xoves, 7 de agosto de 2014

Rumbo á Regata de Embarcacións Tradicionais Porto de Redes - Viaxe a ningures


O sábado da xuntanza de Redes, sobre as once da mañá reunímonos no embarcadoiro os Monchos (Cerviño e Chimpo), Miguel Marta, un amigo que de vez en cando navega na Feituca (Jose Luis "o do Emporio") mais eu, Pablo. A nosa intención inicial era chegar a Redes para participar no encontro que ia celebrarse. Para iso agardaban A Desexada e A Feituca con impacienza.

Despóis de aparellar ambas embarcacións, saímos.
O patrón da feituca decidiu pasar por enriba dun fondeo, non sabemos si con intención de levalo pa Redes ou ben  por aquelo de darlle algo de ventaxa a Desexada. O resultado foi que tivo que desmontar o temón, e dada a sua capacidade, e a sua longa experiencia que vai collendo tras duas semanas de duro entrenamento... rematou no mar, buceando e colocando no seu sitio dita peza indispensable para a navegación. Para escándalo de algunha vella que paseaba nese momento polo paseo de Sada... fíxoo totalmente espido.

A navegación comenzou cun forte vento de fronte, e cando as embarcacións lograron superar o muelle de Sada o mar os recibiu con agarimo e salseiros que mollaban ós tripulantes. Quizais fora éste o motivo de que algún deles non se percatou do que o sol facía nas suas costas... Queimalos coma cangrexos...

A primera hora pasou entre viradas e largos que se facían  máis longos de cada vez...
O patrón da Feituca intentaba gañar metros, e A Desexada os perdía a propósito para non deixala atrás.

Nunha virada os ollos de Moncho (o novo patexeiro) cambiaron de cor, non pasou desapercibido para os Feituqueiros, quenes pensaron que a competividade era a responsable de aquela cor sanquiñolenta. Erraban... tratábase de que fronte a él apareceu un grupo de delfins... Fixo algun comentario sobre comelos... ou algo polo estilo... non temos as declaracións confirmadas...

En calqueira caso continuamos navegación.
Cando estábamos na que pensamos que sería a derradeira virada para poder sair de Perbes,  A Desexada aproximóuse á Feituca para comunicarlle a súa intención de voltar, xa que o mar era forte e o vento non quedaba atrás... de tal xeito, non había posibilidade de chegar a tempo a Redes para a regata. Na feituca oíuse un "Falsa alarma, continuamos".

 E así continuóuse durante os seguintes quince minutos.
Ó dar a seguinte virada, os tripulantes da Feituca, entregados a aquela travesía, que a bordo dunha dorna, parecía máis a Volvo Ocean Race, -para eles, claro-, percatáronse de que ou colleron a velocidade da lus... ou ben a Desexada voltara a porto. 
Despóis de darse conta que non tiñan VHF, colleron os móbiles, que como é normal, en vez de levalos preto, estaban agochados, ben agochados, para que non se mollaran no fondo do tambucho, e viron que os chamaran. 

Asi as dúas embarcacións puxeron proa a Sada.
O que custou navegar duas horas, era un paseo de quince minutos de volta. Paseo agradable, sobre todo para Xosé Luis, que vendo a expléndida labor do seu patrón, para demostrarlle unha total confianza, vendo como o mar movia a Feituca pero non podía con ela, dixo "Pablo, tranquilo, !tú hazlo seguro!".

A expedición rematou baixo a sombra dunha das árbores xunto ó carril bici de Sada.

Uns lamentábanse de non poder chegar, outros alegrábanse de chegar, e algún soñaba cos delfins...

Fin..
(Non hai fotos porque bastante tiñamos con atender ó barco)

by Pablo Morán

luns, 4 de agosto de 2014

Resumo da II Xuntanza Patexeira de Embarcacións Tradicionais

Os pasados 19 e 20 de xullo tivo lugar en Sada a II Xuntanza Patexeira de Embarcacións Tradicionais.


Xa o ano pasado tivemos a mala sorte de que nos choveu todo o día e poucos barcos se animaron a achegarse a Sada.

Este ano, tamén o parte nos daba malos augurios e temíamos o peor. Dous anos seguidos con mal tempo xa desesperan a calqueira.

Esta II Xuntanza coincidía ca Feira Mariñeira de Sada e cas festas do Carme.

O Concello de Sada e a Asociación de Empresarios de Sada facilitáronnos un bo espazo na parte de atrás da Feira e puxéronnos tomas de corriente.

Empezamos a montar as carpas o venres pola tarde, pero tivemos que deixalas sen montar polas tremendas chuvieiras que caeron ó longo de toda a tarde-noite.


Á mañán seguinte continuamos montando as carpas. Este ano dispoñíamos da carpa patexeira onde montamos habitualmente as exposicións, e doutra carpa, cedida polo Concello, onde tiñamos o "hospitality" para os tripulantes. Ademáis estaban expostas a buceta Punta Fiateira e o Arredemo.


Pola mañán saíron a dar unha voltiña a Desexada e a Boaventura, esperando a ir recibindo os barcos.

Sobre as 12 da mañán empezaron a chegar os barcos que contaron con amarres no Porto Deportivo de Marina Sada por xentileza da empresa que xa levan colaborando cos Patexeiros nos últimos dous anos.

Xusto cando estaban amarrando unha impresionante tromba de auga fixo que tiveran que resguardarse onde poideron.

Dende A Coruña, achegóuse o galeón Punta Pragueira da AAETG. Dende Ferrol, tiñan previsto achegarse varios barcos, ainda que ó final só foi o Calagraña o que fixo presenza. Dende Perbes, a incondicional dorna Albatros. Dende Ares o Osorio, co amigo Pepe, e de Sada estiveron presentes, A Desexada, a Boaventura, a Feituca e a Leliadoura.

Pouca afluencia de xente pola feira, motivado pola mala climatoloxía.

Comemos sobre as tres da tarde a base de tortillas, empanadas, chourizos, rexóns, queixo e postres. O amigos da Coruña trouxéronnos varias viandas para contribuir á comida. Grazas a Fina e á muller de Antonio por molestarse e por botarnos unha man coa loxística da comida.






Pola tarde saímos a navegar sobre as 5 da tarde, e estivemos ata as 9 no mar. Estivemos navegando durante a procesión do Carme, pero sen achegarnos moito, seguindo as recomendacións da Capitanía.




Moi boa xornada de navegación.

Ó longo da tarde, foron varias as persoas que pasaron pola carpa patexeira a admirar as pequenas exposicións e facernos algunha doazón. Tamén tivemos o pracer de contar diante da carpa coa actuación dun grupo de gaiteiros e pandereteiras.












Tocóulle o turno á merenda-cea, a base de sardiñas asadas cedidas amáblemente pola Organización da Sardiñada.

Fixemos entrega dos agasallos ós tripulantes das embarcacións, que este ano consistiron nuns colgantes feitos de maneira artesán pola artista de Sada, Maca Herce.


Pola noite houbo festa e varios se animaron a cantar ata ben entrada a noite.

O domingo xa se presentaba mellor a climatoloxía ainda que non nos libramos dunhas chuvieiras ás primeiras horas da mañán, pero logo quedóuse un día estupendo, o que fomentou que fose moita xente a que se animara a pasear pola Feira Mariñeira, e visitar, como non, a zona patexeira.


Os barcos saíron a navegar sobre a 1 da tarde. Levaron a tripulantes que o día anterior non tiveran a oportunidade de navegar. Mentras outros quedábamos atendendo a Carpa Patexeira.


Tamén pola tarde tivo lugar na nosa carpa o obradoiro de oleiría impartido pola artista Maca Herce, no que participaron varias persoas que quedaron prendadas do traballo de amasar e dar forma ó barro. 


Tivemos a visita de varios amigos que pasaron a saludarnos, o mestre carpinteiro Pepe de Lorbé, o mestre carpinteiro Sr. Lino, varios familiares dos primeiros propietarios da Balbina que nos trouxeron diversa documentación sobre o barco e nos foron contando historias e anécdotas, o anterior armador da Balbina e que foi quen nola cedeu, e moitos amigos máis.


Sobre as tres da tarde empezamos a xantar. Este xantar non estaba incluído no programa da Xuntanza, pero como xa marcharan algúns barcos para os seus portos de orixe, decidimos invitar ós que se quedaron a tomar uns callos e un pouco chourizo, rexóns e queixo.


Pola tarde volvemos a sair ó mar os barcos que quedábamos e estivemos navegando dende as 5 ata as 9. Rematada a última saída de navegación os barcos xa foron amarrar ós seus sitios habituais.

  
Varias  persoas visitaron durante a tarde do domingo a zona patexeira e nos fixeron varias doazóns para contribuir coa Asociación. Tivemos a visita de persoeiros ilustres como a da actriz Isabel Risco, gañadora do  premio Mestre Mateo á mellor actriz de reparto na edición de este ano, a cal fixo gala do seu humor e improvisación nun breve diálogo que mantivemos. Esperamos que as bandeirolas che deran para engalanar toda a leira!!!!.

Este ano, nin a climatoloxía nin a situación da zona patexeira axudaron  moito á afluencia de xente na carpa, e non rexistramos as afluencias masivas das últimas edicións, na que tiñamos unha ubicación estupenda, pero ainda así, o balance foi moi bó, tendo en conta as adversidades.

Queremos dar as grazas ó Concello de Sada, e en especial ó Técnico de Cultura, Marcos, por estar sempre ahí e atender as pequenas peticións que lle fixemos. Á AESADA, Asociación de Empresarios de Sada, e en especial a Carlos, por estar pendentes en todo momento de nós e facilitarnos a vixilancia da carpa. Grazas ó Porto Deportivo Marina Sada por facilitarnos un ano máis os amarres para os barcos asistentes. Grazas ó Club Náutico Recreativo de Sada por colaborar sempre con nós, deixarnos as zodiacs, e todo o que necesitemos sempre.

Grazas a todos os amigos que asistíchedes por mar e terra ó noso evento, ós incondicionais, porque xa sabedes, que grazas a vós, a vosa presenza, se pode manter a ilusión de seguir facendo eventos. Grazas tamén ós novos socios que vivíchedes o voso primeiro evento patexeiro. Esperamos que o pasárades ben, a pesares dos fallos que poidéramos ter.


Grazas a todos os socios da Asociación por volcarvos e axudar na organización, loxística, etc... de este evento.

Esperámosvos a todos, para o vindeiro ano. E levarémoslle ovos a Santa Clara para que teñamos un día estupendo.

Tedes todas as imaxes da II Xuntanza Patexeira no Album de Facebook creado para a ocasión.

 by Palmeirán
A miña foto
Asociacion cultural en defensa da conservación do patrimonio marítimo, o litoral e a cultura mariñeira. Contacta con nós no CORREO: patexeiros@hotmail.com ou ben no noso FORO: http://patexeiros.foroactivo.com