II SINGLADURA NO TINA HUSTED: RIAS DE SADA E A CORUÑA
![](https://blogger.googleusercontent.com/img/b/R29vZ2xl/AVvXsEhWGu_WdiCrr2nKV25pAlv51_vsURv-BU8oCDqwOnmut_GtjPdZ6RA4xjRfWU8kdTocWG1ERNVR__sHTAR8KtcCIFKY3QfRGKjP2O8EvSVaNXfW9QVGSTjHx4pUftn1Fk74iNIVCKlEciFq/s400/Fotos+Tina+129.jpg)
O pasado domingo día 17, o capitán do Tina Husted, David, invitóunos a varios amigos (ó final xuntámonos 21) a facer unha singladura de peche de tempada a bordo do seu barco.
Zárpamos sobre as 11:30 da mañán do porto de Sada a motor, xa que non había vento.
O capitán pregunta se nos parece ben tirar cara a Coruña e xantar alí no muelle. E como ben é sabido que onde hai patrón non manda mariñeiro, pois todos estivemos de acordo.
A travesía de ida foi moi agradable.
Luis probou sorte ó curricán a ver se caía algunha xarda, pero parece ser que dende que o tío Mini co seu Bote de Pau visitou estes caladeiros arrasou con todas.
Era o bautismo de mar para algúns e supoñía O paso da Marola para moitos.
![](https://blogger.googleusercontent.com/img/b/R29vZ2xl/AVvXsEg0Fjdqq5x7nLpECdvgd9Y1aB5In9sKY3xhwm1iRIuS2PdTZrmASG4v5QVDVHMYIB34js3iZqupj5VnejCWeDuxaunDWlH0lMb2Z32KN8CAOKn4cVyITij3quTGYNs9jAXOCL0TuwPw900D/s320/ReduTina206.jpg)
Ó chegar á altura da Marola sacáronse as fotos pertinentes para deixar constancia de tal feito, comparable "disque" co paso do cabo de Hornos (sacándolle lobos, claro). E ó igual ca o paso por ese cabo, a Marola tamén otorga os mesmos privilexios: mexar contra o vento (alá cada un), poñer un pendente na orella (algún xa o levaba posto da casa), e a non descubrirse diante dos reis (iso dase por suposto porque Martiño non quita a gorra nin diante do Papa).
![](https://blogger.googleusercontent.com/img/b/R29vZ2xl/AVvXsEjAR4RZFqS7R17f6chAqMaLgEhx70Shjepl9ynYdD2cgQFpubZxiqVUoP5SJOUdhdYdxDRTr79i91k8hUnKOOXi58XZ0MiVkcLjMCaGlbEhOjsoFhYtGqdAe_7DIV90E52xFmvNj9esn5bd/s320/ReduTina071.jpg)
Chegamos cerca das dúas da tarde ó muelle da Coruña e amarramos alí.
![](https://blogger.googleusercontent.com/img/b/R29vZ2xl/AVvXsEilcdsGy6zfIBxlV59liuSAzg-mGJG9-j9gXL9W8NdxObLaBcUo7OIu3-ykOj_jwPa_k0NcsDJHd9nMEWdz-7GKYlvcclYhisANpfGhHq7PBjZQoT2g1bcNFElvUummgeiAIq7Q3QpkdW-S/s320/ReduTina101.jpg)
De repente empezaron a sair de debaixo das táboas unha cantidade de manxares dignos dun festín medieval: empanadas, tortillas, chourizos, pasteis de espinacas, rosquillas, flan de café, etc.... E os máis deliciosos brebaxes: sidra (imposible escanciar co vento que se levantara), sangría, cervexas de todas as cores, viño, e outros líquidos. Banquete completo, banquete Comansi.
![](https://blogger.googleusercontent.com/img/b/R29vZ2xl/AVvXsEhQoBrEMTQ6-V8aE_NHrdYUZlYvXamtopv6CSNB-VaToMd2iXYRdT38no6DgOJUBtzVP0G7fJf9ZSCD5qINqdJnWnAfWpLBMp8PVuP0EgiZD-OiItuTYKM1s2IqVWrxXqeUXciUusX2mv8I/s320/ReduTina105.jpg)
Pero a fame era negra, e papóuse case que todo o que había na mesa improvisada. Todos os pratos tiveron alabanzas, non era para menos, @s cociñeir@s dedicáranlle moito tempo e cariño.
![](https://blogger.googleusercontent.com/img/b/R29vZ2xl/AVvXsEi3dZH5L8GRDRM3Ezq4jSsgymgIfYZOL-EE8DIHX5FufyC2V-PpBXq1LyZtAYPVwH8jcqHX3D1EqdMC19k00pRpUCwuy8_irXtRrognuJNe2QIawawgARXFfxeZuIALxwhVC1b2Hvaezvxb/s320/ReduTina107.jpg)
Todos os veleiros que entraban no porto nos miraban con envexa (¡¡¡ lástima dun cacho desa empanada !!! pensaría algún)
![](https://blogger.googleusercontent.com/img/b/R29vZ2xl/AVvXsEj0kEaPalpaLl58jHrjVJCImRNSAYJLVIauzbjTK71D_hpB3hogf2lOXRjmJP1mTWYklfzYGw-3ibXbnbKchzhS3f_mC9m4dAkkLpEtf09u7G7WKkHpoAl7MqDZW-E1OqZk5-nc98zEtz9j/s320/ReduTina232.jpg)
Pasadas as 4 da tarde soltamos amarras e unha vez fora da dársena empezamos a izar o velamen. Toda a tripulación foi colaborando. As máis novas na mesana e o resto na maior e no foque.
![](https://blogger.googleusercontent.com/img/b/R29vZ2xl/AVvXsEgO-GnOXKvpga6Y8EEq-nQwlhLdp468w9R3MYXRGV622LuIqVWi_oeBXHA0xrmwQ4PHSRCAMMgwNBw3Qy2kVWXIed20GF74Xa6pI-eFiV9LKn9Er-QpC-HlxCv7WQINHfTE5NqR1MP78hsf/s320/ReduTina148.jpg)
Destacar a participación das dúas tripulantes máis pequeniñas do barco, Bruna e Eva que tanto facían de proel como se poñían ó temón.
![](https://blogger.googleusercontent.com/img/b/R29vZ2xl/AVvXsEhLrdmhUPdWiqqhQgeOs7utmdnrdrwRJFfx1SELQsAxmKZrERsFs5uUjWFqphSft3y1IJVsMiWfnezVIihw-wzfKrn_md91yyXVsQ-3KLdlej1TFtG2pS1R5O5Ipf3tO_CD7eRzEgeDgKY-/s320/Fotos+Tina+027.jpg)
Unha vez saímos da ría a cousa cambiaba, o vento sopraba ben e había algo de mar de fondo. Algunhas caras empezaron a virar a tonos esblancuxados, pero a maioría aguantaron o tipo. Houbo que sair bastante fora para coller o rumbo de entrada á ría de Sada.
Ainda non chegados á altura de Lorbé veu ó noso encontro Jaime coa Zodiac a darnos a benvida e a ver se sobrara algo de comida. Pouco lle tocou, apenas unhas cantas rosquiñas.
Aproveitou para facernos unhas fotos. Este home é un fenómeno, co mar e vento que facía, mañexaba cunha man o motor e coa outra unha cámara réflex dixital. Todo un crack.
![](https://blogger.googleusercontent.com/img/b/R29vZ2xl/AVvXsEhabzgtPn3LE0WtaadKjsBsWtKyrB_7TurcxWY_7jhPVvcvM0JhqIN2kaLm4K_AQINB1PWo3RgVCvWHALmwTnaYPuljJJRalJEqhyFHidU-_2IXTIOwoAJl_HTJ2XF4o1O__MdDBoJmTzEg/s320/ReduTina250.jpg)
Xa máis dentro da ría o mar melloraba e as caras retomaban o seu aspecto pero o frio íase impoñendo xa que o Sol facía varios minutos que se puxera.
Chegamos ó pantalán xa sendo bastante noite.
![](https://blogger.googleusercontent.com/img/b/R29vZ2xl/AVvXsEjk-s5nzEsim0Yj9T1ukiGWmekjOzKw4ZswQtXieDfSAYsUyLwiJReAE1WnBa_JPE0bhK4Ddo8PrixymZOtV4EYPLVlyhKFFAp1UhHEEuHF5jx1HBHsCBfWFuvL9smfj7qzecyxSY9-4uDo/s320/ReduTina270.jpg)
Gracias a David por invirtarnos a un día estupendo no mar en compaña de xente estupenda, boa comida e bebida. ¿qué máis se pode pedir? ¿haber enganchado algunha xarda?
Tedes maís fotos da singladura no noso album de fotos.
(Esta singladura levóuse a cabo o domingo 17 de outubro pero non se puso no blog ata hoxe para non solapar o Curso de Carpintaría)
by Palmeirán
Para cando facedes a próxima saída no Tina Hosted?Un ribeirán de Fiobre e a súa muller apúntanse
ResponderEliminar