OS PATEXEIROS

Escapada para darlle unha man

noreply@blogger.com (ASOCIACION CULTURAL MARIÑEIRA "OS PATEXEIROS") — Fri, 18 May 2012 08:03:00 +0000

O martes pola tarde, despóis de traballar, achegámonos a Lorbé aproveitando a boa tarde, para darlle outra man de mexunxe á cuberta da Desexada.

Ante a escaseza de man de obra patexeira, tiven que recurrir ás novas xeracións (Patexeiras, se entende, non das outras con maiúsculas).

E mirade con que perfección e atención facía o traballo. ¡É que lle tira ó pai!

Acabamos sobre as 9 e media, e mirade que bonita nos quedou.

Este venres pola tarde volveremos a ver se facemos algo máis.

Palmeirán.

Rematou o Cursiño de Carpintaría

noreply@blogger.com (ASOCIACION CULTURAL MARIÑEIRA "OS PATEXEIROS") — Mon, 14 May 2012 10:44:00 +0000

Este sábado rematou definitívamente a 3ª Edición do Cursiño de Carpintaría de ribeira organizado pola nosa Asociación.

Durante esta última xornada fíxéronse un par de cousas novas, para así acabar de ver casi complétamente todos os procedementos.

Empezaron a frasquiar e a colocar as primeiras taboas do forro, que como vedes nas fotos deixaron as primeiras colocadas.

Logo empezaron a botar a cuberta, Fernando e Moncho por estribor e Xulio logo por babor. Jorge continuaba coas taboas do forro.

E así deixamos o proxecto da buceta do norte. A cuberta acabaremos rematándoa no local patexeiro, o resto xa veremos se queda para outro curso ou se intentaremos rematala pola nosa conta, depende da vontade que haxa nas filas patexeiras.

Neste curso, que constaba de dous módulos e que ainda se fixo, a petición dos alumnos, unha ampliación a maiores, tiñamos como obxectivo a construcción dunha buceta do norte.

Non conseguimos rematala complétamente porque os mestres querían que fosen os propios alumnos os que fixeran casi todo o traballo, e íbamos moi lentos, pero sí que se cumpreu o obxectivo de dar a coñecer o bonito oficio dos carpinteiros de ribeira a moitos alumnos e meterlles o gusanillo.

Moitas anécdotas, moitas risas e moitos amigos nos quedan de todos estes meses no cursiño.

Algúns quedaron tan enganchados que xa empezaron a construcción do seu propio bote, tal é o caso de Jorge, que xa ten a madeira mercada e xa ensamblou a súa primeira caderna.

A outros sirvéulles para engancharse ó mundo das embarcacións tradicionais e mercaron o seu propio barco para intentar reparalo cos coñecementos adquiridos nestes meses, como é o caso do amigo Ángel, de Ferrol, que mercou un bote de media construcción e vai a intentar reparalo él só. Outra embarcación tradicional máis, salvada do olvido.

A Xulio, tamén lle gustou moito o curso e lle sirveu para amar máis ainda o mundo das embarcacións tradicionais e queda pendente de que o chamemos para navegar con nós este verán.

Moncho tamén se doctorou en carpintaría de ribeira. Tamén navegará connosco este verán. A ver se vén a algunha das regatas da Copa Balbina.

E que decir de Fernando, que ainda que foi dos últimos en incorporarse ó curso, non tiña coche e tiña que depender do autobús e logo andar kilómetro e medio ata o porto de Lorbé para chegar ó curso. Nada máis rematar o curso se nos ofreceu para axudarnos a reparar os barcos da Asociación. Sempre e cando o leváramos e trouxéramos de Lorbé, como non podía ser menos. Grazas polo ofrecemento.

Grazas a todos os alumnos que participaron no cursiño todos estes meses. Perdoádenos se ás veces en algo fallamos.

Grazas ó mestre carpinteiro Pepe e ó mestre de apoio David por ensinarnos todos os segredos, sen gardarse ningún no peto, e por atender sempre as dúbidas que se lle prantexaban.

Grazas á muller e á filla de Pepe por ternos agasallado cunha boa merendola de rosquillas e buñuelos e a Ángel por deleitarnos cos seus famosos licores de noces verdes, de café, de laranxa, etc...

Tamén grazas a Jorge, por adicar parte do tempo de descanso a cortarnos pezas de madeira para colocar na cuberta da Balbina.

Agradecer tamén o apoio que tivemos da Excma. Deputación da Coruña para poder levar adiante esta edición do Curso.

Como non, grazas ós numerosos mariñeiros xubilados que frecuentan a carpintaría de Pepe, polos bos consellos que sempre nos deron, e que como temos dito outras veces, aquelo parece a Real Academia do Mar. Nos falaron de historia, de como navegaban eles, como facían as manobras, nos falaron da Balbina, de como pescaban, etc...

E seguro que nos quedan moitos agradecementos que repartir, pero temos a cabeciña en tantas cousas que xa non nos cabe máis. Así que se algún non se atopa na lista, por favor que non se enfade que sabe que tamén lle estamos agradecidos.

OUTROS TRABALLOS DO FIN DE SEMÁN

E este fin de semán, tamén fixemos outras cousas.

O venres pola tarde estivemos no local patexeiro Pepe Paz, Jaime e máis eu, ordeando o local, rematando de pintar unhas táboas, colocando unha parrilla para colgar aparellos, e tamén colocamos un soporte para o esmiril á entrada do local.

O sábado estiven coa Desexada rematando a cuberta, recravandoa, lixándoa, tapándolle as puntas e dándolle o alcatrán.

Deixéina descuberta xa que como daban bo tempo, así vai secando ben. Tentarei achegarme algún día pola semán.

Tamén estiven limpando unha escala, unha bañeira de zinc e o arco de luces da Balbina que pasarán ó museo Patexeiro.

Palmeirán

Como sempre, traballando.

noreply@blogger.com (ASOCIACION CULTURAL MARIÑEIRA "OS PATEXEIROS") — Mon, 30 Apr 2012 11:36:00 +0000

Este venres alá nos fomos a Lorbé, Francisco e máis eu para facer varios traballiños.

Primeiro fomos buscar un pequeno carro de varada, para barcos de pouco porte, que tiñamos gardado nun galpón a uns kilómetros do noso local.

Francisco estivo desenferruxándoo coa rebarbadora e o cepillo de arame, afloxando os tornillos e tuercas con aceite para poder desmontar todas as partes móbiles. Unha vez quitada parte do oxido vese en bastante bó estado.

Agora temos que acabar de quitarlle o que lle queda, pintalo, sustituir parte da tornillería e meterlle un par de rodas novas, que as que ten están deformadas..

Así, xa nos servirá para traballar nos barcos máis pequenos da flota. Outro aparello máis ó servicio dos socios patexeiros.

Pola miña parte, continuei rascando e pintando o resto do enxaretado da Desexada, acabando dúas parrillas máis. Só queda unha, que xa deixei rascada e tratada co alcatrán.

En canto poda, a ver se remato de rascala por dentro para poder seguir traballando e a temos lista para empezar a finais de maio a navegar con ela.

O sábado acheguéime a Ribeira a ver a saída dunha das regatas de primaveira dos amigos do Lajareu por Barlovento e tiréille unhas fotos a unhas dorniñas moi bonitas que lle estaban dando o alcatrán.

Que bonito queda este mexunxe nas cubertas.

Palmeirán

Vela latina en Menorca e Moçambique

noreply@blogger.com (ASOCIACION CULTURAL MARIÑEIRA "OS PATEXEIROS") — Wed, 25 Apr 2012 18:02:00 +0000

Como o mar non está para navegar estes días, púxenme a navegar pola rede, explorando a fondo varias páxinas que xa tiña visitado antes moi por encima.

Cheguei a dos Amics de la Mar de Menorca, unha asociación menorquina que ten a súa sede no edificio da antigua comandancia de mariña de Ciutadella de Menorca, e que tiven o pracer de visitar este pasado verán cando estiven de vacacións pola illa.

Para os que ainda non decidíchedes o destino das vosas vacacións, e se a crise volo permite, recoméndovos que visitedes Menorca, un sitio moi tranquilo, cunhas das mellores praias do mundo (esas si que non se pode decir que sexan moi tranquilas), cun patrimonio marítimo ainda bastante extenso, cunha xente cojonuda e con moito mar por todas partes.

Vede unhas cantas imaxes da illa para abrir o apetito.

Llauds no porto de Fornells

Unha téquina a punto de perderse para sempre

Llauds amarrados en pantaláns de baixo custe. ¡Con esas maréas así calqueira!

Os Amics de la Mar de Menorca recuperaron entre outros, un antiguo llaud chamado Besitos, que teñen amarrado xusto no mesmo edificio da súa sede.

Editaron un libro moi bó, que vos recomendo a todos aqueles que sintades interese ou curiosidade pola navegación con vela latina. O libro ten por título Introducció a la práctica de la Vela Llatina, está escrito por Cristófol Al-lés, e está en catalá, pero para nós, os galegos, non representa moito problema entendelo pola proximidade coa nosa lingua. De feito eu leíno casi todo sen problemas no viaxe de volta.

O libro ten gran cantidade de estupendos gráficos, debuxos e fotos dos barcos e das manobras. E era moi barato. Se non recordo mal custaba 10 euros. Un módico prezo para unha fenomenal publicación.

Pois ben, falando co presidente me comentaba o traballo que facían e os problemas cos que se atopaban, que como podedes imaxinar son os mesmos que temos os desta outra banda.

Na súa páxina, que vos recomendo navegar por ela a fondo, ver as entradas antiguas, ver os estupendos documentais do programa Thalassa que teñen, etc...

Pois iso, volvendo á súa páxina, atopei unha reseña a unha regata de barcos de vela latina que se fai en Moçambique todo-los anos alá polo San Xoan. Cheguei a ver máis información sobre ela a traveso da páxina de Fundación Ibo.

Foto descargada da páxina dos Amics de la Mar de Menorca

Hai que ver que tremendos trapos se gastan por aquelas latitudes. Lástima dunha desas para a Balbina.

Foto descargada da páxina da Fundación Ibo

Veña, a ver se mellora o tempo, rematamos de arranxar os barcos e podemos empezar a navegar por outros mares que non sexan este de Internet.

Palmeirán

Formación, cursiño e Desexada

noreply@blogger.com (ASOCIACION CULTURAL MARIÑEIRA "OS PATEXEIROS") — Sun, 22 Apr 2012 09:11:00 +0000

Este fin de semán dou para moito nas filas patexeiras.

Se o venres pola tarde achiquei a Desexada, e fun xunto con Francisco achicar e baldear a Balbina , o sábado tamén foi un día moi completo.

Pola mañán, dous patexeiros, Martiño e Palmeirán, asistimos en Sada ás Xornadas de seguridade no mar ANAVRE e Salvamento Marítimo. Alí nos atopamos con outros amigos como Mini e Arturo, do Clube do Mar de Ferrol, e con Ángel, un dos alumnos do curso de carpintaría.

Varios ponentes falaron da seguridade no mar, de como traballa Salvamento Marítimo e con que medios conta, a Cruz Vermella dóunos unhas rápidas nocións de primeiros auxilios no mar, e náutica Vidal Sande fíxónos unha presentación-demostración dos medios de seguridade pasiva, chalecos, traxes, balsas, cos que deberíamos contar sempre. É moitas veces non o facemos.

Ó final da mañán a Cruz Vermella fixo un simulacro de rescate no mar de tres náufragos voluntarios, con desplegue de balsas de apertura automática, lanzamento de botes de fume e bengalas.

Para rematar tivemos a oportunidade de visitar un dos barcos de Salvamento Marítimo da Xunta de Galicia. A verdade e que quedei impresionado coa tecnoloxia electrónica que leva a bordo e ca impecable sala de máquinas. Non puden facer fotos daqueles dous impresionantes motores Caterpillar, cromados e impecables porque se me acabou a batería da cámara, pero impresionante é a palabra para definilos.

Ó mediodía dirixinme cara a Lorbé para traballar un pouco na Desexada. Pensando que iba a seguir chovendo, empecei a pintar o empanetado que xa estaba rascado.

Logo, sobre as 5, chegaría Miguel Marta e estivo lixando o resto das parrillas do empanetado.

Sobre as 6 da tarde levámoslle o picnic ós alumnos do cursiño de carpintaría, que estaban facendo o trancanil da banda de babor cara á popa.

E fómonos cedo por compromisos familiares.

Outro día, máis.

Palmeirán

Sobre o cursiño e outras cousas

noreply@blogger.com (ASOCIACION CULTURAL MARIÑEIRA "OS PATEXEIROS") — Mon, 16 Apr 2012 10:40:00 +0000

O pasado venres alá me fun cara Lorbé coa intención de intentar achicar a Balbina das últimas choivas e baldear a cuberta coa auga do mar que tanto ben lle fai.

Nada máis chegar ó local patexeiro, duas cousas me fixeron desistir de tal menester.

Por unha parte non se atopaba alí a neumática de Roberto, coa que pensaba ir ata a Balbina, pois a tiña amarrada no fondeo do seu veleiro, e o noso chinchorro segue sen ter reparada a roda, co que acarrexala ata a rampa por unha persoa sóa é tarefa imposible.

Aparte diso empezou a caer todo o que non choveu nestes meses e xa non parou en todo o día. Así que me puxen a traballar no local patexeiro, barrendo, limpando e ordeando a parte de abaixo.

Logo fun cumprir con outra obriga patexeira acudindo á invitación que nos fixeron os amigos da A.C.Suárez Picallo, con motivo da presentación do número 4 da Revista Cultural de Sada, AREAL, adicada neste número a Isaac Díaz Pardo.

A presentación empezou cunha emotiva homenaxe a Isaac. Entregóuselle un ramo de flores a Mimina, a súa compañeira, que estaba presente no acto. Interviron o Presidente da Asociación, o vicepresidente, que presentou a revista e posteriormente falaron José María Monterroso e Felipe Senén que coa súa intervención despertou moitos aplausos do público asistente.

O acto finalizou cunha grande actuación da fenomenal Tombalobos Orquestra, que fixeron que o público participara na grande parte das pezas que interpretaron, algunas delas moi mariñeiras como aquela de "No mar unha dorna", que vos poño aquí neste enlace ó Tube doutra actuación distinta a ésta porque sei que ós das Rias Baixas vos vai gustar.

E para rematar a A.C.Suárez Picallo repartiu entre os asistentes exemplares da revista Areal, financiada coa colaboura de moitos negocios de Sada.

O sábado pola mañán volvín cara Lorbe para intentar de novo achicar a Balbina e intentar traballar algo na Desexada e no local.

A choiva, de novo impedíume facer as dúas primeiras cousas polo que me puxen a traballar no altillo, ordeándoo, colocando estanterías, e colocando as primeiras pezas do Museo Patexeiro.

Esta pequena colección está formada por pezas que atopamos dentro da Balbina, así como ferramenta doada por diversas persoas, entre elas o Sr. José Luis Lino, recoñecido carpinteiro de ribeira en Sada e tamén na outra beira do Atlántico.

O aspecto co que quedou o altillo ó final da mañán era máis ou menos éste que reflexa a imaxe panorámica.

Ó mediodia estiven rascando a pintura vella do empanetado da Desexada e dándolle unha man de alcatrán antes de pintalo para que queden ben protexidas.

Pola tarde acudín a darlle a benvida ós alumnos do Curso de Carpintaría, xa que había algúns que empezaban hoxe, e alí me quedei con eles ata media tarde xa que a choiva seguía sen deixar facer outras cousas.

Ainda así aproiveitei as pequenas paradas que había sen choiva para achicar a Desexada que quedara descuberta, e baldeala con auga do mar.

Cando estivo toda ben baldeadiña tapéina coa lona para que non a castigue moito a choiva e o vento, ata o vindeiro fin de semán, que a ver, se o tempo o permite, intentaremos darlle un empuxón ós traballos.

No curso de carpintaría os alumnos remataron de colocar o trancanil de babor e deixárono cravado.

Tamén frasquiaron, fixeron, colocaron e cravaron o de estribor.

Estas operacións foron feitas casi totalmente polos alumnos, limitándose o mestre prácticamente a darlle instruccións.

Para os dous novos alumnos, ísto sonáballes a chinés, pero bueno, se souberan a de veces que os antiguos alumnos tiveron que repetir as operacións ata asimilalas, quedaríanse algo máis tranquilos.

A carpintaría de ribeira precisa de moita práctica, práctica e práctica.

Hoxe os alumnos foron decantándose por unha ferramenta cada un.

Mentres Moncho escolleu a rebarbadora para conformar os barraganetes, Jorge se decantaba pola serra de cinta para cortar as táboas, Fernando pola caladora para abrir o sitio para meter os barraganetes, Xulio pola trencha para rematalos, e Ángel polo metro, o lápis e o martelo, para as operacións de medición e de cravado.

Antón e José Manuel, os novos alumnos, foron tímidos á hora de coller ferramentas, xa que necesitaban absorver moitos coñecementos primeiro. Participaron nunha sesión rápida de afiado de ferramenta que lles dou Pepe e ó final da tarde, algún deles xa se animou a tomar medidas e marcar.

Outro día, máis.

Palmeirán

Prolongación do Curso de Carpintaría

noreply@blogger.com (ASOCIACION CULTURAL MARIÑEIRA "OS PATEXEIROS") — Tue, 10 Apr 2012 15:47:00 +0000

A petición de varios dos alumnos da 3ª edición, imos a prolongar durante 4 xornadas máis o Curso de Carpintaría de ribeira.

Comunicámovolo por se algún dos alumnos de outros módulos ou edicións anteriores estades interesados en participar nesta prolongación.

Como sabedes, ó longo das xornadas pasadas estivemos construindo unha buceta do norte, e agora mesmo faltan por realizar as operacións de colocación de trancanil e sorraina, botar a cuberta e colocar as tracas do forro, colocación de fogonadura, tinteiro, etc.

Esta prolongación sería interesante para todos aqueles que non tivérades a oportunidade de ver estes procedementos no voso módulo correspondente.

Como se trata dunha prolongación fora de programa, a nosa idea era facelo o máis económico posible para vós, pero de forma que cubra gastos. Polo tanto o prezo final dependerá do número de asistentes

Os prezos que se estarían baraxando serían:

- De 6 a 8 asistentes: 45 euros por persoa
- De 9 a 11 asistentes: 40 euros por persoa
- De 12 a 14 asistentes: 35 euros por persoa
- De 15 a 17 asistentes: 30 euros por persoa

As xornadas de cursiño serían: 14 e 21 de abril -------- 5 e 12 de maio . Temos que saltarnos o 28 de abril por non estar o mestre dispoñible esa data.

O horario sería o de sempre: os sábados de 4 a 8 1/2 da tarde, cun descanso de 15-20 minutos.

Tamén, como se trata dunha prolongación e a un custe reducido, non se proveerá de material ós alumnos (gafas, guantes, etc...) a non ser que teñamos excedentes doutras edicións. Por tanto, traede os das edicións anteriores. Do que si dispoñemos é de batas brancas de traballo para que non vos enlixedes moito.

Intentaremos manter o picnic co que vos solemos deleitar no descanso, que non chegarán a tanto os recortes.

Por favor, confirmade a vosa inscrición antes do venres 13 de abril.

Non se poderá levar a cabo a prolongación con menos de 6 asistentes xa que non cubriría gastos mínimos.

Gracias a todos.

Paseo pola Ría de Arousa

noreply@blogger.com (ASOCIACION CULTURAL MARIÑEIRA "OS PATEXEIROS") — Mon, 09 Apr 2012 12:30:00 +0000

Ó longo destes días, fixen un descanso no traballo dos barcos da Asociación e alá me fun ca familia para a miña terra.

E aproveitei para pasar un día dando unha voltiña pola outra banda da Ría de Arousa, aquela que me queda xusto enfrente e de paso seguir disfrutando do noso rico patrimonio marítimo en compaña da familia.

O xoves pola tarde xa empecei dando unha camiñata pola praia da Corna ata a punta de Cabío. Alí ainda queda algunha gameliña esperando na praia o aluvión de bañistas que dentro de pouco invadirán esa fermosa praia.

Como moitos sabedes, na entrada da praia de Cabío hai unha dorniña no mesmo paseo, para recordarnos a todos que aquilo foi mar de dornas, pero parece ser que ás autoridades non lles importa moito porque a dorna atópase nun estado lamentable coa cuberta rota, bancos rotos e as primeiras do plan desfondadas. A ver se alguén o remedia para este verán, porque xa que unha dorna non se merece estar enrriba dunha beirarrúa, polo menos se ten que estar, que esté o máis digna posible que lle deron de comer a moita xente.

O venres empezamos a ruta visitando Rianxo. Alí poidemos contemplar a lancha Xeiteira, que senón recordo mal construíra a Escola Obradoiro de Rianxo. Lucía así de pintadiña rodeada dun mar de arjasos.

Seguindo polo porto de Rianxo atopéime, nos Asteleiros Catoira, co galeón Illa de Cortegada dos amigos Rompetimóns, que debe estar alí para facer algún traballiño.

Continuamos a estrada que vai de Rianxo a Catoira por Isorna e un pouco antes da ponte de Catoira, se poden ver á dereita varios restos de gameliñas no fango.

Pasando pola ponte de Catoira podemos ver o que máis chama a atención da pequena da casa, as tres réplicas de barcos vikingos que participan na famosa romaría vikinga. Recordade que unha delas estivo presente no X Encontro de Carril.

Collemos todas as estradas máis próximas á costa posibles e imos pasando polo pobo de Catoira, por Carril coa fermosa Illa de Cortegada á nosa dereita. Atravesamos Vilagarcía pola zona portuaria e dirixímonos cara a Vilaxóan todo pola costa, polos depósitos do Ferrazo, sen facerlle caso ós sinais que nos aconsellan coller outra estrada máis rápida.

O porto de Vilaxoán deixóume impresionado pola cantidade de barcos bateeiros que ten amarrados. Debeu de coincidir que nunca os vira a todos amarrados nun día de festa, pero estaba o porto petado deles.

Continuámos sempre á beira do mar cara a Vilanova, pasámos pola praia das Sinas e sen parar atravesamos Vilanova e collemos a ponte que nos levaría á Illa de Arousa.

Nada máis chegar á Illa estivemos no porto de Cabodeiro e como xa era hora de xantar tiramos cara ó porto do Xufre que malo sería que alí non se comera ben.

No porto e arredores poidemos ver que a materia prima da maioría dos barcos amarrados e fondeados era a madeira. Así que para aqueles que pensan que a madeira está "out" e a fibra "in" recoméndolles que se pasen polo porto do Xufre para que polo menos se replantexen a súa opinión.

Tamén poidemos ver o galeón Komaira, restaurado polos veciños da Illa.

Despóis de xantar, a base de productos do mar, polbo á feira, chipiróns e uns rapantiños (non foi por estar de vixilia de venres Santo senón porque estando rodeados de mar por todas partes parecéunos máis axeitado que pedir un chuletón), empezou a chover e xa non parou en todo o día.

Acheguéime a sacarlle unhas fotos ó Rei do Mar que estaba amarrado ó muelle. ¡¡¡Que fermoso que está quedando!!!.

Demos unha volta polo centro, moi cambiado dende a última vez que pasei por aquí. O "remexido urbanístico" tamén atacou á Illa.

Da pena ver o poderío que tiveron as industrias do mar na Ría de Arousa e como pecharon moitas das fábricas conserveiras e de salazón nas últimas décadas.

Algunhas mantéñense en pé por ter hoxe novas utilidades, como museo, por exemplo, e doutras xa non queda más ca as chemineas.

Para empezar o peche da visita á Illa démoslle a volta empezando pola parte norte dónde se atopa o Faro, que polo que se vé está convertido nun bar.

Cerca do faro ainda se poden contemplar estampas tan fermosas como ésta que vedes a continuación, dignas de editar unha postal. ¡E que A Illa é moi fermosa, ainda!
.

Xusto por un camiño que hai ó lado podedes ver tamén a laxe da Escorregadoira. Unha laxe que se aprecia perfectamente dende o outro lado da Ría.

Seguimos bordeando a Illa e pasamos polo Instituto de formación en Acuicultura, que ainda que o seu arquitecto non lle dese tanta altura non se perdía nada.

E chegamos á zona dónde está o campo de fútbol e tamén a nova depuradora (EDAR, como lles chaman agora), e volvo a constatar que ós arquitectos moito lles gusta a altura. ¿terán algún complexo?

A piques de abandoar a Illa achegámonos ó parque natural do Carreirón a dar un paseo. Gustóume moito o cartel que hai á entrada.

Para que non queden dúbidas do que se pode coller ou non.

E antes de sair pola ponte tamén pasamos polo Bao, a ver se víamos algunha dorniña fondeada, pero ainda están todas gardadiñas en terra.

Un bonito e didáctico día que só nos fastidiou un pouquiño a choiva e o frío, pero como chover ten que chover que fai moita falta, non vamos a queixarnos diso.

Palmeirán

Actividades do sábado

noreply@blogger.com (ASOCIACION CULTURAL MARIÑEIRA "OS PATEXEIROS") — Mon, 02 Apr 2012 10:07:00 +0000

Unha vez temos á Balbina no mar, e ainda que non está rematada, ímonos a relaxar un pouco que este traballo non é alimento.

O sábado pola tarde Fran Vázquez e máis eu estivemos traballando na Desexada.

Continuamos reparando a cuberta, que tiña partes bastante deterioradas. Fran botóulle este remendiño que vedes a estribor e colocou un par de xunquillos.

Eu cambiéi esas táboas que vedes xusto na proa, enmasillei e dinlle o mexunxe para que quedase o máis protexida posible xa que estaba madeira á vista.

Ó final da tarde presentaba este aspecto.

O Comandante Martiño, achegóuse tamén a Lorbé a traernos brea e sebo para calafatear. En breve nos poñeremos con esta encanisada.

Mentras, a poucos metros de nós, os alumnos do Curso de Carpintaría estaban no seu último día de cursiño.

Nesta xornada tocóulles frasquiar e colocar unha parte do trancanil de babor.

Tempo lles levou porque casi o fixeron eles sós. O mestre, Pepe, estaba un pouco fastidiado da espalda e non podía facer esforzos.

Neste último día de cursiño, o noso amigo Ángel, deleitóunos cun dos seus famosos licores, e desta vez tocóulle ó de laranxa.

Como os rapaces quedaron con mono de traballar na madeira, pedíronnos continuar un pouco máis para ver que procedementos lle faltan para rematar a buceta.

Falamos co mestre, e estaba conforme, así que se vai a levar adiante a ampliación de catro xornadas máis do cursiño.

Nuns días sacaremos o anuncio para saber se algunha persoa máis estaría interesada en asistir, sobre todo orientado os alumnos do primeiro módulo ou de cursos anteriores, que non chegaron a ver estes procedementos.

Manterémosvos informados.

Palmeirán

Traballos na Desexada

noreply@blogger.com (ASOCIACION CULTURAL MARIÑEIRA "OS PATEXEIROS") — Sat, 31 Mar 2012 08:14:00 +0000

Este venres pola tarde, e unha vez temos á Balbina no mar, estiven traballando na Desexada.

Adiquéime primeiro á zona de proa, rascando pintura do pañol.

Como facía tanto calor dentro do pañol e se sudaba a gota gorda, me puxen a reparar a cuberta de proa, xa que ademáis aproveitaba para broncearme un pouco, que un ten que lucir un bo aspecto ainda que nunca saia nas fotos.

Empecei por lixala, recravala, e recravar toda a brazola, que estaba solta.

Logo me puxen a facerlle os pechos de madeira que leva entre táboa e táboa. Quería facerllos nunha madeira de cor escura para que quedara máis bonito, pero como non atopei ningunha taboa axeitada ó final foron de piñeiro.

Tamén aproveitei para lixar a tapa da regala por ver o estado no que estaba. E está bastante ben, así que cunha man de mexunxe quedará perfecta.

Empecei a recoller, e como son multitarea, antes de irme, empecei a montar o que será a tapa do pañol de popa da Balbina. E así vai quedando.

Mañán, máis.

Palmeirán

Evolución do curso de carpintaría

noreply@blogger.com (ASOCIACION CULTURAL MARIÑEIRA "OS PATEXEIROS") — Sun, 25 Mar 2012 09:50:00 +0000

A semán pasada non vos fixen resumo do curso de carpintaría, así que o xunto co desta semán.

O pasado sábado 17, os alumnos adicáronse, baixo a supervisión dos mestres, a empezar co reforzo transversal da buceta.

Se nas xornadas anteriores se adicaron ó reforzo lonxitudinal, metendo os cintóns, agora lle tocaba ós bancos, que reforzan moito a estructura e ós baos das cubertas de proa e popa.

Nese sábado deixaron colocado un banco e o bao donde remata a cuberta de proa.

Ademáis tamén cortaron e deixaron dispostos para cravar o resto dos baos das dúas cubertas e o outro banco.

A estas alturas do curso, os alumnos xa forman un bo grupo de traballo, con bastante autonomía, xa non dependen para todo dos mestres e fan eles a maioría dos traballos.

Onte, nunha nova xornada, continuaron asentando e cravando todos os baos.

Colocaron o segundo banco e cortaron e dispuxeron todos os medios baos na súa situación, para o seguinte día deixalos todos asentados e cravados..

No tempo de descanso, un dos alumnos, Ángel, invitóunos a unha degustación duns licores que elabora él mesmo, e que casi todos probamos e demos fé de que os fai moi ben. Tanto, que se podería adicar profesionalmente á súa elaboración. Tamén para completar a merenda nos invitou á comida preferida de Homer Simpson, uns donuts que sabían a gloria a esas horas da tarde.

Ó rematar a xornada, a buceta lucía un impresionante aspecto.

Nota para os que entren por primeira vez a este blog: A buceta é o barco que figura en primeiro plano da imaxen, non ten nada que ver co poster do fondo no que vos estades fixando, ainda que o google traductor vos diga o contrario.

Esta é a parte de popa cos seus baos xa colocados.

A vindeira semán, en teoría debería rematar o curso, pero varios alumnos mostraron a súa intención de continuar para poder ver o resto das operacións que faltan: como se coloca o trancanil, a sorraina, como se empeza a poñer o forro, etc...

Así que, falaremos cos mestres e iremos alongando o curso un mes ou dous a demanda dos alumnos que queiran continuar. Tamén faremos un chamamento a alumnos de outros modulos xa rematados, por se están interesados en ver esta parte da construcción e se queren unir a este pequeno módulo adicional, que de facerse, comenzaría despóis da Semán Santa, e prolongaríase polo menos 4 ou 5 xornadas máis.

Manterémosvos informados ó longo desta e da outra semán, en canto saibamos horas e prezos adicionais.

Palmeirán.

Xornada do curso do sábado 10 de marzo

noreply@blogger.com (ASOCIACION CULTURAL MARIÑEIRA "OS PATEXEIROS") — Mon, 19 Mar 2012 09:36:00 +0000

Cun pouquiño de retraso vos chega o resumo da xornada do pasado sábado 10 de marzo. O motivo non é que esté máis vago ca nunca, non, non é ese. Como xa vos teño dito noutras ocasións, non quero que as novas se solapen demasiado, e a Desexada tamén merecía dar conta de que empezaban os traballos nela.

Pois ahí vai o resumo e algunhas fotos do curso desa xornada.

Mentres os Patexeiros nos adicábamos a traballar na cuberta da Balbina, os cursillistas estiveron toda a xornada facendo os cintóns de fora. Na xornada anterior estiveran cos de dentro.

Nesta xornada fallaron algúns dos habituais, razóns terían, pero que sepan que se perderon unha boa merendola a base de unha bandexa repleta de buñuelos e rosquillas que amáblemente nos trouxeron a muller e a filla de Pepe o mestre carpinteiro. Co seu cafeíño quente, que non faltou.

Estaban tan bós que non sei se lle quedaría nin a bandexa para levar de volta.

Ó final da tarde quedaban rematados os cintóns.

Está claro que non se vai dar rematada a buceta neste cursiño, pero do que estamos seguros e que a ningún se lle vai a olvidar como se despeza, corta e monta unha caderna.

Nas poucas semáns que quedan para rematar o curso, os mestres intentarán que polo menos poidan ver un pouco dos procedementos que quedan por facer.

Un pouco do banceado, un pouco de poñer os bancos, tamén botar a cuberta, etc... Non se dará rematado pero intentarán empezar para que os alumnos vexan como se fai.

Palmeirán

Limpeza da Desexada

noreply@blogger.com (ASOCIACION CULTURAL MARIÑEIRA "OS PATEXEIROS") — Sun, 11 Mar 2012 23:28:00 +0000

Este sábado pola mañán, mentras eu traballaba na Balbina, Jaime estivo limpando a fondo a Desexada para tela a punto e empezar a traballar nela en canto se acabe coa Balbina.

Estivo ca hidrolimpadora dándolle por fora e por dentro, dándolle cun cepillo e quitándolle toda a porquería acumulada dentro.

Unha vez acabou, valdeóuna cuns caldeiros de auga do mar.

Despóis unéusenos, a Martiño, quen chegou ó mediodia para traballar na Balbina, e a min, e estivemos toda a tarde traballando no barco.

Podedes ver máis detalles no propio blog da Balbina.

Palmeirán

Traballos no local

noreply@blogger.com (ASOCIACION CULTURAL MARIÑEIRA "OS PATEXEIROS") — Mon, 05 Mar 2012 08:54:00 +0000

O pasado venres pola tarde xuntámonos no local Patexeiro de Lorbé para seguir adecentando o novo espacio que habilitamos para oficina e museo Patexeiro.

Como en toda Asociación xeneramos e manexamos moitos documentos e non convén telos mixturados co material de traballo, por iso decidimos facer esta pequena oficina, dentro do pouco espacio que temos no local.

Tamén, como xa temos almacenado certo material que nos van cedendo, sobre todo ferramenta antígua, así como o material que estaba abordo da Balbina cando nos fixemos con ela, decidimos crear unha especie de pequeno museo Patexeiro, que como xa tedes visto noutras reportaxes deste blog, levamos a algúns eventos nos que participamos.

Así que este venres estivemos Francisco e máis eu acabando de pintar, montando unha mesa e ordenando xa un pouco as cousas que van a ir para esa zona.

Ainda falta un pouco para rematalo, pero xa vai quedando chuliño. A pena é que non mida 100 metros cadrados.

Palmeirán

Curso de carpintaría: Empezamos cos cintóns

noreply@blogger.com (ASOCIACION CULTURAL MARIÑEIRA "OS PATEXEIROS") — Sun, 26 Feb 2012 15:06:00 +0000

A pasada semán no curso de carpintaría colocaron a contra roda e o contra codaste na buceta. Como non poidemos ir ningún Patexeiro non se poido facer o resúmen do mesmo. Pero podedes ver o traballo nas fotos.

Esta semán os cursillistas adicáronse a facer e colocar os cintóns interiores da buceta.

Todos pasaron polas distintas fases do proceso e deixaron a súa "firma" nos cintóns.

Ó final da tarde, Moncho púxose a darlle o alcatrán ás últimas cadernas mentras vemos a Jorge, rematando un cintón na popa..

Palmeirán

PATEXEIROS FASHION WEEK (Antíguamente Pasarela Lorbé)

noreply@blogger.com (ASOCIACION CULTURAL MARIÑEIRA "OS PATEXEIROS") — Wed, 22 Feb 2012 16:37:00 +0000

Ainda que con un pouquiño de retraso xa temos aquí a nova colección Inverno 2012 da moda Patexeira. Cazadoras náuticas e camisetas polares a prezos anticrisis.

Este inverno vístete de moda, abrígate e colabora coa causa patexeira.

Podedes ver todo o merchandising na pestaña da TENDA PATEXEIRA

Palmeirán

Traballos na Desexada

noreply@blogger.com (ASOCIACION CULTURAL MARIÑEIRA "OS PATEXEIROS") — Sat, 18 Feb 2012 09:14:00 +0000

Este venres, antes de empezar a traballar na Balbina, ataquéille un pouco á Desexada, que tamén está varada para poñela a punto de cara á vindeira tempada.

Así que como fora facía algo de fresco, e logo ainda había que aguantar o nordés a bordo da Balbina, púxenme a rascar o enjaretado, a ver se son quén de deixalo madeira vista para tratalo con alcatrán e lasur, e que quede co mesmo aspecto que a cuberta do bote.

Pouco tempo estiven xa que chegou o compañeiro Pepe e indicaba que hai que ir traballar na Balbina, pero éste foi o aspecto no que deixei o traballo.

Palmeirán

Novas sobre o X Encontro no Faro de Vigo de onte

noreply@blogger.com (ASOCIACION CULTURAL MARIÑEIRA "OS PATEXEIROS") — Fri, 10 Feb 2012 10:01:00 +0000

O Faro de Vigo na súa edición do xoves 9 de febreiro, faise eco das accións que se están estudando no seno da FGCMF para protestar polo impago, por parte do Concello de Vilagarcia de Arousa, da débeda contraída no X Encontro, celebrado en Carril (Vilagarcía de Arousa), que ascende a maís de 20.000 euros.

Esta débeda pon en cuestión a celebración do XI Encontro de Embarcacións Tradicionais de Galicia que se tiña previsto para o vindeiro ano.

Podedes ver máis información sobre o tema na Páxina da FGCMF

Movemento

noreply@blogger.com (ASOCIACION CULTURAL MARIÑEIRA "OS PATEXEIROS") — Sun, 05 Feb 2012 21:03:00 +0000

Este fin de semán xuntámonos cinco Patexeiros en Sada para asentar a Desexada no carro e trasladala ó noso local de Lorbé para poñela a punto de cara á vindeira primavera.

É un barco moi pesado e fan falla homes para movelo.

Unha vez rematado o procedemento, pasamos polo famoso bar Pescador de Sada a darlle unha visita á Copa Balbina, que está alí exposta ata a vindeira edición, para disfrute diario do vencedor deste ano, o Patexeiro Jaime Paz, e para envidia dos aspirantes a gañar este prestixioso trofeo.

Nada máis chegar a Lorbé, chámanos Martiño que estaba parado co remolque porque o barco se deslizara un pouquiño e antes de que pasase algo, ainda que só faltaban 2 Kms, decideu parar para recolocalo. E alá nos fomos.

Sobre a unha e media estábamos xa en Lorbé co barco.

Agora espéralle un bó lavado, rascar a pintura, reparar unha pequena via de auga que tén e pintala toda para que volva a lucir coa sua impresionante estampa esta primavera.

Pola tarde unha nova xornada do Curso de carpintaría, que continua con bó ritmo.

Nas xornadas pasadas xa se fixeran as plantillas das seis cadernas restantes, as tres de proa e as tres de popa e o sábado pasado despezáronas todas.

Onte tocou ensamblar as tres da proa, repasalas co bastrén e cepillo, e asentalas xa no barco.

Os novos alumnos estiveron practicando coa mesa de elevacións para lle dar os "cartamóns" precisos en cada liña de augas. Logo ensamblaron as cadernas, mentres os alumnos que veñen xa doutros módulos anteriores as asentaban no armazón.

Antes de rematar a xornada démoslle unha imprimación de fondo protector.

Para a vindeira semán colocaránse as tres últimas da popa e xa empezaremos con algo novo, un paso máis na buceta.

Palmeirán

Fin de semán movido

noreply@blogger.com (ASOCIACION CULTURAL MARIÑEIRA "OS PATEXEIROS") — Mon, 16 Jan 2012 12:59:00 +0000

Este fin de semán tivemos varios eventos Patexeiros.

O venres pola tarde estiven no local del Lorbé pintando as cadernas que se colocarían o sábado no cursiño e preparando un pouco o local para a Asamblea anual dos Patexeiros.

O sábado pola mañán celebramos a nosa Asamblea anual ordinaria onde se aprobaron as actas anteriores, se informou ós socios do estado das contas, falamos das actividades desenvoltas no ano 2011 e tamén fixemos as propostas de actividades para este ano 2012, que se centrarán en ter a nosa flota a punto.

Tras debatir varios temas douse por finalizada e pasamos a degustar uns pinchos mentres esperábamos que por mar chegase a Copa Balbina dende Ares, a bordo do Osorio, o patrón e barco gañador da edición 2010, para facer a entrega da Copa e un trofeo acreditativo ó gañador do 2011, o Patexeiro, Jaime.

A Copa chegou por mar, como debe ser, dende Ares. Foto de José Antonio de Ares

Nestas fotos podedes ver como Pepe felicita e entrega a Copa Balbina ó novo gañador, Jaime

Por fin a Copa Balbina retorna a Sada tras dous anos consecutivos en máns de Pepe do Osorio. Agora botará ata a edición 2012 á vista de todos nun coñecido local de Sada.

Unha vez rematada a entrega do premio, fomos visitar a Balbina a bordo do Osorio volvendo ó pouco de novo ó porto de Lorbé, xa que ás 4 empezaba outro módulo máis do curso de Carpintaría, e despedíanse varios alumnos de módulos anteriores.

Como era o seu desexo, os alumnos de módulos anteriores, querían ver colocadas as cadernas que estiveron facendo ó longo de todos estes meses e alá fomos.

Empezou o mestre, Pepe, colocando a caderna mestra, ensinándonos como se facía, centrándoas, colocándoas nas marcas que tiñamos na quilla, e cravándoas provisionalmente cun só clavo para poder facer correccións posteriores.

Logo entre o resto dos alumnos se foron colocando, unha a unha todas as demáis.

Algunhas xa estaban tratadas co fondo e co tratamento final e secas, outras ainda estaban co tratamento fresco e outras ainda non recibiran a imprimación.

Incluso había unha caderna que estaba sen ensamblar e con ela se puxeron un par de alumnos.

Sobre as 7 da tarde xa tiñamos todas colocadas, se lles dou a imprimación ás que faltaban, e este era o aspecto que tiña o conxunto ensamblado.

Agora quedábanos o laborioso traballo de alinealas, aplomalas, escuadralas e coidar que todas estivesen coa mesma separación dos 21 cms que tiñamos como referencia.

E empezamos esto suxetándoas cuns barrotes que marcarían a fasquía á altura da linea de cuberta.

Mentres se facía todo o traballo de colocación de cadernas, etc..., os alumnos que se incorporaban a este módulo recibían as nocións básicas sobre afiado, asentado, ferramentas e materiales por parte do mestre David, e empezaban a facer prácticas sobre o aprendido.

Durante esta xornada casi todos estivemos ocupados con un ou outro traballo e se pudo rematar por completo o proceso de colocación das cadernas, quedando só agora sacar as plantillas das tres últimas cadernas de proa e das tres últimas de popa, as que se atopan mesmo encima do macizo.

Unha xornada moi productiva que se alongou case unha hora máis do remate oficial da clase debido ás ansias que tiñan os alumnos por rematar de colocalas todas.

Para a semán máis....

Palmeirán

Curso de Carpintaría de ribeira - Aberta inscrición

noreply@blogger.com (ASOCIACION CULTURAL MARIÑEIRA "OS PATEXEIROS") — Fri, 30 Dec 2011 12:42:00 +0000

Ábrese inscrición ata cubrir prazas vacantes para este vindeiro módulo de 50 horas do Curso de Carpintaría de ribeira.

- O cupo, será limitado a 15 asistentes. Actualmente xa hai 6 prazas cubertas por alumnos que continúan doutros módulos.
- As inscricións serán por riguroso orden de chegada ó noso correo patexeiros@hotmail.com
- Os cursos serán impartidos por carpinteiros de ribeira profesionais.
- Haberá unha pequena parte teórica e moita, pero moita práctica.
- Como obxectivo do curso, continuarase traballando nunha buceta do norte que se empezou en módulos anteriores partindo de plantillas.
- Traballaremos nunha lancha duns 8 metros colocando o forro e cuberta
- Facilitarase material de seguridade ós asistentes: gafas protectoras, guantes, batas.
- Entregarase a cada asistente material teórico en soporte dixital.
- As xornadas do curso desenrolaranse os sábados dende as 16:00 horas. Prégase puntualidade.
- En cada xornada haberá un pequeno descanso de 15 minutos para mollar a palleta.
- Ó finalizar os módulos daranse uns diplomas acreditativos ós asistentes.

PREZOS

                                          MÓDULO 50 HORAS
SOCIOS PATEXEIROS                      100    €
SOCIOS C.N.R.S. *                           120    €
NON SOCIOS.                                    150    €

O PAGO DA INSCRIPCIÓN REALIZARASE COMO MOI TARDE O MESMO DÍA DE COMENZO DO CURSO.

INSCRICIÓNS E INFORMACIÓN ADICIONAL A TRAVESO DO NOSO CORREO : patexeiros@hotmail.com

¡¡¡ QUEDA ABERTO O PRAZO DE INSCRICIÓN !!!

* Socios do Club Náutico Recreativo de Sada. Comprobarase a súa condición de socio.

OS PATEXEIROS CONSTRUIRÁN UNHA GOLETA DE DOUS PAUS

noreply@blogger.com (ASOCIACION CULTURAL MARIÑEIRA "OS PATEXEIROS") — Tue, 27 Dec 2011 23:09:00 +0000

Tras o barapau que supuxo que Portos de Galicia cancelase a construcción da goleta nun asteleiro galego por falta de presuposto, a carpintaría de ribeira en Galicia quedou doente.

Os Patexeiros, no seu afán de promover a cultura marítima e fomentar o oficio dos carpinteiros de ribeira, xa acreditado cos numerosos cursos de carpintaría de ribeira, que vimos desenvolvendo nos últimos anos, decidimos embarcarnos nun proxecto de embergadura.

Entramos en conversas cun amigo noso, enxeñeiro naval e deseñador, que nos fixo o deseño e o proxecto completo sen ter que desembolsar nin un so euro. A idea é construir unha goleta de 2 paus, de 25 metros de eslora e 6,5 de manga e casi 3 metros de calado, cunha fasquia similar á goleta América, que como sabedes foi a que dou nome á prestixiosa Copa América.

A goleta aparellará duas cangrexas con escandalosas, foque e trinqueta, e da confección das velas se encargará unha empresa galega. Levará un sistema novidoso para manobrar as escandalosas. Este sistema, totalmente mecánico e con engranaxes en madeira de guayacán, foi ideado por un dos cerebros da Asociación, e permitirá facer as manobras cun mínimo de tripulación.

Por suposto unha parte dos socios estaba en contra de levar ó cabo este proxecto, xa que algo así esixe un presuposto moi, pero que moi elevado, pero o ímpetu dun grupo de socios optimistas impúxose e aprobóuse levalo adiante sempre e cando se conseguira polo menos un 90% da súa financiación.

Despóis de presentar o proxecto en ducias de sitios, tanto oficiais como privados, por fin, unha empresa galega con presencia en máis de 70 países, accedeu a financiar case que a totalidade do proxecto, a cambio de que a goleta leve as súas velas estampadas co logo da empresa ou das marcas que son propiedade da empresa, durante un prazo de 15 anos.

Como sempre, saíron voces críticas decindo que eso sería moi “charramangueiro”, ou que era unha utilización mercantilista da Asociación, pero tras escoitar os argumentos de que o principal era defender á carpintaría de ribeira e que o proxecto xerase cartos no país, todos estiveron de acordo.

A goleta utilizarase para fins ecoloxistas, na preservación das artes de pesca tradicionais, a defensa do litoral costeiro, a conservación das especies mariñas, e loitará contra os vertidos clandestinos nas rías, entre outras funcións medioambientais.

Virá así a actuar a modo de outra famosa goleta, o Rainbow Warrior II.

A goleta tamén estará presente en todas as regatas da Copa Balbina de vela tradicional ainda que está previsto que non compita nela directamente, pero si se desputarán unha serie de desafíos a dous contra barcos cunha superficie vélica similar á da futura goleta, entre eles o Osorio, gañador de varias edicións da Copa Balbina.

O asteleiro no que se construirá ainda non está determinado pero tendo en conta a recente ampliación das instalacións, que fixo Pepe no Asteleiro de Lorbé, e a relación que o une cos Patexeiros, ó longo destes anos de realización dos cursos de carpintaría e das reparacións nos barcos da flota, posíblemente se lle adxudique finalmente a construcción, que comenzaría o vindeiro verán.

O que nos queda pendente neste momento é a elección do nome que lucirá a goleta. Un sector dos Patexeiros apoiaba o nome de Artabria, outro a quería chamar Balbina II, e outros nomes que soaron foron Esperanza, Marola, Ardentía, Lua de Lorbé. Como non houbo quorum, decidimos que se faría un concurso a traveso da web para que a xente vote o nome que levará a goleta

Non vos podemos mostrar os planos neste intre porque se están facendo unhas modificacións de última hora, pero si vos presentamos o que foi un dos primeiros bocetos do deseñador.

Estade atento á nosa páxina porque en pouco tempo teredes máis novidades sobre este proxecto.

Bo Nadal

noreply@blogger.com (ASOCIACION CULTURAL MARIÑEIRA "OS PATEXEIROS") — Wed, 21 Dec 2011 08:34:00 +0000

Os Patexeiros desexámosvos que pasedes un Bo Nadal e que naveguedes sempre con bo rumbo.

Curso de Carpintaría - Seguimos coas cadernas

noreply@blogger.com (ASOCIACION CULTURAL MARIÑEIRA "OS PATEXEIROS") — Sun, 18 Dec 2011 16:20:00 +0000

Onte sábado continuamos armando as cadernas restantes.

Fixemos varios grupos, uns cortaban as pezas que faltaban, outros estaban ensamblándoas a un lado do taboleiro mentres outro grupo empezaban a marcar outra caderna, outros remataban as que estaban ensambladas, todo o persoal ocupado.

Tamén aproveitamos para darlles unha imprimación de fondo de cara ó parón do Nadal.

Ó conxunto roda-quilla-codaste aplicámoslle unha man dunha mezcla ó 50% a base de alquitrán vexetal e un lasur cor roble. A ver se conseguimos, ademáis de protexela, que a madeira non se retorza.

As cadernas levan o mesmo tratamento.

Como era o último día antes das vacacións de Nadal, aproveitamos para facer un brindis pola carpintaría de ribeira e meter uns polvoróns no corpo.

Por outra banda, a lancha de Pepe xa ten colocado o trancanil, en iroko. Está quedando moi bonita.

Palmeirán

CONFLICTO FGCMF - CONCELLO DE VILAGARCIA

noreply@blogger.com (ASOCIACION CULTURAL MARIÑEIRA "OS PATEXEIROS") — Wed, 14 Dec 2011 11:50:00 +0000

Xa sabedes que sempre procuramos non solapar as novas no blogue, intentando que permanezan polo menos unha semán en primeira páxina, pero neste caso, a petición da Federación Galega pola Cultura Marítima e Fluvial, da que tamén somos membros, publicamos estas novas sobre o conflicto que hai entre a Federación e o Concello de Vilagarcía dende que éste último se negou a facerse cargo da débeda contraída ca Federación dende o pasado Encontro de Embarcacións Tradicionais de Galicia celebrado en Carril - Vilagarcía este verán.

Enviamonsvos as declaracións do Alcalde de Vilagarcía na Voz e en Diario de Arousa relacionadas coa débeda que o Concello ten co X Encontro

http://www.lavozdegalicia.es/arousa/2011/12/13/0003_201112A13C5994.htm

El Concello no asumirá el déficit de los Encontros Tradicionais de Carril (Diario de Arousa 13-12-2011)
Redacción > Vilagarcía El alcalde, Tomás Fole, dejó claro ayer que el Concello de Vilagarcía no está dispuesto a asumir el déficit de los Encontros Tradicionais de Carril, que mantiene abierto un conflicto entre la administración local y la Federación Galega de Cultura Marítima e Fluvial, cuyos representantes apelan a un acuerdo verbal con exconcejales para reclamar el pago de 21.000 euros.
El regidor local recordó ayer que el evento contó con organizadores, colaboradores y patrocinadores y discrepó, por tanto, en que tenga que ser únicamente el Concello de Vilagarcía el que asuma el déficit de la organización de estos encuentros. En cuanto a las críticas vertidas desde la Federación en referencia a la escasa colaboración de la administración local con el evento, Tomás Fole puntualizó que recurrieron a todos los departamentos para conocer el alcance del apoyo prestado por el anterior gobierno local y que ya le enviaron una lista con los datos recabados. En este sentido, Fole destacó las dos subvenciones de 20.000 y 70.000 euros que Ravella entregó a Rompetimóns, un colectivo implicado también en estos Encontros para la construcción de una goleta. El alcalde incidió en que si no se hubiesen entregado esas cantidades para un barco que “finalmente no pudo ir al mar”, el Concello tendría “otra disponibilidad de fondos”. A la lista de colaboraciones añadió los 6.000 euros que se gastaron en la edición de un disco presentado en Vilaxoán en el marco de este encuentro. Con estas cifras, el regidor local quiso “que las cosas queden claras”.
Al respecto de este escrito del Concello, Fole ya conocía la respuesta de la Federación y es que desde el colectivo ya mostraron su desacuerdo. El alcalde está dispuesto a “llegar a entendimiento” pero aclaró que “es difícil asumir ese déficit”.

Para ter máis información sobre este conflicto, e ver os antecedentes, vos invitamos a que entredes na páxina da FGCMF donde se dá conta disto, e dónde podedes ver os documentos orixinais que remitiron tanto o Concello de Vilagarcía, como a resposta da Federación ó citado escrito.

Xulguen vostedes, avispados lectores, á vista do que se dí nos mesmos.

O alcalde de Vilagarcía inaugurando o X Encontro - Carril-2011. Foto de Olga do Blog da A.C.D. Dorna

Dende as filas Patexeiras esperamos que ainda quede algo de "sentidiño" neste mundo e se solucione este problema de boas maneiras canto antes, xa que senón está en perigo a celebración de vindeiros Encontros de embarcacións tradicionais de Galicia.