luns, 18 de maio de 2015

II Festa da botadura - Día das Letras Galegas 2015

Onte, domingo, día 17 de maio, fixemos a nosa particular celebración do Día das Letras Galegas botando os barcos ó mar e dando por empezada a tempada de navegación.


Ó longo das pasadas semáns estivemos apurando os traballos para ter os barcos listos nesta data.


O sábado xa levábamos para Sada as dúas dornas, A Feituca e a Boaventura.


 E o domingo tocóulle a quenda á Leliadoura, que se unían así a Arredemo e Desexada que xa se atopaban en Sada.


A ritmo de música do acordeón do compañeiro Lucas, estivemos rematando a preparación para botalos ó mar.

Aliñados todos na rampa, e a ritmo da pandeireta de Eva, que nos deleitou cunhas muiñeiras, empezaron a ir os barcos ó mar.




O primeiro que tocou o mar, foi o bote das Rías Altas, Arredemo, que chegou ó fondeo xusto para afundir para inchar.


Siguéulle a dorna A Feituca que como vedes nas fotos, quedou coma nova despóis dos traballos de lixado, pintado e reparación que fixo Pablo nela.



Tocóulle o turno á dorna Boaventura que volveu a cambiar a cor da patente este ano e aparecía ca roda reforzada, unha caverna e un cavernón novos, así como varias táboas do plan e as tapas da cadeira.


Pouco despóis era A Desexada, ese fermoso bote de media construcción, que Moncho, o seu patrón, estivo arranxando e pintando estes últimos días.


Por último botamos a Leliadoura, que despóis de estar varios días ó sol, estaba aberta como unha ameixa en seco, e ainda que intentábamos chegar ó fondeo a remos, nada máis embarcar nela empezou a entrar tal cantidade de auga que nos foi imposible sair da rampa, con moito pesar dos tres tripulantes que tiñamos mono de mar e tivemos que quedar en terra.


Logo foi remolcada pola dorna Boaventura ata o seu fondeo. Pasará inchando varios días.


Unha vez rematada a botadura, tivemos unha pinchada para socios e amigos a base de empanadas, tortillas, queixo de Arzúa, chourizos e larpeira.


Coma sempre contamos coa presenza dos amigos do C.M. de Perbes, e do vicepresidente da Federación, ó que sempre lle agradecemos a súa presenza.


Eva siguéunos ofrecendo mostras do seu dominio da pandeireta, e incluso lle estivo dando unhas pequenas leccións ós/ás interesados/as.


Agora, a aparellalas e a navegar!!!!!

mércores, 6 de maio de 2015

Rematou a 5ª Edición do Curso de Carpintaría de ribeira

Todo o bó se acaba. Iso pensan  os  18 alumnos desta 5ª Edición do Curso de carpintaría de ribeira e mantemento de embarcacións tradicionais.


O pasado sábado levamos adiante a última xornada do curso.

Nesta ocasión tocóulles meter un quillote á buceta Leliadoura, construída nas edicións anteriores.


Estiveron preparando as pezas, que se uniron a medio raio de xúpiter.


Logo fixeron varios furados para meter uns tornillos pasantes ata a sobrequilla e fixar o quillote.


Tiveron que avellanar tamén para que a cabeza dos tornillos quedara aloxada dentro do quillote.


Remataron cedo, e levaron o barco para o taller patexeiro onde se rematará para botala ó mar dentro dunhas semáns, con motivo da festa da botadura.


O mestre agasallóunos cunha tremenda merendola.


A impresión xeral é que todas as partes quedaron moi contentas desta edición. Tanto os alumnos, como o mestre e como non os organizadores, Os Patexeiros.

Temos que destacar o grande interese que notamos en todos os alumnos desta edición. A grande acollida que tuvo entre eles este curso, o activos que estiveron en todo momento e o ben que fixeron un traballo que moitos só coñecían polos libros.

Queremos dar as grazas a todos por participar nesta 5ª Edición, e esperamos vervos a algúns de vós na vindeira edición, para a que buscaremos algún novo proxecto interesante no que traballar.


Por suposto, darlles tamén as grazas ós mestres David e como non a Pepe, o noso anfitrión, que colaborou coma nunca para que esta edición fose un éxito e a toda a empresa Carpintaría Lorbé por acollernos un ano máis.

Que non se perda este bonito oficio.

Viva a carpintaría de ribeira!!!!!. Carpintaría de ribeira viva!!!!!!!
A miña foto
Asociacion cultural en defensa da conservación do patrimonio marítimo, o litoral e a cultura mariñeira. Contacta con nós no CORREO: ospatexeiros@gmail.com ou infórmate na nosa web: www.patexeiros.org