COMENZOU O II CURSO DE CARPINTARÍA DE RIBEIRA
![](https://blogger.googleusercontent.com/img/b/R29vZ2xl/AVvXsEhlcu-5jp5sZicTPYMoHK7pVMfuHCqMgnEvQLaS28Knp8Y_MnKSzrO3GdrW6lZGYjB8ooXtSw27I_W4Pj_2t2YP0RKbPDDQ1lPqHMvbzaGL9TxXKhyTMgTCLabYfjjsgzDw027Z3XPFhlvl/s320/Outubro+2010+005.jpg)
Este sábado dou comenzo o II curso de carpintaría de ribeira e mantemento de embarcacións tradicionais que organizamos os Patexeiros.
O primeiro día, e a falta de algúns inscritos que comenzarán o vindeiro sábado, presentáronse no taller de Pepe 12 alumnos con moitas gañas de aprender os segredos deste arte milenaria que é a carpintaría de ribeira.
Empezaron por recibir unha charla de David (o mestre) sobre as ferramentas e as súas técnicas de afiado. Xa que ben sabido é que ter unha ferramenta sen afiar e como non tela, ademáis de que moitos accidentes se producen por non ter a ferramenta ben afiada e facer demasiada forza con ela.
![](https://blogger.googleusercontent.com/img/b/R29vZ2xl/AVvXsEhJvef_aUqnZEE7lXJnbXVe0bYNzh5_6sJD23F6XQtjZ_Vrygg0dl-QLG4NTcOBPGxsK_HNBFe5k1FMsWoYiLbBMCXphS3bEIFkEJeOgXyLKMfwTh44aeBkhMIxD4r6CEEK8smJqHk5DLQE/s320/Outubro+2010+007.jpg)
Todos pasaron polo esmeril coas súas respectivas trenchas. David explicóulles como distinguir unhas boas trenchas feitas cun bo aceiro rico en carbono e unhas trenchas de centro comercial, fixándose entre outras cousas nas chispas que botaban ó pasalas polo esmeril.
![](https://blogger.googleusercontent.com/img/b/R29vZ2xl/AVvXsEiSnCKqx-C3TImP4G8bk7y4UqVp4GfwLMBWXgwl6QpSQ0WbCqX0CT_u8LbHIqQzMY4kXFjjHU04bGa23KA1I1ZZlLhzICH7hxOAB6NN8Kw_g9xNikUbkUHDTPUG7vFKY_hwlkcXU1wnW3Nv/s320/Outubro+2010+042.jpg)
O esmeril acaparou moito a atención dos nosos alumnos, algúns probaron en varias ocasions.
![](https://blogger.googleusercontent.com/img/b/R29vZ2xl/AVvXsEjNTnuBNeP13YfbCGORAjWf1mG_QREzVRfOKccbTOTyoWJ8o5UYyon7Zjj1jzl9hkj0KgW1VjwBBz7KjYXNL2KxBTcsE20EXmNXmY5Yv_p-NbvSpOHynLZXUWERxW0rJbjQdgOp0D454fKP/s320/Outubro+2010+046.jpg)
Logo déronlle o repaso coa pedra de afiar, que tamén ten a súa ciencia, quitáronlle as barbas e as deixaron listas para o traballo.
![](https://blogger.googleusercontent.com/img/b/R29vZ2xl/AVvXsEjVQHp0GvJ2uIVNcr1GWG2mN-4cqLJ0hMG-TsIdc3bcxX-AldxWnnBvqxASrNSEa_aOKRiU-BfjU9r1ooeLycgU3cZwJfJBD5rPNTMbJ8-Z4g-aAfW_y7b4pBC4ZbjFIuVwcEBTgTgEBgLH/s320/Outubro+2010+056.jpg)
Seguídamente viron como se afiaba o serrón utilizando a costela ou codal e como comprobar se está ben afiado simplemente tocándoo co dedo.
![](https://blogger.googleusercontent.com/img/b/R29vZ2xl/AVvXsEgw7hzTj0P-9b8YZjjoe2Y9jeZNqzUttB1OY6mDb3E1bXlokgtHgiV8hyLlVKjQsFoMRhc7SqfO3-bkwU59gXniCVNwRkY3_mr8un531yGDoqxS0ne29e-0tAjL01ZUv2OCwsMGlx4xPgyZ/s400/Outubro+2010+064.jpg)
Tras as prácticas de afiado chegou o momento de ver se realmente estaban ben afiadas e todos fixeron cortes co serrón. Aquí o mestre carpinteiro Pepe foi o que os puxo a proba.
![](https://blogger.googleusercontent.com/img/b/R29vZ2xl/AVvXsEgEbJgWBMs2RYmp1SxPlhUgLCBPL9WiFDXSImdKw3gMekLy2Z02bLTpG6OU6ZeKkPC1iycI3aWPfsntxeDj3lS7P4JemodIi_PSsCQVTJKM7xQsL7bhfVJNTzLtpfF38KDNIpnnJLouOcvt/s400/Outubro+2010+079.jpg)
Fixeron unha mortaxa coa trencha, uns con máis técnica ca outros. Había algunhas que merecían un 10, outras se quedaban nun lixeiro aprobado, pero esto xa se arranxará de aquí a finais do curso.Tamén todo hai que decilo, ós primeiros lles tocou un pau de castiñeiro, e os últimos o fixeron cunhas pezas de carballo do país, e claro, non é o mesmo.
![](https://blogger.googleusercontent.com/img/b/R29vZ2xl/AVvXsEiy3_X6s0hwqDBVPFof8wsNB6k0TFPhWYeJ_eK-J7bjNf59kOWNjVDDA7YVvE2AZLMvu95DiybutnQgJdYmV3hfNDZucEIq71B2OJBvM0t3Z2lmm_LgUj1GW-ISys90B5PM5h38L5Cy3Sz5/s400/Outubro+2010+093.jpg)
Todos estiveron ocupados con cadansúa peza de madeira.
![](https://blogger.googleusercontent.com/img/b/R29vZ2xl/AVvXsEh1QMrfVk-5k2BnSgkkA52gq-UDrTAvwexNBVjt8zFyNU98G_KgHYrgmEBH3HYkyEURTzg3ekBcstAKAR40IVhp4r8r5FmYQiCrAofpT9bjpqVqkHl2LwPaPTmdbIFSZRuFWLaetUbpvdqW/s400/Outubro+2010+090.jpg)
Chegou o momento do cepillado coa garlopa.
![](https://blogger.googleusercontent.com/img/b/R29vZ2xl/AVvXsEjcoVR_CDEDN1_sdRtk_KFizzhlfZC5u2Qg0BntFGAXeh-J4xXGqec0fKGg99OapqbXfkrShgWvDWpL1UVr_A6p3GoQLcDNSot5GNpQeyANqeYQflG6QqF0kwOTvBlg629mDP7h0NP0nPEl/s320/Outubro+2010+101.jpg)
Notábase os alumnos aventaxados, que asistiron ó primeiro curso que organizamos, que conseguían sacar unha viruta longa e contínua.
A vindeira semán empezarán a meterlle man ó Arrecarallo, o bote de prácticas da Asociación, que intentarán deixalo, unha vez rematado o curso, listo para ir ó mar. A ver se o conseguen.
![](https://blogger.googleusercontent.com/img/b/R29vZ2xl/AVvXsEiHQszDz8j7sFIcXswAhqCCqb7kQqNYEFznIEEQeMhH4j1TcS_c6TYubEufRXs9zNP7FiWuGCydwCO57gTirR0fhXcyOiTx_ztqrHNEbdlHbSAIGMwYFqGAAORDJFaTww-HrU4qWXNBWSBg/s320/Outubro+2010+016.jpg)
O curso promete.
by Palmeirán
Comentarios
Publicar un comentario
Fainos teu comentario aquí ou envíanos un correo a patexeiros@hotmail.com