do patrimonio cultural marítimo do Golfo Artabro.



Ó fin chegou o día no que os Patexeiros podemos ofrecer algo grátis. Grátis e interesante, claro , porque por exemplo tampouco cobramos nada por ir rascar a Balbina e iso tamén e grátis pero non tan proveitoso.

En colabouración co Clube nautico Punta Bufadoiro de Mera e Proxectos Culturais Caixal, temos organizadas unhas xornadas nas que esperamos sensibilizar aos asistintes sobre a importancia que ten a conservación do noso patrimonio marítimo a traves de actividades coma a conservación e rehabilitación de embarcacións tradicionais e o uso que posteriormente se lles dea.
Tamén hai que comentar a colabouración do G.A.C., (que non é, por se vos preguntades, unha marca de bicicletas). Xa van explicar alá o que é.

Podedes descargar o programa, o Diptico e mais o cartel indo ahí na esquerda a DESCARGAS - DESCARGAS PUBLICAS - e dentro de REGATAS E OUTROS EVENTOS veredes os PDF que vos podedes descargar con toda a información.
Ou ben accedendo directamente nestas ligazons:


CARTEL:
https://docs.google.com/viewer?a=v&pid=sites&srcid=ZGVmYXVsdGRvbWFpbnxkZXNjYXJnYXN4ZXJhaXN8Z3g6MjZmOGMzZjljM2QxMDA3Mg

DIPTICO:
https://docs.google.com/viewer?a=v&pid=sites&srcid=ZGVmYXVsdGRvbWFpbnxkZXNjYXJnYXN4ZXJhaXN8Z3g6NzA3ZjRhOWRhMGIxNWVkOQ

As xornadas se desenrolarán entre Mera e Lorbé, os sábados polas mañans, o 12 e mais o 26 de Marzo, e o 2 e o 9 de Abril.

Ademais de conferencias e visionado de videos informativos, incluiremos un mini cursiño de navegación a vela (so a parte de terra), obradoiros de nos, visita á carpintería, visitas de campo nos peirao a diversas tipoloxías, exposicións, etc.

Inaugúranse este vindeiro sábado dia 12 en Mera, e o aforo é limitado a 25 prazas para asistir aos obradoiros dos dias 26 e 2 .

Coma estrela invitada, temos a ledicia de poder anunciar que estará con Nós Bernardo Maiz, para explicarnos as tipoloxías do gólfo Artabro. Pensamos que o feito de que Bernardo veña, merece unha gran ovación, e por suposto que nos sentimos moi afortunados de poder escoitalo de novo. Moitísimas gracias por todo, Bernardo, sen tí estas xornadas non serían o mesmo.

Apurádevos a apuntarvos se queredes enviándonos un correo á nosa dirección.




A miña foto
Asociacion cultural en defensa da conservación do patrimonio marítimo, o litoral e a cultura mariñeira. Contacta con nós no CORREO: patexeiros@hotmail.com ou ben no noso FORO: http://patexeiros.foroactivo.com