5ª e última regata da IX Copa Balbina - Entrega de trofeos

Mentras uns compañeiros facían demostración de carpintaría de ribeira en Pastoriza - Arteixo, outros desfrutábamos como ananos na última regata da IX Copa Balbina de embarcacións tradicionais a vela, que tivo lugar, como é habitual, frente á praia de Sada.

Nesta ocasión foron oito as embarcacións que se deron cita ás cinco da tarde na liña de saída desta última regata. Dúas de Ares (Osorio e Capricho), unha de Perbes (Albatros) e cinco da flota patexeira (A Desexada, Canouro, Leliadoura, Halina a Meracha e Rabuda)

A regata prometía pois esperábamos un verdadeiro desafío entre Albatros e Canouro rifando pola Copa. O Canouro iba primeiro na xeral pero ainda tiña que facer un descarte, e se non quedaba nos primeiros postos, a Copa podía pasar a máns da Albatros.

Cun ventiño frouxo do Oeste que rolaba de cando en vez tomamos a saída. Albatros, A Desexada e Canouro tomábamos as primeiras posicións.

O Canouro en seguida nos adiantou ós da Desexada, nesta ocasión con Carballeira á caña, Fernando á escota da maior, Luisjo de táctico e cas escotas do foque e eu ás escotas do foque e ca cámara para inmortalizar o evento. Todos traballando.

Na segunda boia Osorio cazóunos. Albatros distanciábase moito.

Nesto, que nos damos conta de que a boia amarela de saída, a cal tiñamos que virar a continuación marchara de singladura sen pedirnos permiso e estaba casi na praia. Advirtéuselle ás embarcacións de tal incidencia e os que non a atoparan tiñan orden de virar na lancha do comité. Pero cando A Desexada iba a rematar a primeira volta, a boia sorprendentemente achegóuse á lancha do xuiz de regata, casi á mesma posición onde estaba ó dar a saída , co que aproveitamos para deixala por babor como estaba previsto, e os demáis fixeron o mesmo. Conclusión: Alguén lle puxera un control remoto á boia.

Por detrás viñan Capricho, Leliadoura, Halina a Meracha e a Rabuda, hoxe con algún que outro problema, xa que acostuma a andar polas primeiras posicións.

Na segunda volta da primeira manga, o vento empezou a baixar e Albatros empezou a doblar a algúns barcos.

A manga rematou con Albatros de primeira, Canouro, Osorio, A Desexada cuarta e a continuación o Capricho de Brais, Leliadoura, Meracha, e sorprendentemente a Rabuda en última posición.

Algo debía pasar na Rabuda pois rematada a primeira manga tomou rumbo ó fondeo.

Debido ó pouco vento e unha vez consultadas as embarcacións, decidéuse facer a segunda manga a só unha volta.

Jaime, como bó anfitrión que é, non quería que María, a Concelleira de Cultura, tivera que esperar moito por nós para entregar os trofeos

Nada máis entrar o último barco dóuse aviso de reunión e ós 5 minutos regulamentarios , o xuiz, Vicente, baixou a bandeira amarela que indicaba a saída.

Ó darse a saída, os barcos de cangrexa estábamos todos un pouco lonxe e os pequenos aproveitaron para sair de primeiros.

Con pouco vento, as diferencias entre os barcos eran mínimas e chegamos á primeira boia todos pegados facendo interiores uns a outros, co Capricho colándose na segunda praza momentáneamente seguido de Canouro, A Desexada, Meracha, Osorio e Leliadoura.

Na segunda boia Albatros xa empezou a distanciarse, Canouro tamén empezou a abrir a ventaxa seguido de Osorio e moi pegado A Desexada.

Luisjo dába ordes contínuamente e Carballeira á caña obedecía ó instante. Bueno, ... ás veces!!!!

A segunda manga rematou con Albatros primeira, seguida de Canouro, terceiro foi Osorio, cuarta de novo A Desexada. En quinto lugar entrou a Meracha patroneada por Pablo e con Aguado de proel.
Sexto foi O Capricho e a sétima praza foi para a Leliadoura.

Rematadas as dúas mangas, recollemos as boias e dirixímonos a amarres e fondeos.

Despóis de sumar os puntos desta regata, e facer os descartes pertinentes (so o tiña que facer o Canouro, pois participou e puntuou en todas as regatas), a clasificación xeral final quedou da seguinte maneira:

CLASIFICACIÓN XERAL
BARCO	PUNTOS	TRAS DESCARTES
CANOURO	119	108
ALBATROS	100	100
A DESEXADA	89	89
RABUDA	73	73
LELIADOURA	61	61
ABUR	59	59
OSORIO	51	51
CAPRICHO	37	37
HALINA A MERACHA	37	37
A FEITUCA	33	33
BOAVENTURA	32	32tri
TREBÓN	29	29
ARXIL	20	20
ARREDEMO	9	9
MARÍA XESÚS	5	5
PUNTA PRAGUEIRA	5	5

Na entrega dos premios, María Pardo fixo entrega do trofeo do obradoiro Regal Cerámica á tripulación de A Desexada pola súa terceira praza. Recollendo o trofeo Luisjo, Carballeira e José o palmeirán.

Gustaríame deixar constancia aquí de que este trofeo de A Desexada é como a lotería de nadal (que por certo xa a temos á vosa disposición), moi repartido. Este barco participou na Copa Balbina facendo varias rotacións da tripulación. Así que este premio vai para Javi Naveira (patrón titular), Pablo Morán, Luisjo, Xose Carballeira, Fernando Vázquez, Ángel Guisano e esposa, José Manuel, Bruno e o seu colega, Rosana, Eva, e José o Palmeirán.

O segundo premio, un trofeo realizado polo Obradoiro Mar Barral, recolléuno de máns da Concelleira, Marta a armadora da Albatros e Anuska (tripulante).

E o trofeo para os gañadores, un fermoso barco de vela latina de Sargadelos recollérono Pepe, Jaime e Cármen do bote Canouro.

Tamén fixemos entrega dun trofeo ó barco que máis probas da Copa Balbina asisteu, que recaeu de novo no Canouro que non se perdeu nin unha sóa cita, nin das regatas nin das puntuables por asistencia. O premio, unha fermosa buguina de Sargadelos.

E a tan esperada entrega da Copa Balbina, que nesta ocasión volve a quedar en Sada. A Copa foi entregada pola tripulación da Albatros pasando así o relevo ó Canouro.

Pinchada a base de lacón asado, tortillas, empanadas e patacas fritas.

Para o ano máis e mellor, e a ver se con máis barcos.

Por Palmeirán

Os Patexeiros na Romaría de San Miguel na Pastoriza - Arteixo

Invitados polo Concello de Arteixo, Os Patexeiros estivemos presentes, onte sábado,  na Romaría de San Miguel, en Pastoriza xunto con outros artesáns que facían demostración dos seus traballos.

 Ata alí desplazamos o Arredemo.

O Arredemo é un bote polbeiro das Rías Altas, que xa ten un longo curriculum ás súas espaldas, pois este bote xa participou no Festival Marítimo de Brest no ano 2008 representando a Sada. Tamén estivo presente nos Encontros de Embarcacións Tradicionais de Galicia de Muros (2009) e Carril (2011).

Navegou polas Rías de Ares-Sada-Betanzos, Arousa, e Muros-Noia, sempre lucindo as súas cores beige e granas.

Este ano cambiou de armador, por suposto tamén Patexeiro, que decideu cambiarlle as cores por outras máis ó estilo portugués, como lle din todos os que o vén.

Ó chegar á praza do santuario de Pastoriza déronnos a benvida varios responsables do Concello, e instalamos o posto e o barco.

Despóis de descargar o barco, os transportistas voltamos por onde viñemos pois tiñamos pola tarde outro gran evento Patexeiro en Sada.

Alá se quedou o noso presidente Lucas, que tivo que sacrificar a súa participación na última regata da Copa Balbina por cumprir cos veciños de Arteixo e representar á Asociación. Tamén o acompañou o amigo Serxo que lle botou unha man, ante a falta do noso carpinteiro titular Javi Naveira que non pudo acudir por motivos de traballo.

Pola tarde chegarían reforzos das máns do noso vicepresidente Pablo Morán.

Tiveron a sorte de estar amenizados pola música dos grandes Brath e dos estupendos Dequenvessendo. E tendo en conta o que lles gusta a música ós nosos patexeiros, abofé que non o pasaron mal.

Estiveron botándolle unhas pezas da cuberta ó Arredemo que vai alistoada con piñeiro e xatoba.

Queremos agradecer á Concelleira Patricia Amado, e a María Rozamontes do Concello de Arteixo a invitación a este evento , e tamén especialmente ós amigos de Protección Civil de Arteixo que nos axudaron a cargar o barco no remolque e nolo gardaron nas instalacións ata o día seguinte. Moitísimas grazas!!!!!!