luns, 25 de xaneiro de 2016

Empezando a traballar nos barcos

De cara á vindeira tempada de navegación, que iniciaremos oficialmente o 17 de maio, Os Patexeiros xa estamos empezando a traballar en varios barcos, para telos a punto nesa data.


Como xa vos comentamos varias veces, temos que ter a flota desperdigada por distintos sitios por non contar cun local onde telos todos ivernados.


Por unha banda, en Betanzos, Javi Naveira está preparando o Galeón, un bote das Rías Altas do noso socio Francisco.


Como a Naveira a cabeciña nunca lle para, para que non lle chova nin na cabeza nin no bote, decideu subir o Galeón a bordo do Novo Rumbo para poder traballar a cuberto. E como a este home lle encanta estar a bordo dun barco, sexa no río ou no mar, así tamén traballará ó mesmo tempo que está embarcado, mata dous paxaros dun tiro.


O Galeón xa o empezáramos a restaurar na Feira dos Oficios Artesás de Sada, desfacendo a cuberta podre e empezando a botar os baos novos.


Agora Javi empezou a sanealo todo, (medo nos dá cando este home fala de sanear, porque sanea a fondo) e a primeira fase foi decapar toda a pintura para aprezar danos nas táboas.


E pola outra banda en Lorbé, outro dos nosos socios, Javier Aguado, empezou a traballar na dorna de recente adquisición.

Tamén empezou a rascar a cuberta para ver o seu estado.


De momento ainda é cedo para ver o traballo que hai que facer pero xa se atopou con algunhas partes podres,como o taco da popa, e algunhas zonas da cinta.


A seguir saneando.

luns, 11 de xaneiro de 2016

Adquisición de motores foraborda para as embarcacións.

O pasado mes de decembro recibimos os dous motores foraborda que mercamos para equipar as embarcacións da Asociación.


Ata o de agora, cando tíñamos que asistir a concentracións de embarcacións tradicionais na outra banda da Ría, en Ares, Perbes e Redes tíñamos que contar sempre con condicións de mar e vento favorables porque sempre íbamos a vela, e temos pasado apuros e incluso nalgunha ocasión tivemos que dar volta debido á ausencia de vento ou a non poder chegar polo forte vento en contra.

Asimesmo, cando tíñamos que ir á Parrocheira en Ferrol, víamonos na obriga de liar a algún amigo que tivera motor para que nos remolcara os barcos e poder entrar entre castelos pola boca da Ría de Ferrol.



Grazas á axuda dunha subvención da Deputación da Coruña poidemos equiparnos con dous motores Suzuki de 6 CV para poder levalos nos barcos que vaian ás distintas concentracións da Ría e tamén cando vaiamos a outras rías.


Tamén nos será útil cando saiamos a navegar e teñamos que meter algún barco no pantalán, que como sabedes, agora nin podemos entrar a remos nin a vela.


Continuamos mellorando a mobilidade e a seguridade da nosa flota.

Os motores foron mercados nun concesionario de Sada, seguindo a nosa política de deixar os cartos nas empresas da zona.

Motores adquiridos grazas á subvención da Deputación da Coruña.


venres, 8 de xaneiro de 2016

Reportaxes en El Entorno Metropolitano

Pechamos o mes de decembro e o ano 2016 cunhas pequenas reportaxes en El Entorno Metropolitano, concrétamente nos números 202 e 203 do mes de decembro.



A miña foto
Asociacion cultural en defensa da conservación do patrimonio marítimo, o litoral e a cultura mariñeira. Contacta con nós no CORREO: patexeiros@hotmail.com ou ben no noso FORO: http://patexeiros.foroactivo.com