Publicacións

Mostrando publicacións desta data: 2012

BO NADAL

Imaxe
Dende a A.C.M. Os Patexeiros desexámosvos que pasedes un Bo Nadal e unha boa despedida e entrada de ano.  Que no 2013 os ventos nos sexan, a todos, favorables.

PECHANDO O ANO

Imaxe
Pois alí estivemos o pasado sábado. O Salón de Plenos do Concello de Sada rexistrou unha boa entrada. Ainda así botamos en falta a moita xente que tiña pensado vir, a outra que xa nos dixo que non podían por outros compromisos, e a outros dos que non soubemos nada deles. Tocóume a facer a presentación, máis non son home de falar en público, cousa á que me vou afacendo pouco a pouco vistas as veces que me toca levar adiante esta tarefa. Empezamos facendo unha pequena presentación da nosa Asociación, porque ainda que a meirande parte dos asistentes ben nos coñecían, tamén  había algunhas persoas que pouco oíran falar dos Patexeiros. Seguindo a ésta, pasamos a proxectar un pequeno resumo das actividades que levamos adiante neste ano 2012 que está a piques de rematar. Un ano que non foi o máis prolífico en actividades para os Patexeiros dende o seu nacemento, por mor de adicar moito do noso tempo ás reparacións nos barcos, máis ainda así organizamos eventos e asistimos a conc

CLASIFICACIÓN FINAL COPA BALBINA E ENTREGA DE PREMIOS

Imaxe
Por fín, despóis de varias reunións do Comité de Regatas da Copa Balbina e atendendo a varias reclamacións feitas por distintos participantes, rectificóuse a puntuación nunha das regatas da Copa. O problema foi que se tiña puntuado as dúas mangas como se foran dúas regatas distintas, cando se tiña que facer a media das dúas mangas. Unha vez chegado a consenso dentro do Comité publícase definitívamente a Clasificación Xeral desta 4ª Edición da Copa Balbina de Embarcacións Tradicionais, así como as puntuacións de cada regata e das concentracións puntuables de regularidade (que levan 3 puntos por asistencia a cada unha delas). Este ano o resultado foi moi pero que moi axustado. Se tivo a Copa nas máns José Antonio o do Arxil, a non asistencia a dúas probas fixo que a Copa pasara a máns de Jaime, que obtivo finalmente 27 puntos, seguido por medio punto de Juanjo do Alivanta con 26,5 puntos, e de terceiro rematou José Antonio do Arxil con 26. O gañador de dúas edicións da Copa Balbi

GALA DE PECHE DE TEMPADA DOS PATEXEIROS

Imaxe
 Este vindeiro sábado día 15, a partires das 17:30 horas, olvidade todo o que tiñades pensado facer e vide a Sada porque terá lugar a Gala de Peche de Tempada da Asociación Cultural Mariñeira Os Patexeiros no Salón de Plenos do Concello de Sada, sito no antiguo edificio da Comandancia de Marina de Sada, . O menú, como estamos en tempo de crisis será o seguinte: Entremeses: - Empezaremos cunha pequena presentación da nosa Asociación, quenes somos, etc... - Logo faremos un breve resumo das actividades e eventos que levamos a cabo neste 2012. 1ºs pratos: - Proxección de imaxes correspondentes á 3ª Edición do Curso de Carpintaría de ribeira 2011-2012 - Entrega de diplomas ós alumnos do Curso. - Proxección de imaxes da Copa Balbina 2012. - Entrega da Copa Balbina ó gañador e premios ó 2º e 3º clasificado. 2ºs pratos (e non menos importantes ca os primeiros): - Charla a cargo da Federación Galega pola Cultura Marítima e Fluvial - Pequena presentación do XI Encontro de E

Pepe o carpinteiro de Lorbé e Os Patexeiros na TVG

Imaxe
Este pasado domingo día 9 tivemos unha pequena aparición no programa Vivir Aquí adicado ós oficios de sempre, da TVG. Nico Campos entrevistou a Pepe o carpinteiro de Lorbé e logo a nós a carón da Balbina e tamén no noso local de Lorbé. Xa o podedes ver na TV á Carta da TVG neste enlace. VIVIR AQUÍ - OS OFICIOS DE SEMPRE O reportaxe sobre o carpinteiro de ribeira aparece a partires do minuto 31 pero recomendámosvos ver todo o programa, porque precísamente está adicado a estes oficios "patrimoniais" que xa están en vías de desaparición. Palmeirán

Coincidencias da vida

Imaxe
Recordaredes que fai un par de meses vos dábamos conta nesta páxina da operación de rescate dun vello motor Larrán varado nunha praia. Como vos comentábamos daquela, fixéramos o rescate por motivos sentimentais ó tratarse dun motor da marca Larrán, e por motivos ecolóxicos para manter limpa a praia. Fai uns días falando cuns mariñeiros no porto de Lorbé levámonos ademáis unha grata sorpresa ó intentar averiguar de qué barco procedía aquél motor. Pois non volo ides a crer, pero ese motor pertencía ó NELOS, o barco xemelgo da nosa BALBINA, que se fora contra as pedras hai xa varios anos a causa dun forte temporal. O Nelos pertencía ó mesmo armador que a Balbina e tamén se adicaba á captura do patexo. Podédelos ver xuntos nesta foto dos anos 50 na praia de Sada. O que é a vida, rescatámolo sen saber que era da familia. Agora xa forma parte do Museo Patexeiro. Palmeirán

O Freixo-Outes acollerá o XI Encontro de Embarcacións Tradicionais

Imaxe
  Foto da páxina do Concello de Outes Así se acordou por unanimidade na Asamblea da FGCMF celebrada este sábado en Castrelo-Cambados. A candidatura foi presentada pola Asociación Terra de Outes, que contará coa implicación das Asociacións da Federación, Mar de Muros, Canle de Lira, A Ostreira de Abelleira, Mar de Noia e Joaquín Vieta, para poder levar a cabo este proxecto. Asimesmo tamén contan coa colaboración do Concello de Outes, as Cofradias de Pescadores, e varias asociacións veciñais que se comprometen a prestar axuda e voluntariado para poder levar adiante o XI Encontro. Dende a A.C.M. Os Patexeiros desexámoslle moita sorte coa organización deste gran evento, e pola nosa parte, empezaremos dende xa a preparar os barcos para poñer proa ó Freixo alá por xullo de 2013. As datas fixas ainda non están confirmadas.

Embarrancamento do galeón Punta Pragueira

Imaxe
O pasado fin de semán, do 3 de novembro, os compañeiros de Amigos das Embarcacións Tradicionais da Coruña recibiron unha chamada que a bo seguro nunca desexarían ter recibido. O mariñeiro do C.N. de Ares lles daba a mala nova de que o galeón Punta Pragueira estaba embarrancado nunha furna preto do Clube Nautico. Parece ser que unha desas noites de temporal se soltou do amarre en Lorbé e atravesou toda a ría para quedar varado na Cova da Pedra Feita de Ares. Ese mesmo sábado alá se achegaron a velo, pero en seguida se fixo noite e ese día xa non poideron facer nada. Ó día seguinte, varios membros da Asociación da Coruña acompañados por uns cantos Patexeiros acudiron a intentar reflotalo e sacalo das pedras.  Todo o día estiveron intentando tapar os furados que tiña con madeira, trapos e espuma de poliuretano, pero a auga que entraba, a area que tiña dentro sumada ós kilos de plomo de lastre que ten o barco facían imposible sacalo de entre as pedras. Chegaron cansos e der

O pequeno museo do Bar Venezuela de Sigrás

Imaxe
Onte pola noite, con motivo dunha Asamblea da directiva dos Patexeiros, quedamos no Bar Venezuela, de Sigrás, na estrada N-550 que vai de Coruña a Santiago. Motor Ayon de 1 cilindro fabricado en 1926 Xa sabíamos que tiña unha colección de móviles de vento feitos con aperos de labranza, arados, etc..., pero algún patexeiro sabía ademáis que garda un pequeno tesouro. Unha pequena colección de motores marinos. Motor Ayon de 3 cilindros Saquéilles unhas fotos pero xa era noite e non se aprecian moi ben. De todas maneiras podedes darvos unha idea do pequeno museo. O máis maravilloso é que falamos co propietario e nos dixo que os motores están en perfecto estado e os encende de vez en cando. Tamén nos comentou que ainda ten algún máis almacenado, e incluso nos dou algúns trucos para aplicarlle ó motor Larrán da nosa Balbina. Así que un día a plena luz pasaremos a facerlle outra visita e vos faremos un mellor artigo sobre este pequeno museo que paga a pena velo. Un f

Nova lei de Costas

Imaxe
Autor: Luis Davila

Xa varamos a Balbina

Imaxe
Onte, venres, varamos a Balbina no estaleiro de Lorbé para empezar os traballos da tempada de inverno. Coma sempre, podedes seguir a súa evolución na páxina da Balbina . Palmeirán

Traballos varios en Lorbé

Imaxe
Este sábado estiven en Lorbé facendo pequenas cousiñas no local Patexeiro. Ás 12 da mañán, Miguel e máis eu collemos o chinchorro e achegámonos ata a Balbina para achicala, xa que se varará ó longo da semán que vén. En algo menos dunha hora, utilizando dúas bombas de achique conectadas á batería, e a base de capazos, deixámola lista. Tamén aproveitei para baldeala e limpala un pouco do mexillón que levan as amigas gavotas. Xa de volta no local de Lorbé, púxenme a darlle unha man de Xylazel   ó banco do chinchorro, xa que se atopaba algo queimado polo sol. Unha pequena lixada e unha man de Xylazel Roble e quedou coma novo. Logo me puxen a quitar do medio do local o aborto de carro de varada de madeira co que levamos o motor Larrán rescatado do mar. Foi bastante doado, a pesares de que a peza do Larrán que tiña encima dél debe rondar os 300 Kilos. Xa sabedes o que dixo Arquímedes, "dádeme un punto de apoio e moverei o mundo". Pois así fixen eu. Agora a entrada do l

Naufraga un veleiro de madeira na Coruña

Imaxe
Onte, domingo, sobre as seis e media da tarde, un veleiro encallou nunhas pedras fronte ó Aquarium Finisterrae da Coruña e en cuestión de un par de minutos quedou desintegrado. Xente que o presenciou asegura que en un visto e non visto foise ó fondo. Polos restos que están a flote e os que chegaron á praia do Orzán podemos ver que se trataba dun veleiro de madeira. Según os medios de comunicación, o barco non tiña identificación e non contaba con radio. Onte foi rescatado un corpo do mar, e hoxe continuaban as tarefas de búsqueda, xa que se cree que iban dous tripulantes máis abordo, ainda que non o saben con certeza. Esta mañán estaban rastrexando a zona un remolcador de Salvamento Marítimo, unha lancha Salvamar, unha lancha da Garda Civil e varias zodiacs de Protección Civil e Garda Civil. Por terra estaba Protección Civil, Bombeiros, Policía Local e Nacional. E tamén se contaba con un helicóptero que estivo peinando dende a Casa dos Peixes ata a praia do Orzán. O c