venres, 26 de agosto de 2011

AVISO URXENTE: SUSPÉNDESE A 3ª REGATA DA COPA BALBINA

Por atoparse fora a maioría do Comité de Regatas e dos socios dos Patexeiros, vémonos na obriga de suspender a 3ª Regata puntuable para a Copa Balbina que se tiña que celebrar este sábado 27 de Agosto.

Sentímolo moito pero non podemos garantizar unha boa organización da proba á que cada vez estades acudindo máis barcos e á que cada vez estamos intentando dar máis importancia.

Desculpade as molestias.

Quedades emprazados para a cuarta regata que se celebrará o sábado 24 de setembro coma sempre ás 5 da tarde na liña de saída fronte á praia de Sada e ó rematar vos agasallaremos cuns pinchos e uns viños.


xoves, 25 de agosto de 2011

Regata de dornas nas Festas de Palmeira

Como este mes os Patexeiros estamos facendo poucas actividades, e das que facemos non teño imaxes (asistencia á Regata de Redes, e á Regata de Ares) aquí vos mando un pequeno resúmen da Regata de dornas que presenciei o sábado 13 de agosto durante as Festas de Palmeira.

Cunha participación dunhas 11 dornas, case todas pertencentes ós nosos amigos do Lajareu por Barlovento, o sábado pola tarde tivo lugar a regata de dornas Festas de Palmeira, que saindo do Camallón (pedras enfrente ó muelle de Palmeira) deron a volta á illa de Rúa para volver a chegar ó Camallón.

No transcurso da regata, ó pasar por Rúa mezcláronse coa Regata Rías Baixas, e aquelo xa foi un espectáculo de velas na ría.


En primeiro lugar e gañador da regata chegou José Antonio "o panadeiro" patroneando a Sandra, unha dorna xa asídua de todas as regatas organizadas polo Lajareu por Barlovento e que grazas á súa constancia foi vendo a súa progresión estando fai anos nos últimos postos, como vedes nesta regata acadou o primeiro posto.

A poucos segundos chegaron Charlie e José "O carreirán" a bordo da Zoa.


De terceiro entraría José María "o de Juana" patroneando a Ardentía.



Tivo moito mérito o que chegou de cuarto, o amigo Fernando a bordo da Vikinga, xa que acadou ese posto tripulando él só a dorna.

A continuación entrarían a Áncora de Adelino e a Moura patroneada por Marcos.



A Lusiña de Antonio Manuel "O panarro" unha habitual nos primeiros postos, chegou nesta ocasión das últimas. ¿Tería algo que ver o cambio do proel "Ron" que tivo que asistir a unha voda?

Para os interesados podedes ver máis fotos no album dos Patexeiros.

Palmeirán

luns, 1 de agosto de 2011

Segunda regata da Copa Balbina en Sada

O Pasado dia 30, celebruose en Sada a segunda das regatas da Copa Balbina de vela tradicional do Golfo Artabro, cun exito importante de participación.
Ahí nese enlace, podedes ver como vai a clasificación neste ano:

 https://docs.google.com/viewer?a=v&pid=sites&srcid=ZGVmYXVsdGRvbWFpbnxkZXNjYXJnYXN4ZXJhaXN8Z3g6MzVhMGIyMDI4ZjA1NTc3OA

E se non podedes baixar a folla Excell en DESCARGAS XERAIS - REGATAS E OUTROS EVENTOS,  e ahi veredes a copa Balbina 2011.

A clasificación e provisional, porque houbo unha protesta que está ainda sen resolver por parte do Xuiz de regata. Lembramos que a organización da regata, ainda que nos colabouramos, corre a cargo do C.N.Recreativo de Sada.

A protesta básase en que o gañador, o Sountress chegou tarde, e como consecuencia, non estaba detrás da liña de saída no momento de pitar o último minuto. De prosperar a protesta, quedaría con 3 puntos de participación cun NS (DNS). Pero a saída tampouco foi anulada, polo que podería haber unha apelación, e desestimar finalmente a protesta.

O Segundo e terceiro posto disputado entre a Desexada e o Masmadera tampouco está moi claro, xa que entraron prácticamente á vez. Estamos a procura dalgunha foto que poda axudar a decidir.

En calqueira caso, está ahi a clasificación segundo a información do comité.

E sexa como sexa, hai que resaltar a brillante regata que fixeron Jaime e Juan na Desexada, saindo de primeiros e pasando pola boia da primeira volta de primeiros tamén.

Na outra cara da moneda estivo o O Sorio. Mala sorte para o campeón, que "pinchou". Segundo nos explicou logo nos pinchos cravou a proa chegando a Sada, embarcando moita auga. Isto fixo que chegara un pouco tarde, e ademais navegara peor que como nos ten acostumados.

A vindeira cita será en Ares, o dia 13 de Agosto, que nos puntuamos con 3 puntos pola participación, e despois a terceira regata, no 27 deAgosto en Sada.

Moitísimas gracias a todos os participantes por vir. Esperamos veros pronto, e a ver se podemos facer outra na que vos poidades quedar aos pinchos post regata.

Ahí vos deixamos tamén a imaxen da clasificación:


A miña foto
Asociacion cultural en defensa da conservación do patrimonio marítimo, o litoral e a cultura mariñeira. Contacta con nós no CORREO: patexeiros@hotmail.com ou ben no noso FORO: http://patexeiros.foroactivo.com