II Festa da botadura - Día das Letras Galegas 2015
![Imaxe](https://blogger.googleusercontent.com/img/b/R29vZ2xl/AVvXsEhFVGilWqwkS0TlBxB5msCYoTiSGRcAVCeVYYqXvDW2bmsvYQXpwUst9_k3E-8yi8sF_veWHLhOatOlTUx8CCy0KoL7g69RzXF7PA5Bmx8jW7FQ6EbcRmvOxF4QbIRb50gc35EHUzELYX-0/s400/Cartaz+II+Festa+da+botadura.jpg)
Onte, domingo, día 17 de maio, fixemos a nosa particular celebración do Día das Letras Galegas botando os barcos ó mar e dando por empezada a tempada de navegación. Ó longo das pasadas semáns estivemos apurando os traballos para ter os barcos listos nesta data. O sábado xa levábamos para Sada as dúas dornas, A Feituca e a Boaventura. E o domingo tocóulle a quenda á Leliadoura, que se unían así a Arredemo e Desexada que xa se atopaban en Sada. A ritmo de música do acordeón do compañeiro Lucas, estivemos rematando a preparación para botalos ó mar. Aliñados todos na rampa, e a ritmo da pandeireta de Eva, que nos deleitou cunhas muiñeiras, empezaron a ir os barcos ó mar. O primeiro que tocou o mar, foi o bote das Rías Altas, Arredemo, que chegou ó fondeo xusto para afundir para inchar. Siguéulle a dorna A Feituca que como vedes nas fotos, quedou coma nova despóis dos traballos de lixado, pintado e reparación que fixo Pablo nela. Tocóulle o turno