venres, 20 de maio de 2016

Barcos no mar

O pasado 17 de maio, Día das Letras Galegas, coma todos os anos, botamos os nosos barcos ó mar, ou polo menos a primeira tanda deles.


Sobre as 11 da mañán dun estupendo día, chegaba dende Betanzos o bote dos Caneiros O Bicho, que traía remolcado ó Galeón, o bote polbeiro das Rías Altas, que estubo restaurando o socio Javi Naveira en Betanzos.

Ainda lle faltaba por botar a cuberta, pero él dixo que estaría para a festa da botadura, e tras baixar polo Río Mandeo, pasar baixo a ponte do Pedrido e enfilar proa a Sada,  alí estaba con él. Home de palabra.

En terra, estivemos rematando de pintar A Desexada, dando os últimos retoques na Boaventura, e tamén chegaba sobre as 13 horas o Arredemo, todo preparadiño para a tempada.


Non nos dou tempo a pintarlle a cuberta á Desexada porque senón non poderíamos navegar ese día nela porque mancharíamos a roupa dos domingos, así que xa se pintará outro día.

Como sempre, atopámonos con inconvintes, a Desexada é un barco pesado e romperon as rodas do carro de varada, así que veña, todos a botar unha man para baixala ó mar!!!!!! ,  co tradicional sistema dos roletes.


A Leliadoura tamén estaba lista para a botadura, despois de estar inchando ó longo de tres días. Despois de achicala, lista para arbolar e navegar.



Baixamos tamén o bote auxiliar da Desexada, que nos facilita os desprazamentos ós barcos. Deixámolo ben pintadiño, pero un problema na estampa de popa impidéunos usalo a motor, así que foi a remos.

En canto chegaron a maioría dos socios e familias, alá nos fomos a comer a bordo do Bicho, fondeados frente á praia de Sada.



Pola tarde, arranchamos os barcos e saímos a dar unha voltiña a vela ata a altura de Perbes. A primeira navegación conxunta da tempada.


Acompañáronnos neste día, os amigos de Perbes: a familia Carballo-Santos, Víctor e Anuska, e tamén Antonio Rumbo e familia en representación dos Amigos das Embarcacións Tradicionais da Coruña, e Brais e José Osorio dende Ares. Moitas grazas por achegarvos ata aquí e axudarnos a arranchar os barcos.


Despois da navegación, pinchada e cervexas, coma toda festa patexeira que se preze.



Este ano non tivemos gaiteiros, recortes no orzamento para festas, así que nos tivemos que conformar ca música enlatada, iso sí, sempre música galega.



Empeza a tempada de navegación.!!!!!!





luns, 16 de maio de 2016

Festa da botadura dos barcos


O martes 17 de maio, Día das Letras Galegas, as nosas, coma todos os anos, botaremos os barcos ó mar. Ás 17:00 horas na rampa de servizo ó mar, detrás do Carrefour en Sada.

domingo, 8 de maio de 2016

Semaniña de preparativos

Estase achegando o día 17, que é cando votamos os barcos ó mar, e estamos traballando en moitas frontes para intentar ter o maior número de barcos dispoñibles para esa data.

Non vai ser posible telos todos, porque algúns compañeiros non poideron facer nada. Xa vedes, con tanto paro e eles teñen todo o traballo do mundo, benditos sexan.
 
Tamén estamos arranxado os carros, moi importantes para a loxística. Esta semán tocóulle ó pequeno trebello de varada que temos en Sada, ó que se lle soldou unha roda, e reforzou as unións. Aquí vemos a Naveira, "solding in the rain".


En Lorbé, seguimos traballando na Leliadoura, á que esta última semán lle pegamos un bó empurrón. Rascóuse a obra morta e calafateóuse con cordón de estopa embreado
 

Logo lle demos o noso tratamento de alquitrán + Xylazel.



Metémoslle un suplemento na fogonadura, que ata o de agora quedaba moi floxa e había que meter unhas cuñas moi grandes e incómodas.


Agora só falta meterlle cornamusas de manobra, facer o mamparo dos pañoles de proa e popa, poñer a flotabilidade e calafatear obra viva e dar patente.


Tamén en Lorbé estamos traballando dúramente na Betty, a ver se este verán conseguimos que vaia ó mar despóis de moitos anos en dique seco.


Este sábado Naveira e máis eu fixemos xornada completa, e contamos ca axuda do mestre Xocas que pasou a saudarnos e xa lle encalombamos uns cantos traballos.


Estamos reforzando a maioría das cadernas. Moito traballo para Javier, que está forzando demasiado a pequena serra de cinta que temos, pero como é o que hai, alá vai.


Ata lle botamos algúnha taboa da cuberta que estaba danada.


E este sábado empezamos a facer as táboas do plan.



Na Betty, ainda queda moito traballo por facer, así que non a poderemos ver o vindeiro día 17 no mar.


A uns cantos kilómetros de distancia, no estaleiro flotante de Betanzos, Naveira tamén está rehabilitando o Galeón, ó que someteu a un remozado completo.



Agora mesmo atópase xa totalmente recravado e ca imprimación de minio dada.

Nuns días irá a inchar e se lle botará a cuberta a flote.


Este barco vai ser dóblemente mariñeiro, xa que é un dos poucos que se está rehabilitando a bordo dun barco.


En Sada xa está o Arredemo, que como dí o seu armador, Miguel, está na versión 2.0., ainda que penso que xa vai na 3.1. despóis do estupendo traballo que fixo nel este inverno.

Tamén en Sada, está Pepe preparando a Boaventura, que sacou da auga este xoves para rascar, revisar,  pintar e dar patente.



Ca Desexada empezaremos o vindeiro fin de semán xa que ten traballos menores.

Das demáis embarcacións en preparación, as tres dornas, 4 hirmáns, a Lagarta e a Feituca non tivemos novas en toda a semán, co que supoñemos que irán cun pouco de atraso.


Esta vindeira semán, máis.



A miña foto
Asociacion cultural en defensa da conservación do patrimonio marítimo, o litoral e a cultura mariñeira. Contacta con nós no CORREO: patexeiros@hotmail.com ou ben no noso FORO: http://patexeiros.foroactivo.com