OS PATEXEIROS

PATEXEIROS FASHION WEEK (Antíguamente Pasarela Lorbé)

2012-02-22T17:37:00.000+01:00

Ainda que con un pouquiño de retraso xa temos aquí a nova colección Inverno 2012 da moda Patexeira. Cazadoras náuticas e camisetas polares a prezos anticrisis.

Este inverno vístete de moda, abrígate e colabora coa causa patexeira.

Podedes ver todo o merchandising na pestaña da TENDA PATEXEIRA

Palmeirán

Traballos na Desexada

2012-02-18T10:14:00.000+01:00

Este venres, antes de empezar a traballar na Balbina, ataquéille un pouco á Desexada, que tamén está varada para poñela a punto de cara á vindeira tempada.

Así que como fora facía algo de fresco, e logo ainda había que aguantar o nordés a bordo da Balbina, púxenme a rascar o enjaretado, a ver se son quén de deixalo madeira vista para tratalo con alcatrán e lasur, e que quede co mesmo aspecto que a cuberta do bote.

Pouco tempo estiven xa que chegou o compañeiro Pepe e indicaba que hai que ir traballar na Balbina, pero éste foi o aspecto no que deixei o traballo.

Palmeirán

Novas sobre o X Encontro no Faro de Vigo de onte

2012-02-10T11:01:00.005+01:00

O Faro de Vigo na súa edición do xoves 9 de febreiro, faise eco das accións que se están estudando no seno da FGCMF para protestar polo impago, por parte do Concello de Vilagarcia de Arousa, da débeda contraída no X Encontro, celebrado en Carril (Vilagarcía de Arousa), que ascende a maís de 20.000 euros.

Esta débeda pon en cuestión a celebración do XI Encontro de Embarcacións Tradicionais de Galicia que se tiña previsto para o vindeiro ano.

Podedes ver máis información sobre o tema na Páxina da FGCMF

Movemento

2012-02-05T22:03:00.002+01:00

Este fin de semán xuntámonos cinco Patexeiros en Sada para asentar a Desexada no carro e trasladala ó noso local de Lorbé para poñela a punto de cara á vindeira primavera.

É un barco moi pesado e fan falla homes para movelo.

Unha vez rematado o procedemento, pasamos polo famoso bar Pescador de Sada a darlle unha visita á Copa Balbina, que está alí exposta ata a vindeira edición, para disfrute diario do vencedor deste ano, o Patexeiro Jaime Paz, e para envidia dos aspirantes a gañar este prestixioso trofeo.

Nada máis chegar a Lorbé, chámanos Martiño que estaba parado co remolque porque o barco se deslizara un pouquiño e antes de que pasase algo, ainda que só faltaban 2 Kms, decideu parar para recolocalo. E alá nos fomos.

Sobre a unha e media estábamos xa en Lorbé co barco.

Agora espéralle un bó lavado, rascar a pintura, reparar unha pequena via de auga que tén e pintala toda para que volva a lucir coa sua impresionante estampa esta primavera.

Pola tarde unha nova xornada do Curso de carpintaría, que continua con bó ritmo.

Nas xornadas pasadas xa se fixeran as plantillas das seis cadernas restantes, as tres de proa e as tres de popa e o sábado pasado despezáronas todas.

Onte tocou ensamblar as tres da proa, repasalas co bastrén e cepillo, e asentalas xa no barco.

Os novos alumnos estiveron practicando coa mesa de elevacións para lle dar os "cartamóns" precisos en cada liña de augas. Logo ensamblaron as cadernas, mentres os alumnos que veñen xa doutros módulos anteriores as asentaban no armazón.

Antes de rematar a xornada démoslle unha imprimación de fondo protector.

Para a vindeira semán colocaránse as tres últimas da popa e xa empezaremos con algo novo, un paso máis na buceta.

Palmeirán

Fin de semán movido

2012-01-16T13:59:00.002+01:00

Este fin de semán tivemos varios eventos Patexeiros.

O venres pola tarde estiven no local del Lorbé pintando as cadernas que se colocarían o sábado no cursiño e preparando un pouco o local para a Asamblea anual dos Patexeiros.

O sábado pola mañán celebramos a nosa Asamblea anual ordinaria onde se aprobaron as actas anteriores, se informou ós socios do estado das contas, falamos das actividades desenvoltas no ano 2011 e tamén fixemos as propostas de actividades para este ano 2012, que se centrarán en ter a nosa flota a punto.

Tras debatir varios temas douse por finalizada e pasamos a degustar uns pinchos mentres esperábamos que por mar chegase a Copa Balbina dende Ares, a bordo do Osorio, o patrón e barco gañador da edición 2010, para facer a entrega da Copa e un trofeo acreditativo ó gañador do 2011, o Patexeiro, Jaime.

A Copa chegou por mar, como debe ser, dende Ares. Foto de José Antonio de Ares

Nestas fotos podedes ver como Pepe felicita e entrega a Copa Balbina ó novo gañador, Jaime

Por fin a Copa Balbina retorna a Sada tras dous anos consecutivos en máns de Pepe do Osorio. Agora botará ata a edición 2012 á vista de todos nun coñecido local de Sada.

Unha vez rematada a entrega do premio, fomos visitar a Balbina a bordo do Osorio volvendo ó pouco de novo ó porto de Lorbé, xa que ás 4 empezaba outro módulo máis do curso de Carpintaría, e despedíanse varios alumnos de módulos anteriores.

Como era o seu desexo, os alumnos de módulos anteriores, querían ver colocadas as cadernas que estiveron facendo ó longo de todos estes meses e alá fomos.

Empezou o mestre, Pepe, colocando a caderna mestra, ensinándonos como se facía, centrándoas, colocándoas nas marcas que tiñamos na quilla, e cravándoas provisionalmente cun só clavo para poder facer correccións posteriores.

Logo entre o resto dos alumnos se foron colocando, unha a unha todas as demáis.

Algunhas xa estaban tratadas co fondo e co tratamento final e secas, outras ainda estaban co tratamento fresco e outras ainda non recibiran a imprimación.

Incluso había unha caderna que estaba sen ensamblar e con ela se puxeron un par de alumnos.

Sobre as 7 da tarde xa tiñamos todas colocadas, se lles dou a imprimación ás que faltaban, e este era o aspecto que tiña o conxunto ensamblado.

Agora quedábanos o laborioso traballo de alinealas, aplomalas, escuadralas e coidar que todas estivesen coa mesma separación dos 21 cms que tiñamos como referencia.

E empezamos esto suxetándoas cuns barrotes que marcarían a fasquía á altura da linea de cuberta.

Mentres se facía todo o traballo de colocación de cadernas, etc..., os alumnos que se incorporaban a este módulo recibían as nocións básicas sobre afiado, asentado, ferramentas e materiales por parte do mestre David, e empezaban a facer prácticas sobre o aprendido.

Durante esta xornada casi todos estivemos ocupados con un ou outro traballo e se pudo rematar por completo o proceso de colocación das cadernas, quedando só agora sacar as plantillas das tres últimas cadernas de proa e das tres últimas de popa, as que se atopan mesmo encima do macizo.

Unha xornada moi productiva que se alongou case unha hora máis do remate oficial da clase debido ás ansias que tiñan os alumnos por rematar de colocalas todas.

Para a semán máis....

Palmeirán

Curso de Carpintaría de ribeira - Aberta inscrición

2011-12-30T13:42:00.001+01:00

Ábrese inscrición ata cubrir prazas vacantes para este vindeiro módulo de 50 horas do Curso de Carpintaría de ribeira.

- O cupo, será limitado a 15 asistentes. Actualmente xa hai 6 prazas cubertas por alumnos que continúan doutros módulos.
- As inscricións serán por riguroso orden de chegada ó noso correo patexeiros@hotmail.com
- Os cursos serán impartidos por carpinteiros de ribeira profesionais.
- Haberá unha pequena parte teórica e moita, pero moita práctica.
- Como obxectivo do curso, continuarase traballando nunha buceta do norte que se empezou en módulos anteriores partindo de plantillas.
- Traballaremos nunha lancha duns 8 metros colocando o forro e cuberta
- Facilitarase material de seguridade ós asistentes: gafas protectoras, guantes, batas.
- Entregarase a cada asistente material teórico en soporte dixital.
- As xornadas do curso desenrolaranse os sábados dende as 16:00 horas. Prégase puntualidade.
- En cada xornada haberá un pequeno descanso de 15 minutos para mollar a palleta.
- Ó finalizar os módulos daranse uns diplomas acreditativos ós asistentes.

PREZOS

                                          MÓDULO 50 HORAS
SOCIOS PATEXEIROS                      100    €
SOCIOS C.N.R.S. *                           120    €
NON SOCIOS.                                    150    €

O PAGO DA INSCRIPCIÓN REALIZARASE COMO MOI TARDE O MESMO DÍA DE COMENZO DO CURSO.

INSCRICIÓNS E INFORMACIÓN ADICIONAL A TRAVESO DO NOSO CORREO : patexeiros@hotmail.com

¡¡¡ QUEDA ABERTO O PRAZO DE INSCRICIÓN !!!

* Socios do Club Náutico Recreativo de Sada. Comprobarase a súa condición de socio.

OS PATEXEIROS CONSTRUIRÁN UNHA GOLETA DE DOUS PAUS

2011-12-28T00:09:00.000+01:00

Tras o barapau que supuxo que Portos deGalicia cancelase a construcción da goleta nun asteleiro galego porfalta de presuposto, a carpintaría de ribeira en Galicia quedoudoente.

Os Patexeiros, no seu afán de promovera cultura marítima e fomentar o oficio dos carpinteiros de ribeira,xa acreditado cos numerosos cursos de carpintaría de ribeira, quevimos desenvolvendo nos últimos anos, decidimos embarcarnos nunproxecto de embergadura.

Entramos en conversas cun amigo noso,enxeñeiro naval e deseñador, que nos fixo o deseño e o proxectocompleto sen ter que desembolsar nin un so euro. A idea é construirunha goleta de 2 paus, de 25 metros de eslora e 6,5 de manga e casi 3metros de calado, cunha fasquia similar á goleta América, que comosabedes foi a que dou nome á prestixiosa Copa América.

A goleta aparellará duas cangrexas conescandalosas, foque e trinqueta, e da confección das velas seencargará unha empresa galega. Levará un sistema novidoso paramanobrar as escandalosas. Este sistema, totalmente mecánico e conengranaxes en madeira de guayacán, foi ideado por un dos cerebrosda Asociación, e permitirá facer as manobras cun mínimo detripulación.

Por suposto unha parte dos sociosestaba en contra de levar ó cabo este proxecto, xa que algo asíesixe un presuposto moi, pero que moi elevado, pero o ímpetu dungrupo de socios optimistas impúxose e aprobóuse levalo adiantesempre e cando se conseguira polo menos un 90% da súa financiación.

Despóis de presentar o proxecto enducias de sitios, tanto oficiais como privados, por fin, unha empresa galega con presencia en máis de 70 países, accedeu a financiarcase que a totalidade do proxecto, a cambio de que a goleta leve assúas velas estampadas co logo da empresa ou das marcas que sonpropiedade da empresa, durante un prazo de 15 anos.

Como sempre, saíron voces críticasdecindo que eso sería moi “charramangueiro”, ou que era unhautilización mercantilista da Asociación, pero tras escoitar osargumentos de que o principal era defender á carpintaría de ribeirae que o proxecto xerase cartos no país, todos estiveron de acordo.

A goleta utilizarase para finsecoloxistas, na preservación das artes de pesca tradicionais, adefensa do litoral costeiro, a conservación das especies mariñas, eloitará contra os vertidos clandestinos nas rías, entre outrasfuncións medioambientais.

Virá así a actuar a modo de outrafamosa goleta, o Rainbow Warrior II.

A goleta tamén estará presente entodas as regatas da Copa Balbina de vela tradicional ainda que estáprevisto que non compita nela directamente, pero si se desputaránunha serie de desafíos a dous contra barcos cunha superficie vélicasimilar á da futura goleta, entre eles o Osorio, gañador de variasedicións da Copa Balbina.

O asteleiro no que se construirá aindanon está determinado pero tendo en conta a recente ampliación dasinstalacións, que fixo Pepe no Asteleiro de Lorbé, e a relaciónque o une cos Patexeiros, ó longo destes anos de realización doscursos de carpintaría e das reparacións nos barcos da flota,posíblemente se lle adxudique finalmente a construcción, quecomenzaría o vindeiro verán.

O que nos queda pendente neste momentoé a elección do nome que lucirá a goleta. Un sector dos Patexeirosapoiaba o nome de Artabria, outro a quería chamar Balbina II, eoutros nomes que soaron foron Esperanza, Marola, Ardentía, Lua deLorbé. Como non houbo quorum, decidimos que se faría un concurso atraveso da web para que a xente vote o nome que levará a goleta

Non vos podemos mostrar os planos nesteintre porque se están facendo unhas modificacións de última hora,pero si vos presentamos o que foi un dos primeiros bocetos dodeseñador.

Estade atento á nosa páxina porque en pouco tempo teredes máis novidades sobre este proxecto.

Bo Nadal

2011-12-21T09:34:00.004+01:00

Os Patexeiros desexámosvos que pasedes un Bo Nadal e que naveguedes sempre con bo rumbo.

Curso de Carpintaría - Seguimos coas cadernas

2011-12-18T17:20:00.003+01:00

Onte sábado continuamos armando as cadernas restantes.

Fixemos varios grupos, uns cortaban as pezas que faltaban, outros estaban ensamblándoas a un lado do taboleiro mentres outro grupo empezaban a marcar outra caderna, outros remataban as que estaban ensambladas, todo o persoal ocupado.

Tamén aproveitamos para darlles unha imprimación de fondo de cara ó parón do Nadal.

Ó conxunto roda-quilla-codaste aplicámoslle unha man dunha mezcla ó 50% a base de alquitrán vexetal e un lasur cor roble. A ver se conseguimos, ademáis de protexela, que a madeira non se retorza.

As cadernas levan o mesmo tratamento.

Como era o último día antes das vacacións de Nadal, aproveitamos para facer un brindis pola carpintaría de ribeira e meter uns polvoróns no corpo.

Por outra banda, a lancha de Pepe xa ten colocado o trancanil, en iroko. Está quedando moi bonita.

Palmeirán

CONFLICTO FGCMF - CONCELLO DE VILAGARCIA

2011-12-14T12:50:00.002+01:00

Xa sabedes que sempre procuramos non solapar as novas no blogue, intentando que permanezan polo menos unha semán en primeira páxina, pero neste caso, a petición da Federación Galega pola Cultura Marítima e Fluvial, da que tamén somos membros, publicamos estas novas sobre o conflicto que hai entre a Federación e o Concello de Vilagarcía dende que éste último se negou a facerse cargo da débeda contraída ca Federación dende o pasado Encontro de Embarcacións Tradicionais de Galicia celebrado en Carril - Vilagarcía este verán.

Enviamonsvos as declaracións do Alcalde de Vilagarcía na Voz e en Diario de Arousa relacionadas coa débeda que o Concello ten co X Encontro

http://www.lavozdegalicia.es/arousa/2011/12/13/0003_201112A13C5994.htm

El Concello no asumirá el déficit de los Encontros Tradicionais de Carril (Diario de Arousa 13-12-2011)
Redacción > Vilagarcía El alcalde, Tomás Fole, dejó claro ayer que el Concello de Vilagarcía no está dispuesto a asumir el déficit de los Encontros Tradicionais de Carril, que mantiene abierto un conflicto entre la administración local y la Federación Galega de Cultura Marítima e Fluvial, cuyos representantes apelan a un acuerdo verbal con exconcejales para reclamar el pago de 21.000 euros.
El regidor local recordó ayer que el evento contó con organizadores, colaboradores y patrocinadores y discrepó, por tanto, en que tenga que ser únicamente el Concello de Vilagarcía el que asuma el déficit de la organización de estos encuentros. En cuanto a las críticas vertidas desde la Federación en referencia a la escasa colaboración de la administración local con el evento, Tomás Fole puntualizó que recurrieron a todos los departamentos para conocer el alcance del apoyo prestado por el anterior gobierno local y que ya le enviaron una lista con los datos recabados. En este sentido, Fole destacó las dos subvenciones de 20.000 y 70.000 euros que Ravella entregó a Rompetimóns, un colectivo implicado también en estos Encontros para la construcción de una goleta. El alcalde incidió en que si no se hubiesen entregado esas cantidades para un barco que “finalmente no pudo ir al mar”, el Concello tendría “otra disponibilidad de fondos”. A la lista de colaboraciones añadió los 6.000 euros que se gastaron en la edición de un disco presentado en Vilaxoán en el marco de este encuentro. Con estas cifras, el regidor local quiso “que las cosas queden claras”.
Al respecto de este escrito del Concello, Fole ya conocía la respuesta de la Federación y es que desde el colectivo ya mostraron su desacuerdo. El alcalde está dispuesto a “llegar a entendimiento” pero aclaró que “es difícil asumir ese déficit”.

Para ter máis información sobre este conflicto, e ver os antecedentes, vos invitamos a que entredes na páxina da FGCMF donde se dá conta disto, e dónde podedes ver os documentos orixinais que remitiron tanto o Concello de Vilagarcía, como a resposta da Federación ó citado escrito.

Xulguen vostedes, avispados lectores, á vista do que se dí nos mesmos.

O alcalde de Vilagarcía inaugurando o X Encontro - Carril-2011. Foto de Olga do Blog da A.C.D. Dorna

Dende as filas Patexeiras esperamos que ainda quede algo de "sentidiño" neste mundo e se solucione este problema de boas maneiras canto antes, xa que senón está en perigo a celebración de vindeiros Encontros de embarcacións tradicionais de Galicia.

Nova xornada do Curso de Carpintaría

2011-12-12T10:39:00.001+01:00

Nesta xornada adicámonos a traballar en casi a totalidade das cadernas que nos faltaban por rematar.

Mentras uns nos poñíamos a darlle os remates (igualalas co bastrén, lixalas, etc...) ás que quedaron armadas da xornada anterior, outros iban armando novas cadernas.

E o resto do grupo preparaba as que quedaran despezadas da xornada anterior, pasándoas pola cepilladora, e pola regruesadora, para logo proceder a perfilalas na serra de cinta.

A ver se para a vindeira semán xa podemos armar algunha sobre o armazón roda-quilla-codaste.

Por outra banda os traballos na lancha de 8 metros de Pepe xa van moi adiantados. Xa ten todos os baos botados, e en poucos días empezarase co forro e coa cuberta.

O Museo Etnográfico de Artes (Ribeira - A Coruña)

2011-12-05T22:37:00.001+01:00

A uns 3 Kms do centro de Ribeira, pola estrada que vai ó mítico cabo de Corrubedo, atópase a parroquia de Artes.

Este pequeno núcleo de menos de 1000 habitantes, pode ser que teña un grande record. Poderíamos decir que é unha das parroquias máis cultas do mundo, xa que nos seus escasos 6,3 Kms cadrados de superficie alberga dous interesantísimos museos.

Por un lado está o Museo do Grabado e a Estampa, moi cerca da igrexa parroquial, e pola outra banda da estrada xeral, no lugar de Sego, atópase o Museo Etnográfico de Artes , que será o que ocupe hoxe un espacio na noxa páxina.

Este pequeno, pero interesante museo, creado pola iniciativa dos veciños, ocupa os baixos do Centro Cultural e Recreativo de Artes, e seguramente sexa un dos grandes descoñecidos para a poboación. Fixen unha pequena enquisa entre amigos e coñecidos da zona e uns me decían que oíran falar del pero que nunca foran, e outros nen sequera sabían da súa existencia. Incluso lle preguntei á señora do bar do Centro Cultural e me comentou que era moito máis visitado por xente de fora que por xente dos arredores.

Pois ben, ¿e por qué traemos hoxe á páxina dos Patexeiros a este museo?. Pois porque ten nunha das súas salas unha moi boa mostra do noso patrimonio marítimo.

Aparte de albergar unha boa colección de artes de pesca tradicionais (nasas, rañas, cotelos, poteras, etc...) ten varias maquetas do proceso constructivo dunha dorna, e unha fenomenal colección de motores mariños, a grande maioría construído por talleres da zona e de toda Galicia.

Entre estas maravillas podemos atopar un par de motores AYON, que como a maioría de vós sabedes, facíanse en Noia (A Coruña),

Nas fotos vedes dous motores Ayon de tres cilindros con prequecemento por mecha, como o noso Larrán da Balbina

Tamén podemos ver os famosos HMR feitos en Ribeira, nos talleres El Nervión, que como moitos ainda recordaredes atopábanse moi cerquiña do edificio do Concello.

Nestas fotos podedes ver dous modelos de motores, de dous e de catro cilindros fabricados neses famosos talleres, ámbos tamén con prequecemento por mecha,

Tamén atopamos un modelo de motor Lores, fabricado no Grove.

E como non, tamén teñen un Pazó.

Ademáis podedes ver varios motores usados como motobomba e outras moitas cousas curiosas, polo que vos recomendo visitedes este pequeno e interesante museo.

Vendo o potencial que tivo a industria da motorización naval en Galicia, é moi difícil de entender como ningún destes fabricantes locais logrou subsistir ata os nosos días.

Preguntéille a un veciño e amigo, gran entendido neste campo, que axudou a restaurar varios dos motores que vedes nestas fotos, sobre esta cuestión, e a conclusión á que chegou foi que eses empresarios tiveron que loitar en anos moi duros, donde á escaseza de materiais de boa calidade para forxar os motores se unía o pouco que se investía no desenrolo de nova tecnoloxía.

Moitos deses motores foron fabricados a base de fundir restos de chatarra dos desguaces e de barcos afundidos e embarrancados.

Non se chegou a unha estandarización das pezas e das medidas, cada fabricante optaba polas súas, e iso limitaba a dispoñibilidade de repostos.

Coa chegada dos grandes fabricantes exteriores, como Caterpillar e outros, con motores feitos con aceiros de moi boa calidades, pezas de medidas estandarizadas internacionalmente, os motores locais se viron abocados á desaparición.

Ben poidemos ser unha potencia, pero....pasóunos como á industria motociclista española.

Por último, e facendo gala de embaixador da zona, e aproveitando a visita que fagades ó museo recordade que, a menos de 800 metros tedes o outro famoso museo do Grabado, que vos dixen anteriormente, a 3 Kms tedes o Parque Natural das Lagoas de Carregal e Vixan, as dunas de Olveira, a 4 Kms o faro de Corrubedo, a 3 Kms o Dolmen de Axeitos, a 5 Kms. podedes visitar o porto de Palmeira, un dos máis antíguos do Concello e ónde ainda a embarcación predominante é a dorna, a uns 5 Kms tamén tedes as poboacións de Aguiño e Castiñeiras donde podedes aproveitar e visitar a carpintaría de ribeira de Domingo Ayaso, e logo a 7 Kms de Artes podedes subir ó mirador da Curotiña e contemplar toda a Ría de Arousa cunha vista que abarca dende Fisterra ata o monte de Santa Tegra, e dende donde poderedes ver, se tedes un bo día, a totalidade do Parque Nacional das Illas Atlánticas, dende Cortegada, pasando por Ons, ata as Cíes en Vigo e Sálvora, Vionta e Noro.pechando a Ria de Arousa.

(Disculpade a calidade das fotos, pois foron quitadas co teléfono?
Palmeirán.

Outra xornada do cursiño de carpintaría

2011-11-27T16:53:00.001+01:00

Antes do cursiño, pasei polo local Patexeiro para darlle ás cadernas xa montadas unha pasada coa lixadora, imprimación fondo protectora, e pintéinas cunha mezcla ó 50% de alquitrán vexetal e un lasur satinado cor carballo.

Éste foi o resultado. Pensamos que así quedarán ben tratadas, pero non sabemos a cencia certa se isto evitará que o carballo traballe e se retorza, xa que, como dixemos en anteriores resumes, estamos traballando con carballo moi verde e non queríamos pintalo, xa que a nosa intención e deixar a buceta a madeira vista.

Durante esta xornada, repasóuse, para que os asistentes o tiveran claro, as caídas que deben ter os genoles e as varengas en cada caderna.

Logo empezamos a marcar no carballo o resto das pezas que conformarán as cadernas que faltan da proa.

Cunha motoserra toramos o tablón de carballo para facilitar o seu cortado na serra de cinta.

De novo, un dos alumnos máis avantaxados decidéuse a cortar as pezas na serra.

Unha vez cortadas na serra pasaron pola cepilladora, e como se fora unha cadea de montaxe, unha vez cepilladas, as fomos levando á regruesadora.

Xa na mesa de traballo, se marcaban as plantillas sobre as prezas, para definir exáctamente a figura tanto de varengas como de genoles, e marcando en cada unha as líñas de augas para posteriormente irlle dando as caídas correspondentes.

No descanso do curso, aproveitei para darlle a imprimación de fondo á roda-quilla-codaste.

Na segunda parte, Luisjo atrevéuse coa serra, axudado por Jorge elevando a mesa para darlle as caídas ás pezas.

Nalgúns cursillistas nótase xa moita soltura no traballo, mentres que os que non poidemos ir todos os días estamos un pouco máis verdes.

Palmeirán

Octava xornada do curso de carpintaría

2011-11-20T22:46:00.001+01:00

Este sábado continuamos cortando varengas e genoles para ensamblar as cadernas de proa nºs 3, 4 e 5.

Montámos a mesa accesoria á serra para poder darlle as caídas axeitadas a cada líña de auga á hora de cortar as pezas. Esta mesa é unha solución moi cómoda á hora de cortar ás cadernas.

Empezaron os mestres, Pepe á serra e David elevando a mesa para ensinarnos como tiñamos que facer.

Moncho tomou boa nota de como usar a plomada combinada coa mesa, e logo xunto con Jorge á serra (dous alumnos aventaxados) procederon a cortar o resto das pezas. Por suposto, sempre supervisados polos mestres para evitar calqueira tipo de accidente.

Aquí vemos a Jorge, cortando un dos genoles.

Algúns alumnos chegaron un pouco tarde, ainda que as ansias de asistir ó curso fixeron que algún ata acudise por mar. Era o noso Roberto, que viña de achicar a Balbina, que coas choivas tiña demasiada auga a bordo.

Unha vez cortadas todas as pezas, dirixímonos por parellas ó taboleiro de formas para ensamblar as cadernas.

Aquí vemos a Jorge e Moncho armando a caderna número 3 de proa.

En canto deixaron o taboleiro libre, Miguel Abad e máis eu pasamos a montar a caderna número 4. Logo de armalas, levábamolas ó banco a rematalas co bastrén e co cepillo.

Aquí vemos unha caderna lista.

De seguido, Luisjo e Roberto montaron a caderna número 5.

Como vedes na foto do taller, estamos traballando ó mesmo tempo na nosa futura buceta e no outro barco de 8 metros no que nos tocará traballar para a vindeira semán banceando.

Nestas fotos vedes xa o estado no que se atopa o barco. Os baos son de acacia e eucalipto, e o forro será de iroko e samanguila.

Aquí podedes ver as baradoiras de samanguila.

Para a semán, máis fotos e máis impresións sobre este interesante curso dos Patexeiros.

Palmeirán

Sexta xornada do curso de carpintaría

2011-11-10T15:32:00.000+01:00

O pasado sábado desenrrolouse a sexta xornada do curso.

Durante esa xornada colocóuse na cama a armazón da nova buceta.

Vemos xa a roda, quilla e codastre, unidos entre sí a raio de xúpiter.

Na xornada anterior do curso xa se colocaron os macizos nas unións de roda-quilla e codastre-quilla.

Unha vez colocado o conxunto roda-quilla-codastre, nivélanse e crávanse uns listóns contra a estructura que sirve de cama, para que o conxunto non se mova.

Unha vez montado empezamos a facer as cadernas maestras. O primeiro paso consiste en perfilar sobre a madeira de carballo dispoñible as plantillas para trazar o que serán as varengas e os genoles.

Neste caso imos a facer cadernas de sete pezas cada unha (tamén se poden facer de cinco ou de tres, dependendo da madeira da que se dispoña), tres varengas e catro genoles.

Unha vez marcadas sobre a plantilla coa axuda do taboleiro de formas cada peza (varenga ou genol), cálcanse sobre o tablón de madeira, e posteriormente van á serra.

Nótense os trazos sobre o tablón. Sempre as hai que marcar con algo de holgura pois hai que ter en conta as caídas que terán tanto varengas como genoles. Neste caso, ó tratarse dunha caderna maestra non importa xa que van a escuadro, pero tanto as de popa como as de proa van a ter caídas, para o que se usará o cartabón para darlles o ángulo axeitado en cada linea de augas.

Unha vez sacadas as pezas se levan de novo ó taboleiro para marcar definitivamente a plantilla sobre as pezas e vólvense a cortar na serra, agora xa ó seu tamaño e forma definitivos.

É convinte, marcar en todo momento as pezas que se usarán para evitar futuros problemas, así como marcar as líneas de augas xa en cada unha. (Volvemos a repetir que nesta ocasión, ó tratarse da caderna maestra, isto non sería necesario, pero como estamos aprendendo, é convinte facelo sempre).

Unha vez cortadas colócanse sobre o taboleiro de formas distribuíndoas da maneira que se van a unir. Como vedes úsanse uns tacos de madeira cravados no taboleiro para facilitar a colocación.

Apreciamos na parte dereita da fotografía o cartabón que axudará á determinar as caídas en cada línea de augas.

Unha vez cravadas as varengas sobre os genoles queda rematada a caderna, a falta de retocala co cepillo ou co bastrén para suavizala se fixera falla.

Finalmente únense as dúas partes superiores da caderna con un listón para que non se deforme. Estamos traballando con madeira verde de carballo e xa sabedes como se retorce cando se vai secando.

Palmeirán

O X Encontro segue dando moito que falar, ¡¡¡e que cobrar!!!

2011-11-04T10:29:00.000+01:00

Ben, como sabedes moitos de vós, tras a celebración do X Encontro de Embarcacións Tradicionais de Galicia, que tivo lugar este ano en Carril, quedaron moitos flecos pendentes. Tantos como 21.000 flecos que o Concello de Vilagarcía non aportou para a celebración do Encontro e que tiña comprometido que así o fixera. Pero o cambio de goberno deixou o tema no aire.
Para os que queirades máis información sobre o tema remítovos á nova da páxina da FGCMF dónde se dá conta do tema.
A Federación Galega pola Cultura Marítima e Fluvial, da que Os Patexeiros tamén somos membros, decidiu asistir ó pleno que este pasado luns se celebrou no Concello de Vilagarcía, para dar a coñecer a súa postura e intentar que no pleno se aprobase que o Concello asumira a deuda que ten contraída coa Federación. E así foi, varios compañeiros da Federación asistiron ó pleno.
Pois ben, se queredes saber o resultado, vos remito de novo á páxina da FGCMF para ver o desenlace deste primeiro contacto, tras o Encontro, cos representantes do Concello.

(Foto de Lino Prieto, publicada na páxina da FGCMF)

Palmeirán

Cuarta xornada do curso

2011-10-23T00:01:00.004+02:00

Cuarta xornada do curso de carpintaría de ribeira

Este sábado foi o cuarto día do curso de carpintaría. O tema de hoxe tratou de como obter os cartabóns das cadernas sobre o taboleiro de formas. David encargouse de facer unha descripción teórica de por qué as cadernas non van cortadas en ángulo recto e despois os alumnos fixeron prácticas sobre o taboleiro de formas axudados por Pepe.

De III Curso de carpintaría de ribeira

Os que estedes interesados nunha descripción do proceso recoméndovos que visitedes a explicación que dimos anteriormente neste blog.

Durante o descanso estivemos a conversar sobre o temporal que se prevé para mañán e David deulle unha explicación sobre meteoroloxía a un par de interesados (hai algo que non saiba este tipo?).

De III Curso de carpintaría de ribeira

Continuamos a xornada facendo unha caderna para practicar o aprendido. Un xenol foi tallado á man e o outro cortado coa serra de cinta.
Comezouse cortando as pezas de carballo de maneira aproximada.

De III Curso de carpintaría de ribeira

Marcouse a peza coa plantilla e cortouse coa serra de cinta. O que non teña unha serra de cinta pode facer o traballo cunha boa serra de calar ou incluso cunha de man.

De III Curso de carpintaría de ribeira

Coa peza cortada fomonos ao banco e tallaronse os carbabóns axeitados en cada liña de auga. Para isto úsase a falsa escuadra coa que se collen as medidas do taboleiro de cartabóns, a aixola e a trenxa coas que se tallan os ángulos. Feito isto so queda cepillar toda a peza interpolando os ángulos que se tallaron.

De III Curso de carpintaría de ribeira

O procedemento coa serra de cinta consite en acoplarlle á mesa da serra un artiluxio que permite variar o ángulo da mesma e asi cortar o ángulo que lle corresponde á caderna. Unha persoa manexa a mesa da serra seguindo instrucción do outro, que manexa a peza na serra. O traballo ten que ser coordinado.

Rematado o traballo na caderna seguiuse traballando coa quilla da buceta que se comezara a semana pasada. A quilla vai en varias pezas asi que houbo que facer dos empalmes en raio de xúpiter, un para unir con outra peza de quilla e outro para a roda. O corte dos raios de xúpiter comezouse na serra de cinta, pasouse á cortar o "chanzo" central co serrón, volveuse á serra de cinta para facer os cortes que faltaban e por último rematouse co cepillo. A unión resultou perfecta.

Para rematar a xornada houbo que cepillar un pouco a parte da quilla que se cortara coa serra, marcar os alefrices e a liña de cruxia ao longo de todo o centro da quilla.

De III Curso de carpintaría de ribeira

A semana que ve máis curso de carpintaría. Lémonos.

Fran.

3º DÍA DO CURSO DE CARPINTARÍA

2011-10-19T12:23:00.002+02:00

Este pasado sábado cheguei un pouquiño tarde á xornada do Curso de carpintaría, así que vos vou a narrar o que fixemos a partires das 6 da tarde.

Por fin chegou o momento tan desexado de empezar a construir a buceta.

Pepe sacou as plantillas e alá nos puxemos ó asunto. Empezamos polo codastre ou como lle chaman algúns nesta embarcación a roda de popa, e a parte de popa da quilla.

O primeiro foi marcar as plantillas nunha peza de carballo que se prestara polas súas formas. Vai a ir en pezas xa que non tiñamos unha peza tan grande de carballo para facela enteira.

Logo Pepe se encargou de cortalas na serra de cinta coa axuda de dous compañeiros, debido ó voluminoso das pezas.

Pasáronse pola mesa cepilladora para alisar unha das caras e logo se meteron na regruesadora para darlle o ancho definitivo.

Utilizando as plantillas, marcáronse as líneas onde van a ir as cadernas.

Como hai que unir a peza da quilla co codastre, tamén aprendemos a facer unións a raio de xúpiter, que é unha unión que traballa moi ben a tracción.

Tras facer os raios de xúpiter, ensambláronse e metéuselle unha cuña para que pechara ben. A cuña, é mellor non sacarlla de momento, xa que si é necesario facer modificacións, quítase, sóltanse as pezas e logo se volven a ensamblar e meter a cuña de novo.

Hai un pequeno truco para que as unións asenten ben, que consiste en serrar as unións unha vez que están ensambladas para que a serra iguale as dúas caras do ensamble. Logo se apretan de novo coa cuña e quedan perfectas.

Tamén trazamos o que será o alefriz.

E por falta de madeira tivemos que parar ahí.

Para a semán, máis.

Palmeirán

UN FEIXE DE NOVIDADES

2011-10-03T11:21:00.001+02:00

Esta semán foi moi prolífica en novas para Os Patexeiros.

COPA BALBINA - ÚLTIMA REGATA

O pasado sábado día 24 tiña lugar frente á praia de Sada a última regata correspondente á Copa Balbina de vela tradicional.

Os barcos participantes nesta regata foron o Arxil, Osorio, Alivanta, Reina de Africa, Boaventura, Desexada e Arredemo.

Ante a falta de vento decidéuse dar unha volta soa, e se logo se levantaba, daríamos outra manga.

O vento non chegaba e o pouco que había rolaba contínuamente.

Douse a saída e o Arxil con un único tripulante saeu como un raio, seguido polo Alivanta, Osorio e Reina de Africa. Jaime e máis eu, a bordo da Boaventura non dábamos atopado o vento para sair.

A poucos metros da saída, un incidente entre Osorio e a Reina de Africa tivo como resultado a rotura do botalón do Osorio, cousa que non impideu a Pepe coller de novo a terceira praza.

O Arxil e o Alivanta optaron por tomar rumbo a Gandarío mentres que o resto tomamos rumbo á rampa do CNRS. Estaba claro quenes elixiron mellor xa que foron os que primeiro viraron na boia.

E as posicións xa non se moverían ata a chegada. 1º Arxil, 2º Alivanta, 3º Osorio. A Boaventura patroneada por Jaime entrou 4ª, conseguindo Jaime os puntos necesarios para facerse coa Copa Balbina 2011.

Agora quédanos ir buscala a Ares e a ser posible traela por mar para Sada.

Finalizada a regata houbo unha pinchada para todos os participantes a base de empanada, chourizo, queixo, pasteliños feitos por Ana e cervexas e refrescos.

Esperamos vernos con máis barcos na edición 2012. Ainda que antes temos en mente facer unha regata do magosto, se o tempo o permite.

O TINA HUSTED EN LORBÉ

O barco do noso amigo David, Tina Husted, un antiguo pesqueiro danés do 1947 atópase nestes días no estaleiro de Pepe en Lorbé para facer reparacións dos desperfectos sufridos no pequeno percance que tivo entre A Illa e Cambados o pasado mes de xullo tras rematar os Encontros de Carril..

Vanlle a reforzar a quilla na parte de popa, endereitar a hélice e aproveitarán para calafatear algunhas partes.

Podédelo ver ó longo destas semáns en Lorbé.

O GALEON ANDALUCÍA "LA PEPA"

Este sábado pola mañán fun visitar o Galeón "La Pepa", que como sabedes leva amarrado no peirao de trasatlánticos da Coruña dende o día 26.

Esta réplica dos antiguos galeóns da Flota de Indias dos séculos XVII e XVIII, naceu co nome de galeón Andalucía, pero coa misión de conmemorar o II Centenario da Constitución de 1812, pasou a denominarse galeón "La Pepa".

Merece a pena visitalo.

Cuberta de iroko e forro e mastros de piñeiro do Báltico. So me sorprendeu cando un dos tripulantes me confesou un pequeno segredo.

A efectos de lograr unha estanqueidade total, o casco é de fibra de vidrio. E está completamente forrado de madeira. Unha solución que da o pego e ademáis é moi útil.

Non deixedes de visitalo alí a donde vaia.

EMPEZOU A 3ª EDICIÓN DO CURSO DE CARPINTARÍA DE RIBEIRA

Este sábado día 1, cun sol de xusticia caendo encima de Lorbé, demos comenzo á 3ª Edición do curso de carpintaría de ribeira.

Nesta xornada só poideron estar presentes 7 dos 12 inscritos para o curso, por diversos motivos, pero incorporaránse na seguinte xornada.

Tras unha breve presentación dando a coñecer os obxectivos do curso, demos paso á expricación dos mestres.

Os mestres Pepe e David, empezaron dando unhas nocións de vaciado, afiado e asentado de ferramentas, e recordando a todos os presentes que unha ferramenta ben afiada, ademáis de reducir accidentes, ten medio traballo feito.

Recordáronnos que na carpintaría utilízanse dous tipos de fios.

Os fíos simétricos, utilizados para o corte en bruto xa que teñen máis superficie para absorver o impacto (machadas, cortafrios, cinzeis, etc...), e os fíos asimétricos, que se utilizan máis para taréas de corte con precisión (trenchas, formóns, cepillos, etc...).

Os fíos simétricos afíanse polas dúas caras, e os fios asimétricos afíanse so pur unha das caras.

O proceso de afiado consta de tres pasos.

O vaciado: Que é a técnica de quitar metal utilizando o esmiril. Esto deixa a ferramenta cunha lixeira forma cóncava resultante do contacto coa roda do esmiril.

Durante o vaciado hai que ir mollando a ferramenta cada pouco tempo para non destemplar o aceiro. Un cambio de cor virando a oscuro no aceiro denota o destemple. Se se chega a destemplar non nos quedará outra opción que seguir vaciando para quitar a parte destemplada.

Nestre proceso tamén podemos comprobar a calidade do aceiro simplemente observando a cor da chispa que xenera.

O afiado: Que é o procedemente no que utilizamos unha pedra de afiar para igualar e planificar a superficie esmerilada.Convén untala con aceite (de máquina de coser, ou de coche) para minimizar o rozamento.

O asentado: No que se utiliza unha pedra de afiar de grano máis fino co obxecto de quitar os rebarbes do metal.

É moi importante comprobar mediante o tacto o procedemento de asentado, e rematalo finalmente raspando coa trencha contra unha madeira dura.

Unha vez rematada a explicación, a totalidade dos alumnos pasaron a facer prácticas de afiado, xa que terán que repetir esta operación moitas veces o longo do curso.

Tras un pequeno descanso, o mestre carpinteiro Pepe nos explicou como quitar plantillas para ir facendo as cadernas restantes dun barco en construcción que só ten postas as cadernas mestras.

Esta explicación foi seguida con moito detemento por todos os asistentes xa que é un dos pilares para comprender ben este tipo de construcción.

AFUNDIMENTO DO MISS GOLONDRINA

Hoxe domingo cando saía a navegar cuns amigos (nun barco nada tradicional, por certo) observamos que o Miss Golondrina, un bote de Ribadeo con casi 90 anos de antiguedade, estaba afundido no mesmo pantalán no que amarra, no porto deportivo de Oza.

Cando foi descuberto polos encargados do pantalán foi avisado o propietario.

A última hora da tarde ainda continuaban as tarefas de reflote dese maravilloso barco.

Acheguéime a preguntar polas causas pero ainda non os sabían con certeza, cren que foi debido a unha via de auga. Haberá que inspeccionar o casco para comprobalo.

Sorte e que non sexa nada, ainda que o motor foraborda, que estaba colocado, vai ter que sufrir unha boa limpeza.

Palmeirán

CURSOS DE CARPINTARÍA DE RIBEIRA - 3ª EDICIÓN

2011-09-22T01:07:00.000+02:00

O vindeiro sábado 1 de outubro ás 4 da tarde (16:00), na Carpintaría Lorbé - Oleiros (A Coruña), daremos comenzo á 3ª Edición dos Cursos de carpintaría de ribeira que organizamos dende a Asociación Cultural Mariñeira Os Patexeiros.

Tras o grande éxito da primeira e da segunda edición, os asistentes nos pediron facer un curso máis a fondo polo que éstes da 3ª edición os deseñamos da seguinte maneira:

- Dous módulos de 50 horas cada un: Un de iniciación e outro de perfeccionamento. Total 100 horas
- Os asistentes poderán inscribirse nun ou nos dous módulos.
- O cupo, como nos anteriores, será limitado a 15 asistentes.
- As inscricións serán por riguroso orden de chegada ó noso correo patexeiros@hotmail.com
- En caso de moita demanda, terán preferencia os inscritos para os dous módulos.
- Os cursos serán impartidos por carpinteiros de ribeira profesionais.
- Haberá unha pequena parte teórica e moita, pero moita práctica.
- Como obxectivo do curso, levaremos adiante dous proxectos:
- Construiremos unha buceta do norte partindo de plantillas.(O estado final dependerá do ritmo de traballo)
- Traballaremos nunha lancha duns 8 metros partindo dende a estructura.
- Facilitarase material de seguridade ós asistentes: gafas protectoras, guantes, batas.
- Entregarase a cada asistente material teórico en soporte dixital.
- As xornadas do curso desenrolaranse os sábados dende as 16:00 horas. Prégase puntualidade.
- En cada xornada haberá un pequeno descanso de 15 minutos para mollar a palleta.
- Ó finalizar os módulos daranse uns diplomas acreditativos ós asistentes.

PREZOS

                                          UN MÓDULO (50 HORAS)      DOUS MÓDULOS (100 HORAS)
SOCIOS PATEXEIROS                      100    €                                      180 €
SOCIOS C.N.R.S. *                           120    €                                      200 €
NON SOCIOS.                                    150    €                                    250 €

Como vedes os prezos son moi económicos e podedes asistir a un verdadeiro curso de carpintaría de ribeira, sen segredos, por un prezo asequibel.

Os que tedes asistido a outras edicións darédesvos conta de que incrementamos consideráblemente (duplicámolas en cada módulo) o número de horas, sen incrementar demasiado o prezo. Esto é posible grazas á colaboración da Deputación da Coruña e tamén a un pequeno esforzo económico dos Patexeiros.

O PAGO DA INSCRIPCIÓN PARA O/S MODULO/S REALIZARASE COMO MOI TARDE O MESMO DÍA DE COMENZO DO CURSO.

INSCRICIÓNS E INFORMACIÓN ADICIONAL A TRAVESO DO NOSO CORREO : patexeiros@hotmail.com

¡¡¡ QUEDA ABERTO O PRAZO DE INSCRICIÓN !!!

* Socios do Club Náutico Recreativo de Sada. Comprobarase a súa condición de socio.

ULTIMA REGATA DA COPA BALBINA DE VELA TRADICIONAL - SABADO 24 DE SETEMBRO

2011-09-20T19:28:00.001+02:00

Este sábado 24 de setembro ás 5 da tarde (17:00) terá lugar frente a praia de Sada (A Coruña) a última regata da Copa Balbina 2011 de Vela Tradicional. Un referente da vela tradicional no Golgo Ártabro.

Ó final da proba agasallaremos a todos os participantes desta regata cunha merendola a base de pinchos e algo para mollar a palleta. ¡¡¡e algo máis haberá!!!

Esperemos que os nosos barcos poidan facer un bo papel na regata, ainda que imaxinamos que o Osorio virá a matar.

Queremos dar as gracias por anticipado a todos os asistentes e colaboradores xa que sin eles esta Copa Balbina non sería posible.

Agradecementos como non ó Club Náutico Recreativo de Sada por colaborar na loxística das probas.

Vémonos o sábado as 5 da tarde. Sede puntuais.

Palmeirán

UNHA BUCETA DO NORTE RECUPERADA

2011-09-13T17:35:00.001+02:00

Os amigos do C.N.Punta Bufadoiro de Mera están recuperando unha buceta do norte, que penso será o seu primeiro barco da sección de embarcacións tradicionais.

Xa foi alá por finais de xaneiro do 2010 que me atopaba eu dando unha volta polo Portiño cando me fixei nunha buceta que parecía que iba a acabar como acaban moitos destes barcos. E alí lle tirei unhas fotos. E este era o seu estado a principios do 2010.

Pasou o tempo e a finais de marzo do 2011, con motivo da organización dunhas xornadas sobre o Patrimonio Marítimo do Golfo Ártabro, conxuntamente co C.N.Punta Bufadoiro e o GAC do Golfo Ártabro, enterámonos que os amigos de Mera se fixeran ca Lolita, a mesma buceta que vira eu no Portiño algó máis dun ano antes.

Este era o seu estado cando chegou ó estaleiro de Pepe en Lorbé a quen lle encargarían a súa recuperación.

Cando Pepe, o carpinteiro, se puxo a traballar nela uns días despóis, e empezou a desfacer toda a cuberta, cando a vimos con este aspecto, moitos non pensaban que se poidera facer moito por ela.

A medida que iba pasando o tempo, xa se lle empezaban a ver formas.

E fai unha semán levéime unha agradable sorpresa cando fun darlle unha visita a Pepe, e vin a buceta con este aspecto, co mastro e o temón listos.

Outro barco que deixará de ir para a fogueira grazas ó entusiasmo dos nosos amigos e veciños do C.N.Punta Bufadoiro de Mera. Parabéns, amigos. Esperámosvos ver nalgunha edición da Copa Balbina regateando con esa estupenda buceta, a ver como navega.

Palmeirán

DE VOLTA DA PARROCHEIRA

2011-09-05T13:28:00.001+02:00

Xa estamos de volta da Parrocheira 2011.

Este ano Os Patexeiros non levamos ningún barco á concentración, xa que todos os patróns estaban liados este fin de semán. Así que enroleime como mariñeiro no galeón Punta Pragueira da A.A.E.T.C. para poder ir por mar ata Ferrol e navegar con eles ese sábado.

Saímos do porto de Sada sobre as 11 menos cuarto da mañán. Nada máis sair fixámonos que o Tina Husted estaba alí fondeado, así que non iría á Parrocheira. Segúramente David non sabía nada, senón extráñame que non fose.

Cando estábamos chegando á boca da Ria, avistamos a estribor ó Sauntress e á Reina de Africa. Como sabedes o Sauntress (coñecido tamén como o Irlandés Volador) non ten motor, así que estábamos pensando en cómo iban a facer para entrar pola bocana de San Felipe xa que estaba baixando a maréa e a corriente é moi forte.

De momento non había moito vento, non aparecía por ningún lado esa forza 4-5 que deran os partes meteorolóxicos, ainda que Antonio chamou a un amigo que estaba pescando por fora de Cabo Prior e lle dixo que sí, que pegaba o vento. O que sí había era moito mar de fondo.

Pasamos o porto exterior e chegando a San Felipe atopámonos co Sauntress ós que lle ofrecemos remolque, que como nos imaxinamos, rexeitarían. Eses sí son mariñeiros de pura cepa.

Cando estábamos á altura da Graña fixámonos no Patiño, un barco loxístico da Armada, que estaba amarrado no muelle da Graña.

No Punta Pragueira fóronse alternando como patróns Martiño e Antonio e decateime que Antonio patroneaba cando o barco iba a motor, mentres que Martiño patroneaba cando navegábamos a vela.

Amarrado no muelle dos remolcadores vimos a La Recouvrance, o barco bretón, representante da Vila de Brest.

Sobre as 13:30 chegábamos ó peirao de Curuxeiras. O resto dos barcos concentrados xa estaban navegando e pouco despóis sobre as 12 amarraron todos para comer.

Sobre uns 17 ou 18 barcos estaban amarrados no peirao de Curuxeiras, entre eles o 9 metros, o Canouro, o Enxebre, o Bote de Pau, o Pajarito, Osorio, Bote de Pau, Reina de África, Punta Pragueira, Sauntress, Ría de Ferrol, As Netas, o María, e outros máis.

Á hora da comida a base de empanadas e xamón, Bernardo Maiz léunos un breve discurso moi aplaudido por todos, e sobre todo pola feliz armadora do Enxebre, o barco ó que este ano se lle rendía homenaxe na Parrocheira ó cumplirse o seu 75 cumpleanos surcando as augas de Ferrol.

Tras a sobremesa, cousa que algúns aproveitaron para botar unha sesta, sobre as 5 da tarde saímos a navegar. Repartímonos ós amigos que nos viñeron a ver entre todos os barcos e alá estivemos navegando entre Caranza e a Graña, outros foron ata San Felipe, ata as sete e media da tarde que o ceo empezaba a ameazar con descargar choiva.

Ante a falta de Patexeiros titulares tivemos que recurrir ó banquiño, e alí estaba Pepe do Osorio lucindo como un pincel a camiseta e o gallardete dos Patexeiros. Tamén os amigos Verónica e Xabier da Asociación Cultural Monte da Estrela acudiron coas súas camisetas Patexeiras ó evento. Grazas polo apoio, amigos.

Nos estaleiros de Navantia Ferrol poidemos ver amarrado ó Juan Carlos I, o buque multipropósito da Armada, porque o que se dí portaaeronaves, portaaeronaves non ten moitas. Tamén vimos que están a facer outro igual para Australia.

A bordo do Punta Pragueira tivemos a Moncho que nos foi amenizando a tarde coa gaita acompañado á pandereta pola sua rapaza e de vez en cando á voz de Antonio.

Durante toda a xornada de navegación a sección de espionaxe industrial tamén estivo en marcha. Descubrimos que o Osorio conta cunha nova vela feita cun material da última xeración de nanotecnoloxía e que o patrón do mesmo barco usa un uniforme a xogo co velámen do barco.

Tamén descubrimos que o Sauntress é o barco máis rápido pero en cambio non suben a bordo nin unha xarda cando andan ó currican.

Descubrimos tamén que a Bedoya lle gosta máis a sesta que o cheiro a salitre, que a Antonio lle gosta máis o xamón que cantar, e que a moitos outros lles gosta máis o viño que todo o demáis xunto.

Bonita tarde de navegación cun vento ideal e cuns amigos inmellorables.

Nada máis amarrar todos os barcos empezou a chover con gañas e xa non pararía en todo o día. Así que nos metemos debaixo do chiringuito do parque a beber e a cantar ata ven entrada a noite que empezamos a desfilar.

O Punta Pragueira voltará ó dia seguinte con Martiño e Antonio.O que xa non voltará é o xamón que só quedou del para facer un caldiño.

¡¡¡Vémonos na Parrocheira 2012!!!
PD: Xa tedes as fotos no noso álbum. Tamén este vídeo que grabou o noso amigo Xabier de Monte da Estrela.

Palmeirán