venres, 26 de febreiro de 2016

AMPLIADO PRAZO DE PREINSCRICIÓN NO 6º CURSO DE CARPINTARÍA



Debido á lentitude na preinscrición desta 6ª Edición do Curso de Carpintaría de ribeira, imos a prorrogar dúas semáns máis a mesma. Co que a data prevista de inicio do curso sería o sábado 12 de marzo.

Se para o xoves 10 de marzo non se cubre o cupo mínimo veríamonos na obriga de pospoñer esta 6ª Edición ata mellores tempos.

Recordade :

INFORMACIÓN BÁSICA DO CURSO
  • O cupo, estará limitado a 18 asistentes.  Non se levará adiante se non hai un mínimo de 15 alumnos.
    - As inscricións serán por rigurosa orde de chegada ó noso correo patexeiros@hotmail.com 
    - Os cursos serán impartidos por carpinteiros de ribeira profesionais.
    - Haberá unha pequena parte teórica e moita, pero moita práctica.
    - Como obxectivo deste curso, e debido á pouca duración do mesmo, nesta edición daránse uns conceptos básicos de cómo se empeza a construcción dunha embarcación tradicional, e se quitará unha caderna sobre o taboeiro, pero sobre todo, o curso centrarase en cómo afrontar reparacións básicas que un usuario se pode atopar no seu barco, como sustitucións de banzos, cadernas, barraganetes, caureis, trancanís, etc... Tamén veremos nocións de calafateado tradicional e moitas cousas máis.
    - Facilitarase material de seguridade ós asistentes: gafas protectoras, guantes e batas, que serán de USO OBRIGADO durante o curso
     - Entregarase a cada asistente material teórico en soporte dixital.
    - As xornadas do curso desenrolaranse os sábados pola mañán dende as 9:45 horas. Prégase puntualidade.
    - Cada xornada constará de 4 horas de formación e haberá un descanso duns 15 - 20 minutos, no que como acostumamos, vos serviremos un refrixerio. (Non esperedes máis ca o que vos ofrecen nalgunhas liñas aéreas, eh!!!)
    - O curso terá unha duración total de 40 horas (10 sábados pola mañán) 
      • As datas previstas serían: 12-19-26 de marzo, 2-9-16-23-30 de abril, 7-14 de maio. Como todos os anos, se algún día coincidira con algunha data especial ou festivo (Semán Santa, etc...) consultado entre os alumnos poderíase aprazar ó seguinte sábado operativo.
        - Ó finalizar o curso daranse uns diplomas acreditativos ós asistentes.
        - O inicio do curso está previsto para o sábado 12 de marzo. No caso de que faltasen poucos alumnos para cubrir o cupo poderíamos aprazalo un sábado máis.
    APORTACIÓNS PARA SUFRAGAR O CURSO
    SOCIOS DA A.C.M. OS PATEXEIROS...................................... 195 €
    SOCIOS DO C.N.RECREATIVO DE SADA....(*1)...................  200 €
    DESEMPREGADOS.........(*2)...................................................... 200 €
            RESTO DE ALUMNOS................................................................ 220 €         

    (*1) Os socios do C.N.R.S deberán acreditar a súa condición de socios.
    (*2) Os desempregados deberán acreditar a súa condición mediante a presentación da tarxeta de demandante.

    PREINSCRICIÓNS E INFORMACIÓN ADICIONAL A TRAVESO DO NOSO CORREO : patexeiros@hotmail.com 
    Enviar os seguintes datos:
    NOME, TELÉFONO, MAIL, POBOACIÓN, EDADE, DNI .
    Indicade se sodes socios do CNRS ou estades desempregados para aplicarvos a tarifa correspondente. Teredes que acreditar a situación.
     

Ningún comentario:

Publicar un comentario

Fainos teu comentario aquí ou envíanos un correo a patexeiros@hotmail.com

A miña foto
Asociacion cultural en defensa da conservación do patrimonio marítimo, o litoral e a cultura mariñeira. Contacta con nós no CORREO: patexeiros@hotmail.com ou ben no noso FORO: http://patexeiros.foroactivo.com