mércores, 27 de xullo de 2016

2ª Regata da Copa Balbina


Este sábado día 30 de xullo, coma sempre ás 16:30, frente á praia de Sada, segunda regata da Copa Balbina de embarcacións tradicionais a vela.

A clasificación xeral, despóis de disputada a primeira regata e cas puntuacións por asistencia á Xuntanza Patexeira e á Regata Porto de Redes queda así:

CLASIFICACIÓN XERAL
BARCO PUNTOS
ALBATROS 24
A DESEXADA 23
OSORIO 20
LELIADOURA 15
BOAVENTURA 15
RICHI 15
A FEITUCA 10
ARREDEMO 10
ABUR 5
ALIVANTA 5
SAUNTRESS 5

Se algún barco dos que participou en Redes, participa nas demáis probas da Copa Balbina, se lle sumará a puntuación por asistencia a Redes.

martes, 26 de xullo de 2016

Os Patexeiros na XIV Regata Porto de Redes

Foto Caamouco Net

Este pasado sábado partían do Porto de Sada, rumbo a Redes, tres embarcacións da flota Patexeira, a dorna Boaventura tripulada por Jaime e Pepe, e A Desexada tripulada por Javier Naveira e Dolores, e a dorna Lagarta, a motor, con Ramón e Fini.

Tiñamos pensado tamén levar A Feituca, pero finalmente por problemas de axenda do patrón, quedou no seu fondeo de Sada.

A Lagarta iba de acompañamento e cando comenzou a regata voltou a Sada con algún problemiña no motor.

A Desexada tripulada por dous novatos, ou como lle chaman na Illa, por dous "podréns", achegóuse ó campo de regatas e intentarono pero non o viron claro e ó pouco decidiron voltar ó amarre en Redes, así que finalmente só rematou a regata a dorna Boaventura, que aseguraron ó chegar que a regata fora duriña e tardaron en collerlle o puntiño.


Despois de recoller os agasallos e parar un pouco por alí a catar a Estrella Galicia da outra banda da Ría de Ares, voltaron vento en popa e a toda vela rumbo ó porto de Sada.

E como non tiveron nin tempo a quitar fotos, ahí vos vai a única que temos recollendo os agasallos e outra dos amigos de Caamouco Net.

Vémonos o sábado día 30 de xullo na segunda regata da Copa Balbina, en Sada.

mércores, 20 de xullo de 2016

Resumo da IV Xuntanza


Pois xa rematou esta IV Xuntanza. Resumindo decir que houbo unha lixeira mellora na participación con respecto a anos anteriores, pero ainda así non se logrou unha aceptable participación de barcos do Golfo Ártabro, co que xa nos estamos replantexando se a organizaremos para o ano ou non

Pasa o de sempre, a xente quéixase de que non se fan cousas, pero logo cando se fán, non participan nelas. Hai ducias de barcos tradicionais no Golfo Ártabro e sempre somos os mesmos os que imos ós eventos, pero qué pasa cos demáis????? Non se moven dos amarres ?????

Os Patexeiros procuramos asistir ás concentracións que se fan polo Norte, e incluso baixamos ó Sur ás veces, para intentar manter viva esta estupenda afección polas embarcacións tradicionais.

Sabemos que no Sur, nas Rías de Muros, Arousa, Pontevedra e Vigo, hai moita oferta de actividades, regatas, concentracións, etc... e incluso ás veces se pisan as convocatorias e todas teñen xente, pero qué nos pasa no Norte? Cada quén que recapacite.

Con respecto a esta IV Xuntanza Patexeira de embarcacións tradicionais decir que contou ca participación de 9 barcos: a dorna Albatros de Perbes, o Osorio e o Richi de Ares, e A Feituca, A Desexada, Boaventura, Arredemo, Leliadoura e Lagarta de Sada.

Uns estuveron nos pantaláns que nos cedeu desinteresádamente, coma todos os anos Marina Sada, e outros estiveron fondeados xusto enfrente do mercado mariñeiro para ter máis visibilidade.

O sábado pola mañán fixemos a recepción dos barcos participantes e colocamos os da Asociación frente ó mercado mariñeiro.

Algúns xa aproveitaron para dar unha voltiña esa mesma mañán, a pesares do pouco vento.

Despóis dunha copiosa comida a base de ensalada de pasta, tortillas e empanadas, cas que agasallamos ós participantes, sobre as 5 da tarde saímos a navegar todos os barcos.

Acompañamos á procesión do Carme e sobre as 20:30 uns barcos foron voltando ós seus amarres , mentras que outros xa emprendían a singladura rumbo ós seus portos de orixe por ter compromisos ó dia seguinte.

Nesta saída da tarde, agradecer a participación de membros de outras Asociacións amigas, (Lajareu por Barlovento e Mascato), ós que deixamos un barco para sair a navegar con nós.

Ó longo do día, na nosa carpa tivemos á disposición d@s nen@s os nosos xogos habituais sobre a pesca sostible, a nosa zona de exposición e de ventas. Estivemos proxectando nunha pantalla documentais sobre as embarcacións tradicionais e pola noite proxectamos nunha vela de relinga imaxes sobre a vida pasada de Sada, que por momentos, congregaba a ducias de persoas ollando os seus recordos.


Pola noitiña, houbo sardiñas, tortillas e ensalada de pasta para todos os participantes e amigos.

O domingo tamén saímos a navegar pola mañán e pola tarde.

Agradecer a colaboración do Concello de Sada e especialmente a do técnico de Cultura, Marcos, que estivo pendente de todo ó longo de todos estes días. Agradecer a Marina Sada que nos cedera os amarres un ano máis, e agradecer a todos os participantes e sobre todo ós que viñeron de fora, pasar con nós estas xornadas.

Vémonos en Redes.

martes, 12 de xullo de 2016

IV Xuntanza Patexeira de embarcacións tradicionais




Xa temos aquí outra edición da  IV Xuntanza Patexeira de embarcacións tradicionais.

Esta vindeira fin de semán, dias 16 e 17 de xullo, celebraremos en Sada a nosa concentración, onde todos os que teñades un barco de madeira con formas tradicionais o podedes traer e lucilo navegando con nós eses días.

O programa provisional da Xuntanza  sería:

 SÁBADO 16

11:00 Apertura da carpa Patexeira con exposicións de material de carpintaría de ribeira e museístico, proxección de audiovisuais e fotografías , xogos para os nenos.

11:30 Recepción de embarcacións e tripulantes.

12:30 Primera saída ó mar de todas as embarcacións presentes.

14:30 Comida para os tripulantes

17:30 Segúnda saída ó mar das embarcacións

19:00 Participación na procesión da Virxe do Carme de todas aquelas embarcacións que o desexen.

21:00 Cea-Pinchada para os tripulantes que desexen quedarse.


DOMINGO 17

11:00 Apertura da carpa Patexeira

13:00 Saída a navegar

17:00 Saída a navegar

21:00 Peche da Carpa Patexeira e recollida.




Pregamos a todos os barcos que teñan pensado participar que nos manden un correo a patexeiros@hotmail.com indicándonos o nome do barco e os tripulantes que asistirán

domingo, 3 de xullo de 2016

Resumo da 1ª proba da Copa Balbina

O pasado sábado día 25 de xuño tivo lugar, coma sempre, frente á praia de Sada, a primeira proba da VIII Edición da Copa Balbina de embarcacións tradicionais a vela.

Pouca asistencia a esta proba, posíblemente debido ás fortes rachas de vento que superaron os 20 nós, que desanimaron a moitos habituais a participar.

Foto de Xurxo Lobato
Tan só catro barcos se deron cita á hora acordada para tomar a saída, a sempre fiel dorna Albatros de Perbes, o incombustible Osorio, a nosa Desexada e a Leliadoura. A Boaventura estaba lista para sair pero por falta de tripulación quedóuse no fondeo.

Foto Albatros

A proba estaba prevista para dúas mangas de dúas voltas, pero xa na primeira manga a Leliadoura , tripulada por Javi Aguado e Dolores, rompeu a antena da súa vela latina e tivo que volver a terra.


O Osorio, tripulado por Pepe e o seu neto Brais,  tamén tivo moitos problemas, xa que lle entraba moita auga e non pudo rematar a manga cando iba terceiro.

Foto de Xurxo Lobato
A Desexada, tripulada por Jaime, Jorge e Xurxo rematou segunda non sen percances, porque rompeu un cacho da regala onde levaba o tolete do lazy.

Albatros, como xa nos ten acostumbrados, quedou en primeira posición. Nesta ocasión, iba tripulada por Marta, Anuska e Jose. Botamos de menos a Víctor.

Vistos os problemas que sufriron os barcos, e como so quedaban dous, decidéuse suspender a segunda manga, polo tanto a clasificación queda da seguinte maneira.

1º - Albatros: 5 puntos por asistencia + 4 polo posto obtido = 9 puntos
2º - A Desexada: 5 + 3 = 8 puntos
3º - Osorio: 5 puntos por asistencia (non puntuou por resultado ó non finalizar a manga)
4º - Leliadoura: 5 puntos por asistencia (non puntuou por resultado ó non finalizar a manga).

Ó rematar a proba, tiñamos preparada unha pequena merendiña a base de sardiñas que nos prepararon Francisco, Silvia e Rober.


A vindeira cita será o sábado día 16 de xullo na IV Xuntanza Patexeira de embarcacións tradicionais, que non será competitiva pero os barcos participantes na Copa Balbina teñen a oportunidade de conseguir 10 puntos por participación.

Vémonos o sábado 16 e o domingo 17 en Sada.






A miña foto
Asociacion cultural en defensa da conservación do patrimonio marítimo, o litoral e a cultura mariñeira. Contacta con nós no CORREO: patexeiros@hotmail.com ou ben no noso FORO: http://patexeiros.foroactivo.com