venres, 1 de febreiro de 2013

Unha de cal e dúas de area

Pois se fai uns días dábamos unha boa nova por ter chegado na web oficialmente ás 20.000 visitas, agora toca unha mala.

Xa era raro que os temporais non fixeran algún estrago na flota patexeira, este ano. Seguro que moitos xa o estábades esperando, porque claro, Os Patexeiros somos máis chulos que ninguén e pretendemos desafiar a Neptuno e a Eolo deixando os barcos fondeados no mar todo o inverno, e para máis arbolados.

Ilusos de nós, porque todos os anos os deuses nos gañan a partida.

Xa o decía Paco Costas naquela serie documental sobre tráfico que víamos cando éramos pequenos e que se chamaba "La Segunda Oportunidad". A serie sempre empezaba coa frase "o home é o único animal que tropeza dúas veces coa mesma pedra". Bueno, pois Os Patexeiros penso que xa imos a superar o record de tropezos.

Fai dous días, unha forte surada levóunos a Desexada, que este ano xa aguantou o seu, azoutada continuamente por temporais, e ainda así aguantou e aguantou, pero esta vez foi moito e xa non pudo máis.

Jaime estívoa vixiando todos os días e achicándoa de vez en cando, e estaba ben, pero ese mesmo día coincideu que tivo que ausentarse e os deuses cebáronse co barco.

Afortunadamente, grazas á flotabilidade que lle engadimos na última reparación quedou entre augas e non foi ó fondo.

Apareceu tal e como a vedes, camuflada como un chopo,  flotando na dársena de Sada.


En canto nos avisaron púxose en marcha o dispositivo patexeiro de rescate, vamos, como sempre estábamos sen zodiac, e sen maneira de chegar ata o barco para amarralo. Un socio en Vigo, outro en Katmandú, outro indisposto, etc...

Grazas ó amigo Oscar do Clube Náutico de Sada que se ofreceu a axudarnos e estivo alí ata xa entrada a noite, coa lancha amarrando a Desexada para que non se escapara, sinalándoa para que non supuxera perigo para outros barcos e reforzando ainda máis a flotabilidade, e quitándolle a maior.


Ó día seguinte de novo, os amigos do Clube Náutico de Sada nos botaron unha man para remolcala ata a rampa, onde hoxe a subimos ó carro.

Como vedes, non sufreu danos de importancia.

Agora vai a ir para Lorbé para empezar xa a preparala para que poda estar presente no Encontro de Outes.

E a ver se por fin, a partires de agora,  deixamos xa de ser tan chulos e ivernamos os barcos en terra cando chegue o mal tempo

Palmeirán

2 comentarios:

  1. Menos mal que al final no pasó nada! Cuando vi las fotos en la portada pensé en lo peor. Vaya racha !! Primero el galeón de Coruña y ahora A Desexada!! :@
    Nosotros también tenemos los "navíos" fondeados y la verdad se pasa mal. Sobretodo cuando llega un temporal tras otro. :-)
    Me alegro que todo se quedara en un pequeño susto! ;-)
    Un saludo y nos vemos en la Copa Balbina;-)

    ResponderEliminar
  2. Gracias Jose. Si, menos mal que so foi un susto.

    ResponderEliminar

Fainos teu comentario aquí ou envíanos un correo a patexeiros@hotmail.com

A miña foto
Asociacion cultural en defensa da conservación do patrimonio marítimo, o litoral e a cultura mariñeira. Contacta con nós no CORREO: patexeiros@hotmail.com ou ben no noso FORO: http://patexeiros.foroactivo.com