1ª Regata da Copa Balbina 2017

O sábado 24 de xullo, xusto despóis dunha noite longa de San Xoán, tivo lugar, coma sempre, nas augas de Sada, a primeira regata da IX Edición da Copa Balbina de Embarcacións Tradicionais a vela.

Un total de 8 barcos se xuntaron a iso das cinco da tarde para dar a saída.

Na primeira manga, a Leliadoura chegou tarde por ter que achicar o barco e ó chegar ó campo de regatas non sabían como era o percorrido, co que o implacable xuiz Jaime marcóunos cun DNS.

O Abur de Paco mantívose intratable, seguido do Canouro de Pepe e a Boaventura, patroneada nesta ocasión polo presi  Lucas.

Cuarta foi a Rabuda, de Ramón, que fixo moi bo papel, vista a calidade dos contrincantes.

Quinta chegou A Feituca de Pablo, co seu semper fidelis proel Pepelu.

Sexto o Arredemo tripulado por Javi Aguado, Hugo e o novo socio Pablo Astray que foi probar as sensacións da Copa Balbina.

A Desexada patroneada nesta ocasión por Ángel Guisano e con Naveira de proel, marcóuse un DNF ó non pasar pola boia de chegada.

Na segunda manga as cinco primeiras posicións mantivéronse igual que na primeira manga.

O sexto posto foi nesta manga para A Desexada.

Sétima foi a Leliadoura con José Manuel e Dolores.

E na oitava posición quedou o Arredemo, un barco que sempre empeza mal na Copa pero logo vai remontando.
 

A clasificación xeral despóis desta primeira proba queda como sigue:

CLASIFICACIÓN XERAL
BARCO	PUNTOS	TRAS DESCARTES
ABUR	21
CANOURO	19
BOAVENTURA	17
RABUDA	15
A FEITUCA	13
ARREDEMO	9
A DESEXADA	8
LELIADOURA	7

 Un estupendo día de regatas na bahía de Sada, cunha participación de barcos máis que aceptable para tratarse da primeira regata da tempada.

Botóuse de menos á dorna Albatros, xa que algúns dos tripulantes atopábanse facendo unha singladura ata Leixoes nunha goleta.

Tamén faltou Jose Corbalán que tivo un problema co Arxil vindo para a regata e volcou. Afortunadamente só foi un susto.

Os Torrente, neto e avó tampouco acudiron nesta ocasión á regata, pero teñen moito que decir na Copa, sobre todo Brais co seu "Capricho".

Agora a preparar os barcos para Combarro.

o Palmeirán

San Xoán Patexeiro

Outro ano máis, e xa van ..... , en colaboración cos nosos amigos e socios loxísticos do C.N.R.S. celebramos unha estupenda noite de San Xoan.

O San Xoan Patexeiro, como nós o denominamos é unha pequena festa para conmemorar a noite máis curta do ano, cos socios e amigos arredor dunha boa fogueira.

Este ano a participación de Patexeiros foi en aumento.

O mestre de cerimonias, coma sempre, o noso Jaime, ó que aquí vedes facendo a queimada, non sabemos se botando o esconxuro ou botando pestes.

Os máis valentes atrevéronse a saltar a fogueira, e incluso a darse un baño a altas horas.

O importante é pasalo ben todos xuntos.

Ata o ano que vén.
Palmeirán

EMPEZA A IX EDICIÓN DA COPA BALBINA

O vindeiro sábado 24 de xuño, mesmiño despóis da resaca do San Xoan e ainda cas sardiñas no estómago dará comenzo en augas de Sada a IX Edición da Copa Balbina de Embarcacións Tradicionais a Vela.


A Copa Balbina é unha competición atípica xa que pretende fomentar a participación e a xuntanza das embarcacións tradicionais do Golfo Ártabro polo que ademáis de puntuar pola posición na regata premia a participación en distintas xuntanzas e concentracións que se realizan no Golfo Ártabro.

Ahí vai o extracto do regulamento deste ano que non varía con respecto ó do ano anterior.

EXTRACTO DO REGULAMENTO DA PROBA

Calendario:

1ª Proba: Sábado 24 de xuño - Sada

2ª Proba: Sábado 29 de xullo- Sada

3ª Proba: Sábado 5 de agosto - Perbes
4ª Proba: Sábado 26 de agosto - Sada

5ª Proba: Sábado 30 de setembro - Sada

1. A Copa Balbina:

A Copa Balbina de Vela Tradicional é unha proba creada pola A.C.M. Os Patexeiros e levada a cabo dentro do calendario de competicións de vela do C.N.R.S. Dispútase en augas de Sada.

Este ano puntuará tamén para a Copa a Regata de Perbes.

2. Características dos barcos participantes:

A Copa Balbina e unha proba aberta a todo tipo de embarcacións tradicionais de madeira con propulsión a vela, independentemente da súa tipoloxía, aparello ou eslora.

Ó ser unha proba que pretende fomentar máis a participación e a reunión de embarcacións tradicionais no Arco Ártabro, que a competición en si mesma, admítese a participación de embarcacións con certas modificacións estructurais para adaptalas ós tempos actuais ou feitas en parte con materiais “modernos” (epoxis, fibra de vidrio, etc...), sempre e cando a súa propulsión sexa a vela tradicional (vela de relinga, vela latina, etc...). E tamén se admitirán embarcacións tradicionais de madeira con adaptación a aparello moderno (snipe, etc...) Este punto someterase sempre ó criterio da A.C.M. Os Patexeiros.
Se algunha embarcación con formas tradicionais pero feita totalmente con materiais "modernos" (fibras, epoxis, polietileno, etc...) desexa acompañarnos nalgunha regata da proba, pode facelo, pero non computará na puntuación da regata nin na xeral da Copa Balbina. 

3. Inscricións:

Será obrigatoria a inscrición dos participantes, ven sexa con anterioridade, comunicándoo ó correo patexeiros@hotmail.com ou ben no mesmo momento da participación, comunicándollo ó barco da Organización, CNRS ou Patexeiros.

4. Percorrido da proba.

O percorrido de cada proba desta VIII edición da Copa Balbina será o indicado pola organización en cada regata da mesma, no momento da saída. En cada proba disputaránse 2 mángas que puntuarán individualmente (non se fará a media das mangas).Tamén no momento da saída se especificará se se fan dúas mangas ou unha manga sóa, dependendo das condicións climatolóxicas. Ainda que intentaremos sempre que en cada unha das probas se disputen as dúas mangas.

5. Horarios para probas disputadas en Sada:

NA RAMPA DE SERVIZO DO CNRS ÁS 16:00 HORAS

SAÍDA DA PRIMEIRA MANGA ÁS 17:00 HORAS

AVISOS: VARIOS PITIDOS

1º SINAL: 5 MINUTOS E BANDEIRA AMARELA

2º SINAL: 4 MINUTOS

3º SINAL: 1 MINUTO

4º SINAL: SAÍDA E BAIXADA DE BANDEIRA AMARELA

SEGUNDA MANGA: EN CANTO ENTRE O ÚLTIMO VÓLVENSE A DAR OS AVISOS.

O horario da proba que terá lugar en Perbes será o que dictaminen a Organización do  Club Marítimo de Perbes, e que se comunicará no seu momento

6. Responsabilidade:

Todos os participantes na Copa Balbina de vela tradicional farano baixo o seu propio risco e responsabilidade.

Recoméndase ós participantes a tramitación do Cartón de Navegante da FGCMF que polo módico prezo de 10 Euros anuais da cobertura de accidentes ó titular do mesmo.

A Organización recorda ós participantes a obriga de levar a bordo o equipamento regulamentario de salvamento así como a documentación regulamentaria esixida polas autoridades marítimas.

A Organización poñerá polo menos unha embarcación de asistencia para atender ás embarcacións en caso de problemas.

A Organización resérvase o dereito de suspender a proba no caso de que estime que as condicións meteorolóxicas poidan supoñer un risco para os participantes.

7. Sistema de puntuación:

O sistema de puntuación por manga, para a Copa Balbina 2017 IX Edición estará definido da seguinte maneira:
Por asistencia a cada proba da Copa Balbina, cada barco sumará 5 puntos, excepto pola asistencia á última proba da Copa, na que se entregarán os trofeos, na que a puntuación por asistencia sumará 10 puntos por barco. Estes puntos sumaránse sempre que se participe na proba e se tome a saída nalgunha das mangas dela, independentemente que algún dos barcos quedase descalificado nalgunha das mangas.

No respecto á puntuación por orde de chegada, o primeiro clasificado levará tantos puntos como embarcacións teñan participado, o segundo levará un punto menos, o terceiro un menos ca o segundo, e así sucesívamente ata o derradeiro que levará 1 punto.

• Establécese unha única categoría de embarcacións.
• Cada manga puntuará por separado e ó final sumaranse os puntos conseguidos por cada embarcación nas dúas mangas.
• No caso de se ter que suspender unha das mangas debido ás condicións meteorolóxicas ou outra situación de risco, a puntuación final considerarase a da outra manga, se se tivera disputado.
• A Regata de Perbes puntuará do mesmo xeito cas probas habituais da Copa Balbina disputadas en Sada, estando a expensas de que a Organización do Club Marítimo de Perbes decida facer unha ou dúas mangas na regata.
• Das 5 regatas puntuables, cada patrón/barco pode facer un descarte, que pode elexir aquel no que non poida participar ou no que tivese peor puntuación. Para competir en igualdade de condicións un descarte será obrigatorio.
• Os descartes serán por regata, queremos decir con isto que se un patrón descarta unha das regatas e ésta se fixo a dúas mangas, descartaranse as puntuacións das dúas mangas disputadas nesa regata, só puntuando por asistencia.
• A efectos de fomentar e premiar a participación nas Concentracións de embarcacións tradicionais do Arco Ártabro, sumaranse  puntos adicionais na clasificación xeral ó barco/tripulación por asistencia ás seguintes Concentracións de Embarcacións Tradicionais do Arco Ártabro. (Enténdese  puntos por cada unha das concentracións ás que asista)

Regata de embarcacións tradicionais de Redes: 5 PUNTOS
Concentración de Ares: 5 PUNTOS

V Xuntanza Patexeira de Embarcacións Tradicionais - Sada (15-16 xullo): 10 PUNTOS

II Concentración de Embarcacións Tradicionais de Betanzos (2-3 setembro): 5 PUNTOS

Parrocheira de Ferrol (se se celebra) : 5 PUNTOS

8. Premios

Ó rematar a IX Copa Balbina, entregaranse trofeos ós tres primeiros barcos clasificados. Ademáis o barco gañador será o herdeiro por un ano da Copa Balbina que se lle entregará nun acto aparte, unha vez se lle faga e coloque a praca que identifique o nome do gañador, e a custodiará no sitio que él considere máis representativo ata poñela en xogo na vindeira edición.

9. Outras consideracións:

Os participantes dan a súa autorización expresa á publicación das fotografías que se realicen durante a proba e que poderán ser publicadas nos medios dixitais da A.C.M. Os Patexeiros (blog e facebook) ou outro medio que a Organización considere.

A Organización resérvase o dereito de modificar este resumo de normas da proba. Calqueira modificación anterior á celebración das probas será posta en coñecemento dos participantes con anterioridade á saída polos medios que se estimen convintes.

Calqueira controversia ou desputa entre participantes será analizada e resolta polo xuiz/xuices en consulta coa Organización.

Advírtese expresamente que non se pode navegar por diante da liña de saída cando falte un minuto ou menos para a saída, podendo dar lugar, esta acción, á desclasificación da embarcación nesa manga.

As viradas faranse sempre deixando a boia por babor. Penalizarase ca reducción de 5 puntos ó patrón/barco que non a tome corréctamente. O patrón/barco que desexe enmendar ese erro para evitar a perda deses puntos deberá facer unha virada completa a esa boia para logo continuar ca regata.

Calqueira outro punto que non esté recolleito neste regulamento será tratado no momento que surxa polo comité de regata. Sendo a súa decisión inapelable.

Colaboran:

Halina a Meracha

Sofía Casanova, unha periodista e escritora coruñesa, foi unha das grandes intelectuales da España de principios do século XX. Incluso foi nomeada para o premio Nobel de Literatura.

Esta gran muller veraneaba habitualmente en Mera (Oleiros), e alí tivo unha filla á que lle chamou Halina, á que apodaba familiarmente como "a Meracha".

O noso compañeiro patexeiro Francisco Javier Aguado Álvarez de Sotomayor, descendente de grandes navegantes, e gran enamorado de Mera, ese "paraíso para vivir", como él o chama, quixo honrar a memoria de Sofía Casanova e que mellor maneira que chamarlle á dorna que está restaurando "Halina a meracha".

Entre él, o seu fillo e o tamén patexeiro Hugo, estiveron traballando estes últimos meses en poñer a punto a "meracha", como xa a coñecemos familiarmente.

Finalmente xa está lista, e co seu folio pintadiño por unha artistaza como vedes neste pequeno vídeo.

Estes días irá ó mar para estar lista para a IX Edición da Copa Balbina de embarcacións tradicionais a vela que empezará este sábado día 24, despóis da resaca do San Xoan.

Sorte nesta Edición á tripulación e parabéns á artistaza que pintou o folio.

(Palmeirán)

Navegación astronómica????. Non. Gastronómica!!!! .

 Dende que empezamos a botar os barcos ó mar, o pasado 20 de maio, xa foron varias as navegacións que se levaron ó cabo cos distintos barcos.

Un dos que máis saeu foi Ramóm ca súa Rabuda, unha fermosa dorna construída por Domingo Ayaso e aparellada con cangrexa e foque.

Aquí, a Rabuda, con José Manuel a bordo.

Tamén A Feituca, de Pablo, saeu en varias ocasións, sempre buscando esas caliñas tan íntimas que a él tanto lle gustan. Que vicio tén a criatura!!!! E tanto que se agacha, que nin unha imaxe del temos navegando e iso que os nosos satélites espía non paran.

E A Desexada, que tamén está saindo cada fin de semán, normalmente patroneada por José Manuel, xa que a tripulación oficial (Naveira e o palmeirán) ainda non está ociosa,  e que se está convertindo na sede da Sociedade Gastronómica Patexeiros sen Fronteiras.

Si, como vedes, aproveitan calqueira ocasión para invadir o barco con viandas, exquisiteces e todo regado con caldos elexidos por un experto soumiller.

En vez de entrenar para a Copa Balbina, máis ben parece que están entrenando para a vindeira edición de Top Chef.

A ver se as barrigas non van medrando moito con tanta cheúra e fan de lastre nos barcos.

(por Palmeirán)