Cuarta xornada do curso

Cuarta xornada do curso de carpintaría de ribeira

Este sábado foi o cuarto día do curso de carpintaría. O tema de hoxe tratou de como obter os cartabóns das cadernas sobre o taboleiro de formas. David encargouse de facer unha descripción teórica de por qué as cadernas non van cortadas en ángulo recto e despois os alumnos fixeron prácticas sobre o taboleiro de formas axudados por Pepe.
De III Curso de carpintaría de ribeira
Os que estedes interesados nunha descripción do proceso recoméndovos que visitedes a explicación que dimos anteriormente neste blog.

Durante o descanso estivemos a conversar sobre o temporal que se prevé para mañán e David deulle unha explicación sobre meteoroloxía a un par de interesados (hai algo que non saiba este tipo?).
De III Curso de carpintaría de ribeira
Continuamos a xornada facendo unha caderna para practicar o aprendido. Un xenol foi tallado á man e o outro cortado coa serra de cinta.
Comezouse cortando as pezas de carballo de maneira aproximada.
De III Curso de carpintaría de ribeira
Marcouse a peza coa plantilla e cortouse coa serra de cinta. O que non teña unha serra de cinta pode facer o traballo cunha boa serra de calar ou incluso cunha de man.
De III Curso de carpintaría de ribeira
Coa peza cortada fomonos ao banco e tallaronse os carbabóns axeitados en cada liña de auga. Para isto úsase a falsa escuadra coa que se collen as medidas do taboleiro de cartabóns, a aixola e a trenxa coas que se tallan os ángulos. Feito isto so queda cepillar toda a peza interpolando os ángulos que se tallaron.
De III Curso de carpintaría de ribeira
O procedemento coa serra de cinta consite en acoplarlle á mesa da serra un artiluxio que permite variar o ángulo da mesma e asi cortar o ángulo que lle corresponde á caderna. Unha persoa manexa a mesa da serra seguindo instrucción do outro, que manexa a peza na serra. O traballo ten que ser coordinado.

Rematado o traballo na caderna seguiuse traballando coa quilla da buceta que se comezara a semana pasada. A quilla vai en varias pezas asi que houbo que facer dos empalmes en raio de xúpiter, un para unir con outra peza de quilla e outro para a roda. O corte dos raios de xúpiter comezouse na serra de cinta, pasouse á cortar o "chanzo" central co serrón, volveuse á serra de cinta para facer os cortes que faltaban e por último rematouse co cepillo. A unión resultou perfecta.

Para rematar a xornada houbo que cepillar un pouco a parte da quilla que se cortara coa serra, marcar os alefrices e a liña de cruxia ao longo de todo o centro da quilla.
De III Curso de carpintaría de ribeira

A semana que ve máis curso de carpintaría. Lémonos.

Fran.

Comentarios

Publicar un comentario

Fainos teu comentario aquí ou envíanos un correo a patexeiros@hotmail.com

Publicacións populares deste blog

CONSERVACIÓN E MANTEMENTO DAS NOSAS EMBARCACIÓNS TRADICIONAIS

Imaxe
  O proxecto “Conservación e mantemento das nosas embarcacións tradicionais” está a piques de rematar. Este proxecto, premiado nos proxectos de desenvolvemento pesqueiro e xestionado polo GALP Golfo Ártabro Sur , puxo en valor as nosas embarcacións e axudou a conservalas. Fixéronse varias actividades de dinamización vencelladas ás nosas embarcacións, como unha ecoregata en Sada , na que recollimos unha gran morea de lixo. Tamén fixemos un curso de vela tradicional especialmente dedicado a mulleres , para favorecer a igualdade na vela tradicional. Ademais, impartimos un curso de enxarcias tradicionais , no que aprendemos moito sobre os elementos das arboladuras das nosas embarcacións. Ademais, fomentamos a carpintaría de ribeira , declarada BIC (Ben de Interese Cultural) , levando a cabo a reparación de tres das nosas embarcacións mediante técnicas de carpintaría tradicional nun asteleiro dos poucos que quedan en Galicia no que se traballa a carpintaría de ribeira.
Ler máis

Rumbo á igualdade

Imaxe
  Rumbo á igualdade: éxito do curso básico de vela tradicional para mulleres Os pasados 20 e 27 de setembro celebramos o Curso Básico de Vela Tradicional para Mulleres “Rumbo á Igualdade”, unha iniciativa organizada pola A.C.M. Os Patexeiros coa colaboración de diferentes institucións, e que tivo unha acollida extraordinaria, e dentro do proxecto premiado no GALP "Conservación e mantemento das nosas embarcacións tradicionais." En total participaron 16 mulleres, que durante dúas xornadas intensas de teoría e práctica tiveron a oportunidade de achegarse ao mundo da navegación tradicional, coñecer as nosas embarcacións e gozar do mar compartindo experiencias. O curso contou tamén cunha aula virtual, na que as alumnas puideron acceder a materiais de apoio sobre temas fundamentais como: -Introdución á igualdade e o papel da muller na náutica de recreo. -Nocións básicas sobre que é un barco e os principios da navegación a vela. -As embarcacións tradicionais de Galicia. -Seguridade ...
Ler máis

Os Patexeiros volvimos á Parrocheira

Imaxe
 Onte, Os Patexeiros fomos por mar a Ferrol para participar na tradicional regata da Parrocheira no Porto de Curuxeiras. Na nosa expedición levamos os barcos O Patexo, o Canouro e o Bote de Pao , e realizamos a travesía desde Sada pola mañá, nunha ría con fondo de mar bastante notable, con ondas de 2 a 3 metros , pero as nosas embarcacións navegaron de marabilla. Durante a regata, como é habitual, volveu quedar de primeiro o Lagunak e de segundo Brais , co barco “O Neto do Osorio” , pero nós estivemos aí co Canouro , disfrutando da competición e do ambiente festivo. En calquera caso, foi unha xornada excelente , cunha navegación preciosa pola Ría de Ferrol , e unha celebración que mantén viva a tradición mariñeira do barrio de Ferrol Vello.   Este ano o Xamón non o tivo directamente o primerio clasificado, se non que foi por sorteo. E tocoulle a Brais, o segundo clasificado. Nunca estivemos mais cerca de acadar ese codiciado premio do Xamón !!!
Ler máis