mércores, 26 de xullo de 2017

Segunda regata da IX Copa Balbina


mércores, 12 de xullo de 2017

V Xuntanza Patexeira de Embarcacións Tradicionais

Esta fin de semán en Sada, levaremos adiante a nosa V Xuntanza de Embarcacións Tradicionais.
Contaremos coa colaboración da Concellería de Cultura do Concello de Sada, Marina Sada e o CNRS.



Éste é o programa da V Xuntanza:


Todos os barcos que teñan pensado asistir, por favor que nos avisen por mail a patexeiros@hotmail.com ou ben a traveso do noso facebook e nos comuniquen a eslora do barco para terlles un sitio no pantalán de Marina Sada, colaborador do evento.

E para empezar a abrir boca, o venres estaremos na presentación do novo libro de Xurxo Lobato, Vento nas velas, na Casa do Concello de Sada, o venres 14 ás 20:30 horas.


Acudide !!!!

Palmeirán

luns, 10 de xullo de 2017

Regata Porto de Redes 2017



Sobre as once da mañá, as duas tripulacións de A Desexada e do Canouro dábanse cita na rampa de Sada (lugar habitual de fondeo da flota patexeira).


Como somos xente de costumes, costumes que convertimos en tradicións, e non hai que perdelas, ás doce comenzaban a chegar á cita os tripulantes.

 No Canouro Pepe e Jaime e na Desexada, unha nova tripulación formada polo Feituco e familia, Lidia e os dous cativos, Noa e Xoel.


A xornada presentabase coma un dez para practicar a navegación. Un vento constante, o mar prácticamente un prato, pero non de sopa.. se non dos modernos, totalmente plano. O único inconvinte era a compoñente Norte, e ese era o rumbo que debíamos tomar.

Saíron as dúas naves a bo ritmo, pero con rumbo inconstante. Contínuas viradas que facían a navegación tan fermosa como improductiva.

Pouco avanzaban e casi corenta e cinco minutos despois ainda estaban a sobrepasar o porto de Sada.

Como somos mariñeiros de pro, sabíamos que o mellor rumbo era achegarse todo o posible ó polígono bateeiro de Carnoedo para así intentar un través que nos levara directos á boca de entrada da Ria de Pontedeume.

Non foi boa idea.

A Desexada iba seguida polo Canouro (todo hai que decilo, o Canouro navegaba perseguindo á Desexada como o pai que ve evolucionar ó seu fillo na bicicleta e non se alonxa por medo a que perda o equilibrio ou os dentes…)

A desexada entrou no polígono de bateas co vento de cara e pouco espazo para as manobras. O resultado foi perder moito mar gañado e verse obrigada a cruzar a ría para recuperar o perdido.

O canouro entendeu que xa eran grandiños e virou antes. Ainda así a navegación resultaba moi agradable, o sol brilaba e o vento xogaba a rolar sempre, para desesperación do Feituco, contra a dirección que decidía o patrón.


Foron catro horas de navegación ata que as dúas embarcacións se atopaban entrando na boca da ría de Pontedeume. Eran as catro da tarde e a regata comenzaba teóricamente as cinco.

A Desexada decidiu baixar vela e arrincar o motor. Había urxencias, unha chegar a tempo á regata, e a máis importante… xa non se atopaba no medio da ría, onde un ten a privacidade necesaría para facer certas necesidades físicas.

Media hora despóis a Desexada chegaba a Redes, mentres os mestres, Pepe e Jaime, seguían loitando contra o vento.

En Redes, a tripulación da Desexada falou co barqueiro da regata e pedíu amarre e que os levaran a terra.


Debido, imos a ser bos…, a un malentendido, ó final a Desexada tiña que ir a atracar ó porto tras máis de media hora de espera. Este feito, fixo que a súa participación na regata non pudiera ser posible. ¡Disfrutouse da regata a golpe de Estrela Galicia nas terrazas do porto.


O Canouro participaba na regata con dous tripulantes máis que esperaban en Redes, o socio Ángel Guisano e unha amiga patexeira de Santiago, obtendo un “PON AQUÍ EL PUESTO!” moi merecido.


O vento empezou a crecer e o Feituco, decidiu voltar para Sada, dado que a predicción eran ventos moi fortes cara a ultima hora da tarde-noite.

Alí, diante do mirador de Redes, demostraron do que unha boa racha pode facerlle a unha embarcación. Ó izar o foque, unha racha viraba o barco e o atravesaba ensinando a quilla ó respetable!


Recuperado o control, e digámolo tamén, a respiración, puxeron rumbo a Sada cun vento bastante forte de empopada.

Apunte para aprender: Se volveu co trapo enteiro, foque e cangrexa.

Nestes casos o millor e aproar o barco e, ou baixar a cangrexa ou polo menos rizala. O barco corre o mesmo, e a navegación faise moito mais levadeira e relaxada.

A Navegación foi rápida nun mar que co vento animóuse e estivo zarandeando á nova tripulación durante corenta minutos ata chegar ó porto.

Jaime e Pepe disfrutaron da hospitalidade da xente de Redes, onde tra-la regata, invitaron ás tripulacións a cear e beber un pouco para quentar o corpo cara a volta.

Xa ben entrada a noite, o Canouro poñia rumbo a Sada, navegando á luz da Lúa… Segúramente houbo verbas románticas nesa singladura… pero esa xa e outra historia…

by O Feituco.

 Fotos de (Ángel Guisano, Jaime e Feituco)

xoves, 6 de xullo de 2017

XIII Encontro de Embarcacións Tradicionais de Galicia - Combarro 2017

Cos preparativos de última hora e tamén cos problemas coma sempre, pero ahí estábamos, listos para baixar a Combarro.

O mércores pola tardiña, alí estábamos en Sada, cargando A Desexada e a Rabuda nos remolques.


A Desexada saleu esa mesma tarde para Combarro. Alí chegamos Naveira e un servidor sobre as dez e media da noite. E nada máis chegar xa asaltamos a Xaquín Fabeiro, o presidente de A Reiboa, o clube organizador do evento.

- A ver rapás, onde metemos este barco????

Coma sempre, tan disposto, empezou a desenfundar de móbil ....

- "Rober, vente para aquí"!!!

... e en poucos minutos xa tiñamos catro homes da organización á nosa disposición. Levamos o remolque para o muelle onde á mañán seguinte xa se encargaría unha parte da expedición en aparellalo.

Esa parte da expedición, formada por Rosa, Pepe, Lucas e Caro xa se atopaba a esas horas dando conta dunha boa cea nun dos restaurantes do porto de Combarro.

Os transportistas fixemos entrega das chaves da Desexada ó presidente e despóis de cear, alá voltamos para Lorbé, onde Naveira deixara a moto. Chegamos ás 2:20 da mañán. Algún tíñase que levantar ás 5 para ir a traballar.


O xoves pola mañán pasei por Lorbé a rematar a preparación do remolque de dornas, onde iba a viaxar A Feituca na mañán do venres, e sobre as 4 da tarde tirei para Palmeira, recoller á patexeira máis dicharacheira, Eva e puxemos rumbo a Combarro.

A Rabuda saíra pola mañán cedo para Combarro. Ramón, o patrón, co remolque e os tripulantes, José Manuel e Javi Aguado cada un no seu coche. Non é que os patexeiros vaiamos sobrados de pasta para o combustible, é que cada un logo se iría un día distinto



Ó chegar, tras contactar con parte da expedición patexeira que xa se atopaba minguando o abastecemento de cervexa dos bares de Combarro, dirixímonos a montar a tenda ó campamento.


Despóis de dar unhas cantas voltas por fin o atopamos (nota para a organización de futuros eventos: "Poñede os carteliños un pouco máis grandes, oh!!!!"

Alí só estaba a tenda do compañeiro Aguado e dous coches, pensamos que nos trabucáramos de sitio pero xa atopamos ós amigos da R.E.I. Cofradía da Dorna, que durmirían no pabillón,  así que non había fallo, alí era. Montamos a tenda e así como montamos tamén chegou o amigo Xaime de Lajareu por Barlovento, igualmente extrañado polas poucas tendas.


Chegaba a hora de cear, así que a disfrutar da estupenda comida que nos preparan sempre eses fabulosos cociñeiros de Ferrol.

E despóis concerto con Champurrada e Agoraphobia. Festa !!!!!

O venres, pola mañán primeira sesión de navegación, alá nos fomos  a Rabuda e A Desexada a lucir palmito ó lado de barcos tan fermosos coma o Ave de Paso, Bote de pau, RH1, Enxebre, a dorna Nai, a Jalerna, o Joaquín Vieta, a flota vasca, a dorna Sara, a Lavanqueira, o racú Oleira, e tantos e tantos outros barcos que acudimos a esta cita bienal.

De novo volvemos a agobiar a Xaquín Fabeiro:

- "Xaquín, que na zona de acampada so temos un baño para xxx persoas".
- Tranquilos que xa aviso a Rober!!!!

Pola tarde, nova navegación. Debido ás previsións de vento só aconsellaron ir ós barcos grandes, pero na Desexada dixemos:

- E nós que somos, grandes ou pequenos??????

E alá puxemos proa a Raxó coma os barcos "grandes".

Algunha rachiña de vento facía que tiveramos que adrizar o barco de cando en vez colgándonos pola borda pero pouco máis.

A Jalerna rompeu a verga e un home á auga. Nada máis que unha molladura, e ademáis foi o presidente da R.E.I. Cofradía da Dorna, así que xa se mollou representando á Asociación.

Despóis de probar unha boa cervexa artesán á que nos convidaron, de volta para Combarro.

Xa chegara A Feituca e a súa tripulación.

A cear, e de novo, festa con Caxade e o Sonoro Maxín.

Cando chegamos á zona de acampada, rematados os concertos xa tiñamos á nosa disposición todos os vestiarios e baños do campo de fútbol, e cunha limpeza impecable.

Bravo pola organización!!!!

O sábado, patexeiros que tiñan que marchar por compromisos, como José Manuel, que pouco pudo navegar neste Encontro, e patexeiros que seguían vindo para Combarro.

Nova navegación pola mañán e nesta ocasión paseándonos dende Tambo a Combarro.

Na Rabuda, Aguado e Ramón, na Desexada Naveira e Dolores á caña, Eva á driza do foque,  Martín, Regina e Jaime facendo banda e eu á escota do foque.

Xantar e volta a navegar pola tarde.

Cambiamos algo as tripulacións e Dolores pasou á Rabuda, Rosana embarcou na Desexada e ás dúas horas A Desexada cambióu de tripulación co presi Lucas á caña.  Éstes movementos son imprescindibles para que poidan navegar todos

Pepe e Martiño embarcados na buceta Concita dos amigos da Coruña.



O sábado foi un abarrote completo na carpa tanto á hora das comidas como das ceas, é o día estrela do Encontro.

Ata nos dou tempo a asistir ás presentacións dos libros de Xurxo Lobato o venres e de Xosé Iglesias o sábado. Alí estivemos os Patexeiros apoiándoos.


Pola noite, actuación do Orfeón do Berbés e de Susana Seivane.

Moitas relacións con outras asociacións (de Euskadi, de Portugal, de Galiza, de ........), conversas ata altas horas, ata tan altas que as conversas xa se facían inintelixibles. Xa pensábamos en botar mán de traductores.

O domingo, un día estupendo. Navegación volta á Illa de Tambo.

A Rabuda xa non saeu porque quería aproveitar a maréa para subila, saímos A Desexada e A Feituca, xunto co Capricho de Brais, un patexeiro de adopción.

Empezou ben e rematou sen vento, co que tivemos que tirar de motor para non chegar tarde á comida.

Martín e Noa lucíronse patroneando A Feituca, dentro de pouco sacaranlle a cana a Pablo. Chega petando forte o relevo xeracional.

Cando chegamos xa estaban entregando os premios ós distintos colectivos.

Preguntamos onde podíamos subir o barco ó remolque. O servizo de grua non estaba operativo por ser domingo e a maréa tampouco se aliaba con nós, pois unha das rampas queda cortada (non morre a 0) e ó baixar a maréa xa non podes cargar o barco (cousas dos enxeñeiros diseñadores que deben ser de Madrí e non saben o que son as maréas en Galiza), e a outra estaba sen calado para chegar co barco a ela.

A Feituca como é máis pequena consigueu acceder a unha das rampas e pudo subir ó remolque.

Ca Desexada estivemos esperando ata as 11 da noite a que a marea nos permitira cargar o barco no remolque. Outros tiveron que cargalo o domingo pola mañán tendo que renunciar á navegación dese día.

Unha pequeniña crítica, ou se organiza navegación o domingo pola mañán e se poñen medios a disposición para cargar os barcos en calqueira condición ou haberá que parar cas actividades de navegación o día antes.

So pequeniña a crítica, porque a nós ainda nos sirveu para pasar unha estupenda tarde navegando, ainda que fora a motor (xa desmontáramos a vela) ata Marín, tomar unhas Cucacolas e voltar pasando por Tambo.


Agustín, ou mellor díto a nosa Agustipedia, ilustrábanos sobre a Escola Naval Militar e sobre estaleiros e muelles da contorna.

Para nós, o mellor día de navegación, as risas non pararon en toda a travesía.


Ó longo dos 4 días deste XIII Encontro contabilizamos ata 28 patexeiros que baixamos ata Combarro, unha expedición multitudinaria.



E casi navegamos todos, xa que fomos rotando as tripulacións nos tres barcos que desplazamos ata esa festa do mar.













Parabéns á organización, que sempre estivo atenta e solucionaron todos os problemas que iban surxindo, parabéns @s rapac@s voluntari@s que tan ben nos atenderon eses días, ós cociñeiros que nos deron tan ben de comer, e a todos os colectivos que contribuíron a facer unha verdadeira festa do mar deste XIII Encontro.

E tamén, moitos parabéns a todos os patexeiros que contribuímos a facer grande esta festa do mar que é un Encontro.
Foto do domingo á tarde esperando pola maréa para cargar a Desexada

Este ano botamos en falta a moitos amigos de outros países (Croacia, Irlanda, Escocia, Francia, etc..) supoñemos que é un gran esforzo chegar ata aquí.

Vémonos no XIV Encontro en ......................................................!!!!

Palmeirán

A miña foto
Asociacion cultural en defensa da conservación do patrimonio marítimo, o litoral e a cultura mariñeira. Contacta con nós no CORREO: patexeiros@hotmail.com ou ben no noso FORO: http://patexeiros.foroactivo.com