Publicacións

Mostrando publicacións desta data: 2019

Fin de ano nas Antípodas

Imaxe
Un ano máis continuamos ca tradición de despedir o ano navegando. O ano pasado homenaxeamos o arquipelago de Kiribati. Neste ano escollemos as Illas Salomón, algo máis a leste ca Kiribati.   Para iso xuntámonos ás 12 do mediodía de Sada, 0:00 horas nas Illas Salomón, un total de 6 embarcacións, dúas delas pertencentes ós Patexeiros., Alí estiveron As Netas e o Canouro. Brindóuse con cava e chimpín para @s nen@s, tivemos uvas e cotillón. Feliz ano!!!!            

VII Curso de carpintaría de ribeira - desenrolo

Imaxe
O sábado 29 de outubro dábamos comenzo a unha nova edición do Curso de carpintaría de ribeira, que organizamos coma sempre, no Porto de Lorbé. Durante o curso traballóuse sobre o novo barco da Asociación, o Nordesía, ó que o primeiro día xa se lle desmontou toda a cuberta. Despóis dunha pequena parada técnica do fin de semán pasado, o sábado 7 de novembro prosegue o VII Curso de Carpintaría de ribeira dos Patexeiros. O alumnos estaban ansiosos. Novas xornadas no curso de carpintaría de ribeira. Nestas imaxes xa podemos ver ó Nordesía con novos baos e parte da estampa de popa nova. Como sempre, nos nosos cursos intentamos que os alumnos aprendan mantementos básicos dunha embarcación tradicional. Debido á pouca duración dos cursos non poden ver como nace unha embarcación e se vai facendo, ainda que intentamos tamén darlles unhas nocións de cómo sacar unhas cadernas, a traveso de planos ou de plantillas. Nestas fotos apréciase como se colocaron baos, barraganetes, algunha táboa do forro,

VII Curso de carpintaría de ribeira

Imaxe
Un ano máis levamos adiante outra edición dos nosos famosos cursos de carpintaría de ribeira. O curso terá unha duración de 24 horas e levarase ó cabo os sábados pola mañán en horario de 9:45 a 14:00, cun descanso de 20 minutos, na Carpintaría Lorbé, sita no Porto de Lorbé - Oleiros (A Coruña). A data de comezo prevista está fixada para o 19 de outubro, e continuará os seguintes sábados 26 de outubro e 9, 16, 23 e 30 de novembro. Os temas que se impartirán no curso, coma outros anos, incluirán dende coñecemento, preparación e afiado de ferramentas, nocións básicas de construcción naval, cómo se empeza a facer unha embarcación (sacaremos unha caderna). Faremos traballos básicos de mantemento dunha embarcación tradicional tales como botar táboas da cuberta, botar táboas do forro, sorraina, regala, reparar a fogonadura, calafateo, virado de táboas, etc... Durante o curso traballaremos na embarcación Nordesía, última adquisición da A.C.M. Os Patexeiros. A aportación para o cu

RUMBO ÁRTABRO

Imaxe
Esta semán levaremos adiante a I Travesía/Regata Rumbo Ártabro., de agora en diante Rumbo Ártabro. Rumbo Ártabro é un evento deportivo e social que ten como obxectivo principal poñer en valor as embarcacións tradicionais de todo o Golfo Ártabro. Dito evento será organizado pola ASOCIACIÓN CULTURAL MARIÑEIRA OS PATEXEIROS, de Sada, ca colaboración do CLUB DO MAR DE FERROL, CLUB NÁUTICO DE ARES, CLUB MARÍTIMO DE PERBES e PORTA DA VILA de Betanzos. A proba consistirá nunha navegación por etapas discurrindo polas rías de Ferrol, Ares e  Bentanzos, o denominado como Golfo Ártabro. Lugar e datas: Data Navegación Saída Chegada Millas aprox. 1ª Etapa Mércores 14 de agosto do Porto base – Ferrol 17:00 10,7 Nm 2ª Etapa Xoves 15 de agosto Ferrol – Ares 12:00 17:00 8,9 Nm 3ª Etapa Venres 16 de agosto Ares – Perbes – Sada 12:00 19:00 8,0 Nm

Regata de embarcacións tradicionais de Ares.

Imaxe
O pasado sábado, día 3, tivo lugar nas augas de Ares a Regaata de embarcacións tradicionais de Ares, Memorial José Antonio Zárate. Alí se dispoñen a acudir tres barcos da flota patexeira, a Reina dende o mesmo Ares, o Canouro dende Sada e a Halina dende Lorbé. Ás 12, o Canouro tiña todo listo para sair rumbo a Ares, bueno, todo todo non, xa que a maréa non a poden controlar e teñen que esperar ata as 2 da tarde para poder sair do fango. A espera foi productiva, xa que limpando as boias, toparon con este polizón. Ás 2 da tarde deron saído do fondeo de Sada e nunha horiña estaban en Ares. A dorna Halina saeu tarde de Lorbé, esperando pola tripulación, e non lles dou tempo a chegar a Ares. Iso si, pasárono moi ben a bordo E ademáis  na ruta tamén tiveron premio.. Ás 17:30 douse saída puntual á proba. Mar algo picado pero cun ventiño axeitado, ainda que os grandes barcos pedían máis. Claro, eles poden.... O campo de regatas estaba moi ben marcado e informado.

As embarcacións tradicionais expostas na Coruña

Imaxe
Do día 14 ó 17 de febreiro, participamos levando tres barcos á praza da Fábrica de Tabacos, na Coruña, con motivo dun interesante ciclo de conferencias sobre a situación das embarcacións tradicionais en Galicia. As conferencias, que se enmarcaban dentro do espazo Tribuna Pública Coruña, correron a cargo de Bernardo Máiz e Pepe Sacau durante a tarde do xoves, e de Víctor Fernández o venres pola tarde. Bernardo falóunos sobre o solpor das embarcacións tradicionais de Galicia, Pepe achegou á xente o proxecto das mariñas tradicionais Mardevelas, e a charla de Víctor versou sobre por qué é interesante conservar o patrimonio marítimo e fluvial. Nós achegamos á mostra o bote polbeiro Reina, recén restaurado polo noso socio Ángel, a buceta Fiateira, propiedade da AAETG e restaurada este inverno polo noso socio Moncho, e a dorna A Feituca. Desta maneira, os visitantes poideron admirar tres tipoloxías distintas, dúas das Rías Altas e unha das Rías Baixas e veren as diferencias de c

Empezamos o ano - Asemblea Patexeira

Imaxe
Este pasado sábado tiveron lugar no noso local social do Porto de Lorbé, as nosas Asembleas Extraordinaria e Ordinaria. Na Asemblea Extraordinaria tomou relevo a xunta directiva. Por primeira vez na historia dos Patexeiros, temos unha Presidenta. É un orgullo para tod@s @s Patexeir@s que por primeira vez, unha muller tome o temón da Asociación. Nun mundo, o das embarcacións tradicionais, onde a participación da muller está empezando a medrar, afortunadamente, Os Patexeiros temos a sorte de contar con un 27% de socias nas nosas filas. Unha porcentaxe que nos gustaría aumentar nos vindeiros anos. Moito ánimo á nova xunta directiva e prometemos axudal@s en todo o posible. Na Asemblea Ordinaria, calendamos as nosas actividades para este 2019 ademáis de outros temas varios.